இன்றைய வேகமான உலகில் உடல் எடை அதிகரிப்பு என்பது பலருக்கும் ஒரு தீராத பிரச்சனையாக உருவெடுத்துள்ளது. இதற்காக ஜிம் செல்வது, கடுமையான உணவு முறைகளை மேற்கொள்வது என பல முயற்சிகளை மக்கள் எடுக்கிறார்கள். ஆனால், பல நேரங்களில் எதிர்பார்த்த பலன் கிடைப்பதில்லை. இதற்கு முக்கிய காரணம், எடை இழப்பு என்பது ஒரே இரவில் நடக்கும் அதிசயம் அல்ல; அது ஒரு நீண்ட காலப் பயணம். இதற்கு கடின உழைப்பும், அதைவிட முக்கியமாக நம் அன்றாட வாழ்க்கை முறையில் மாற்றங்களைச் செய்வதும் அவசியம். சமீபகாலமாக 'எடை இழப்பு பானங்கள்' மக்களிடையே பெரும் வரவேற்பைப் பெற்றுள்ளன. ஆனால், இவை உண்மையில் வேலை செய்யுமா என்பதை ஆயுஷ் அமைச்சகத்தின் யோகா பயிற்றுவிப்பாளர் மற்றும் ஊட்டச்சத்து நிபுணர் ஜோதி கார்க் விளக்குகிறார்.
எடை இழப்பு பானங்கள் உங்கள் பயணத்திற்கு ஒரு உந்து சக்தியாக இருக்குமே தவிர, அவை மட்டுமே எடையைக் குறைத்துவிடாது. நீங்கள் எவ்வளவு ஆரோக்கியமான பானங்களை அருந்தினாலும், பின்வரும் மூன்று விஷயங்களில் கவனம் செலுத்தாவிட்டால் பலன் பூஜ்ஜியம் தான்:
குப்பை உணவுகளை சாப்பிட்டுக்கொண்டு, போதிய தூக்கமில்லாமல் இந்த பானங்களை மட்டும் குடித்தால் எந்த மாற்றமும் நிகழாது. உங்கள் வளர்சிதை மாற்றத்தைதூண்டுவதே இந்தப் பானங்களின் முக்கிய வேலை.
வெந்தயம் செரிமானத்திற்கு மிகவும் நல்லது. ஒரு டீஸ்பூன் வெந்தயத்தை ஒரு கிளாஸ் நீரில் இரவு முழுவதும் ஊறவைக்க வேண்டும். காலையில் அந்த நீரை பாதியாக குறையும் வரை கொதிக்க வைத்து, வடிகட்டி குடிக்கலாம். முக்கியமாக, தண்ணீரை நின்றுகொண்டு வேகமாக குடிக்கக் கூடாது. அமர்ந்து கொண்டு நிதானமாக 'சிப் பை சிப்' (Sip by sip) குடிப்பதே சிறந்தது; இல்லையெனில் முழங்கால் வலி ஏற்பட வாய்ப்புள்ளது.
இது உடற்பயிற்சி செய்யும் போது எடுத்துக்கொள்ள ஏற்ற பானம். அரை டீஸ்பூன் சியா விதைகளை நீரில் ஊறவைத்து, அதில் எலுமிச்சை சாறு மற்றும் தேவைப்பட்டால் தேன் கலந்து பருகலாம். இது உடலுக்குப் புத்துணர்ச்சியை அளிப்பதோடு தேவையற்ற பசியைக் குறைக்கும்.
உடலுக்கு வெப்பத்தை அளிக்கும் மற்றும் நோய் எதிர்ப்பு சக்தியை அதிகரிக்கும் பானங்கள்
மேலும் படிக்க: பெண்களுக்கு தொந்தரவாக இருக்கும் மார்பக தொடர்பான 5 பிரச்சனைகள்
இலவங்கப்பட்டை வளர்சிதை மாற்றத்தை அதிகரிக்க வல்லது. ஒரு கிளாஸ் தண்ணீரில் 1/4 டீஸ்பூன் இலவங்கப்பட்டை தூள் சேர்த்து, அது பாதியாகும் வரை கொதிக்க வைத்து அருந்த வேண்டும்.
இஞ்சி மற்றும் பச்சை மஞ்சள் தேநீர்: இது குளிர்காலத்திற்கு ஏற்ற மிகச்சிறந்த பானம். ஒரு பாத்திரத்தில் தண்ணீர் எடுத்துக்கொண்டு, அதில் சிறிதளவு இஞ்சி மற்றும் பச்சை மஞ்சளைத் தட்டிப் போட்டு கொதிக்க வைக்க வேண்டும். இது உடலில் உள்ள நச்சுக்களை வெளியேற்றவும், கொழுப்பை எரிக்கவும் உதவுகிறது.
குளிர்கால பானங்களை கோடையில் குடிக்கும்போது கவனமாக இருக்க வேண்டும். இலவங்கப்பட்டை, இஞ்சி போன்றவை வெப்பம் தரும் பொருட்கள் என்பதால், கோடையில் இவை முகப்பரு அல்லது வயிற்று எரிச்சலை உண்டாக்கலாம். உங்கள் உடலின் தன்மைக்கு எது ஒத்துப்போகிறதோ அதை மட்டுமே பின்பற்றுவது நல்லது.
மேலும் படிக்க: அமிலத்தன்மை மற்றும் வயிற்று உப்புசத்தைத் தடுக்க சாப்பிடுவதற்கு முன் உருளைக்கிழங்கு சாற்றை இப்படி குடிக்கவும்
முடிவாக, எடை இழப்பு பானங்கள் என்பவை உங்கள் ஆரோக்கியமான வாழ்க்கை முறையின் ஒரு அங்கமே தவிர, அதுவே முழுமையான தீர்வல்ல. சரியான உணவு, முறையான உடற்பயிற்சி, போதுமான தூக்கம் மற்றும் மன அமைதி ஆகியவற்றுடன் இந்த பானங்களையும் இணைக்கும்போது மட்டுமே நீங்கள் விரும்பிய உடல் மாற்றத்தை அடைய முடியும்.
இந்தக் கதை உங்களுக்குப் பிடித்திருந்தால், நிச்சயமாக அதைப் பகிரவும். இதுபோன்ற பிற கதைகளைப் படிக்க ஹர்ஜிந்தகியுடன் இணைந்திருங்கள்.
Image Credit: Freepik
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். compliant_gro@jagrannewmedia.com