சுட்டெரிக்கும் கோடையானது வயிறு தொடர்பான பிரச்சனைகள், அஜீரணம் மற்றும் மலச்சிக்கல் போன்றவற்றை ஏற்படுத்துகிறது. இந்த உடல்நலப் பிரச்சினைகளைத் தடுக்க தினமும் போதுமான அளவு தண்ணீர் குடிக்க வேண்டும். நாள் முழுவதும் போதுமான தண்ணீர் குடிப்பது இதய துடிப்பு மற்றும் இரத்த அழுத்தத்தை சீராக்க வைத்திருக்க உதவும். கோடையில் தண்ணீர் குடிப்பதால் நீரிழப்பு குறைக்கிறது, மூட்டுகளின் செயல்பாட்டை ஊக்குவிக்கிறது மற்றும் உடல் வெப்பநிலையையும் கட்டுப்படுத்துகிறது.
மேலும் படிக்க: ஹீட் ஸ்ட்ரோக்கைத் தடுக்கும் ஆற்றல் கொண்டது விளாம்பழம் ஜூஸ்
குறிப்பாக கோடை காலத்தில் தண்ணீர் அருந்துவது பற்றி எப்போதும் நிறைய விவாதங்கள் உள்ளன. சில நிபுணர்கள் ஒவ்வொரு நாளும் குறைந்தது இரண்டு லிட்டர் தண்ணீரைக் குடிக்க பரிந்துரைக்கிறார்கள். ஒரு நாளில் நாம் உட்கொள்ள வேண்டிய சரியான அளவு தண்ணீரைப் பற்றிய தெளிவு பெற உணவியல் நிபுணர் ஃபாஸ்ட் & அப் பவ்யா தீர் என்பவரிடம் பேசினோம் அவர் தெளிவான ஆலோசனைகளை நமக்கு வழங்கியுள்ளார்.
50 கிலோ எடையுள்ள நபர்கள் 90 கிலோ எடையுள்ள நபர்கள் குடிக்கும் அளவு தண்ணீர் குடிக்க தேவையில்லை. எடை அளவை வைத்து ஒரு நபரின் தண்ணீர் தேவையை எளிதில் தீர்மானிக்க உதவுகிறது. எடைக்கு ஏற்றவாறு தண்ணீரின் அளவு வெறுப்படும். பரிந்துரைக்கப்பட்ட தினசரி நீர் உட்கொள்ளலைக் கணக்கிட எடையை 0.035 ஆல் பெருக்கவும். உதாரணமாக உங்கள் எடை 60 கிலோ இருந்தால் அதை 0.035 ஆல் பெருக்கவும். இதன் விளைவாக 2.1 லிட்டர் அல்லது 2100 மில்லிலிட்டர்கள் தண்ணீர் உட்கொள்ள வேண்டும்.
ஒரு நாளைக்கு நீர் குடிப்பதன் அளவு மற்ற செயல்பாட்டு காரணங்களால் மாறுப்படுகிறது. உதரணமாக அன்றாட வாழ்க்கையில் ஏதேனும் உடல் செயல்பாடுகளில் ஈடுபடுபவர்கள் அதிகமாக தண்ணீர் குடிக்க வேண்டும். வொர்க்அவுட்டானது வியர்வைக்கு வழிவகுப்பதால் உடலில் இருந்து நிறைய தண்ணீரை இழக்கச் செய்கிறது. ஒவ்வொரு மணிநேர உடற்பயிற்சி அல்லது உடல் செயல்பாடுகளில் இருக்கும்போது உடலுக்கு 500 மில்லி தண்ணீரைச் சேர்க்க வேண்டும். உதாரணமாக 60 கிலோ எடையுள்ள ஒரு நபர் ஒரு மணிநேர உடல் உழைப்பில் ஈடுபட்டிருந்தால் தினசரி நீரேற்றம் தேவைகளைப் பூர்த்தி செய்ய 2700 மில்லி தண்ணீரை உட்கொள்ள பரிந்துரைக்கப்படுகிறது.
ஒரு நாளைக்கு நீங்கள் எவ்வளவு தண்ணீர் குடிக்க வேண்டும் என்பதைத் தீர்மானிப்பது எளிதானது என்றாலும் நாள் முழுவதும் அந்த அளவு தண்ணீரைக் கொண்டு உங்கள் உடலுக்கு எரிபொருளை வழங்குவதை உறுதி செய்வது கடினமாக இருக்கும். எனவே நீர் உட்கொள்ளலை நிர்வகிக்க சில எளிய வழிகளை பார்க்கலாம்.
மேலும் படிக்க: கோடை வெப்பத்தை தாக்குப்பிடிக்க இந்த இரண்டு விஷயம் கை கொடுக்கும்
நீர்ச்சத்து நிறைந்த தர்பூசணி, ஆரஞ்சு, அன்னாசி, ஸ்ட்ராபெர்ரிகள், வெள்ளரி மற்றும் சீமை சுரைக்காய் போன்றவைகளை உணவில் சேர்த்துக் கொள்ளலாம். ஏனெனில் இவை நீர்ச்சத்து நிறைந்தவை மற்றும் நீரேற்றத்தின் அளவை நிரப்ப உதவும். உங்கள் தினசரி வழக்கத்தில் ஐந்து அத்தியாவசிய எலக்ட்ரோலைட்டுகள் அடங்கிய எலக்ட்ரோலைட் பானத்தைச் சேர்க்கவும். தேவையற்ற கூடுதல் சர்க்கரைகள் இல்லாமல் எலக்ட்ரோலைட்களை உட்கொள்கிறீர்கள் என்பதை உறுதிப்படுத்திக்கொள்ளுங்கள்.
இந்த கதை உங்களுக்கு பிடித்திருந்தால் கண்டிப்பாக பகிரவும். இதுபோன்ற பிற கதைகளைப் படிக்க ஹர்சிந்தகியுடன் இணைந்திருங்கள்.
Image Credit: Freepik
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். compliant_gro@jagrannewmedia.com