சில பெண்களுக்குச் சிறுநீர் கழித்த பிறகு எரியும் உணர்வு ஏற்படுவதற்கான காரணம் பற்றி தெரியுமா?

சிறுநீர் கழிக்கும் போது உங்களுக்கு எப்போதாவது கடுமையாக எரியும் உணர்வு அல்லது வலி ஏற்பட்டால் அதற்கு சில காரணங்கள் உண்டு. இதற்கு டைசூரியா எனப்படும் மருத்துவப் பிரச்சினையால் பாதிக்கப்பட்டிருக்கலாம். இந்த உடல்நலப் பிரச்சினை நிறைய அசௌகரியங்களுக்கு வழிவகுக்கிறது மற்றும் பெண்களிடையே மிகவும் பொதுவானதாக இருக்கிறது. டைசூரியா அறிகுறிகள் நிலையானதாகவோ அல்லது பெண்களுக்குப் பெண் மாறுபடும் அல்லது வெவ்வேறு காரணிகளைப் பொறுத்து மோசமடையலாம்.

மேலும் படிக்க: தைராய்டு பிரச்சனை காரணமாக பெருகும் தொப்பையைக் குறைக்க உணவில் சேர்க்க வேண்டிய பொருட்கள்

ஆதித்யா பிர்லா மெமோரியல் மருத்துவமனையின் சிறுநீரக மாற்று அறுவை சிகிச்சை நிபுணர், மூத்த ஆலோசகர் டாக்டர் ஆனந்த் தாராஸ்கரி இதை பற்றி விரிவாக தெரிவித்துள்ளார். சிறுநீர் கழிக்கும் போது இந்த எரிச்சல் உணர்வு ஏற்படுவதற்கான சில பொதுவான காரணங்கள் என்ன என்பதை பார்க்கலாம்.

அதிக நேரம் சிறுநீரை அடக்கி வைப்பது

அதிக நேரம் சிறுநீரை அடக்கி வைப்பது சிறுநீர்ப்பையில் சேரும் சிறுநீரின் நச்சுத்தன்மையை அதிகரிக்க செய்யும். இந்த அமிலம் சிறுநீர்ப்பையின் புறணியுடன் தொடர்பு கொண்டு தடிப்புகள் மற்றும் வலியை ஏற்படுத்துகிறது. இது உங்கள் யோனி மற்றும் சிறுநீர்ப்பையை காயப்படுத்துகிறது.

நீர்ச்சத்தை குறைவாக இருப்பது

நம் உடலில் உள்ள நச்சுக்களை சிறுநீர் மூலம் வெளியேற்றுகிறோம். நாம் அதிக தண்ணீர் குடிக்கும்போது நச்சுக்கள் அதில் உறிஞ்சப்பட்டு இறுதியில் நம் உடலில் இருந்து வெளியேற்றப்படுகின்றன. அதிக தண்ணீர் குடிப்பதால் நமது சிறுநீர் குறைவாக செறிவூட்டப்பட்டிருக்கும். நாள் முழுவதும் போதுமான தண்ணீர் இல்லாததால் நீரிழப்பு ஏற்படலாம். இதனால் சிறுநீரை அதிக அமிலத்தன்மை கொண்டதாக மாற்றும், மேலும் உடலில் இருந்து வெளியேறும் போது வலியை ஏற்படுத்தும். தினமும் குறைந்தது 7 முதல் 8 கிளாஸ் தண்ணீர் குடிக்க வேண்டும்.

சிறுநீர் பாதை தொற்று (UTI)

இன்றைய நாட்களில் பெண்கள் மத்தியில் UTIகள் மிகவும் பொதுவானவை. பெண்கள் சிறுநீர் கழிக்கும் போது எரியும் உணர்வை அனுபவிப்பதற்கான பொதுவான காரணங்களில் இதுவும் ஒன்றாகும். இது பொதுவாக சிறுநீர் பாதையில் பாக்டீரியா தொற்று காரணமாகும். இந்த தொற்று சிறுநீர் பாதையில் வீக்கத்தை ஏற்படுத்துகிறது, மேலும் இது சிறுநீரகங்கள், சிறுநீர்ப்பை, சிறுநீர்க்குழாய்க்கு கொண்டு செல்லப்படுகிறது, இது சிறுநீர் கழிக்கும் போது வலியை ஏற்படுத்துகிறது.

பாலியல் ரீதியாக பரவும் நோய்கள்

பாலியல் ரீதியாக பரவும் நோயால் பாதிக்கப்பட்டிருந்தால், சிறுநீர் கழிக்கும் போது வலி ஏற்படலாம். பிறப்புறுப்பு ஹெர்பெஸ், கோனோரியா மற்றும் கிளமிடியா போன்ற சில பொதுவான பாலியல் ரீதியாக பரவும் நோய்த்தொற்றுகள் உள்ளன. இந்த நோய்த்தொற்றுகள் எப்போதும் எந்த அறிகுறிகளையும் கொண்டிருக்காது, எனவே அவற்றை பரிசோதிப்பது முக்கியம்.

மேலும் படிக்க: காலையில் எழுந்தவுடன் ஏற்படும் குதிகால் வலியை குணப்படுத்த உதவும் சில வைத்தியங்கள்

இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

Image Credit: Freepik