இளம் வயதில் மாதவிடாய் நின்றுவிடுகிறதா? பாதிப்பைத் தடுக்க செய்ய நீங்கள் செய்ய வேண்டியது!

பெண்கள் பூப்படைந்த காலம் முதல் ஒவ்வொரு மாதமும் 28 அல்லது 30 நாட்கள் சுழற்சி அடிப்படையில் மாதவிடாய் ஏற்படுகிறது. இளம் வயதில் இருந்து மாதவிடாய் சுழற்சியானது சீராக இருந்தாலும் 40 வயதை எட்டும் போது பெண்களுக்கு ஈஸ்ட்ரோஜன் மற்றும் பிரஜஸ்ட்ரோன் ஹார்மோன் சுரப்பானது குறைய ஆரம்பிக்கும். 40 வயதில் இருந்து அடுத்த ஐந்து அல்லது 9 ஆண்டுகளுக்குள் இந்த சுரப்பியானது கொஞ்சம் கொஞ்சமாக குறைய ஆரம்பித்து முற்றிலும் நின்றுவிடுகிறது.

இன்றைய உணவுப்பழக்க வழக்கம் மற்றும் கலாச்சார மாற்றங்களால் இந்த சுழற்சியானது முற்றிலும் மாறிவிட்டது. இக்காலத்துப் பெண்களுக்கு இளம் வயதிலேயே மெனோபாஸ் எனப்படும் ஆரம்ப கால மாதவிடாய் ஏற்படுகிறது. இந்த பாதிப்பு எதனால் ஏற்படுகிறது? இதற்கு என்ன காரணம்? என்பது குறித்து இங்கே அறிந்துக் கொள்ளலாம் வாருங்கள்.

ஆரம்ப கால மாதவிடாய் ஏற்படக் காரணங்கள் மற்றும் தீர்வுகள்:

• பெண்களுக்கு இளம் வயதிலேயே மாதவிடாய் நின்று விடுவதற்கு மரபணு ஒரு முக்கிய காரணமாக அமைகிறது. குடும்பத்தில் தாய் அல்லது உடன் பிறந்தவர்களுக்கு எப்போது மாதவிடாய் நின்றுவிடுகிறதோ? அதே போன்று தான் சில பெண்களுக்கு ஏற்படக்கூடும். அனைவருக்கும் மரபணு காரணமாக அமையுமா? என்றால் நிச்சயம் இல்லை. வேறு சில காரணங்களும் உள்ளது.

மேலும் படிக்க: பெண்களின் உணவில் மெக்னீசியம் சத்து இடம்பெற வேண்டியதன் அவசியம்

• இன்றைக்கு ஊட்டச்சத்து குறைபாட்டால் பல பெண்கள் பாதிக்கப்படுகின்றனர். இளம் வயதில் ஊட்டச்சத்துளள உணவுகளை யார் சாப்பிடுவதை நிறுத்துகிறார்களோ? அவர்களின் உடல் நிலையில் பல மாற்றங்கள் ஏற்படுகிறது. இது ஆரம்ப கால மாதவிடாய் நிறுத்தத்திற்கு ஒரு காரணமாக அமைகிறது.

Image source - Freepik