எடையைக் குறைக்க வேண்டுமா ? இந்த ஜீரோ கலோரி உணவுகளை சாப்பிடுங்க!

இந்தியாவில் உடல் பருமன் ஒரு பெரிய பிரச்சனையாக மாறியதற்கு ஆச்சரியப்படத் தேவையில்லை. உடல் பருமன் நம்மை நோய் பாதிப்புக்கு ஆளாக்கும் என புரிந்து கொண்ட மக்கள் எடையை குறைத்து விட வேண்டும் என்ற ஆர்வத்தில் உள்ளனர். இதற்கு ஜீரோ கலோரி உணவுகள் உதவும். ஜீரோ கலோரி என்றால் உணவில் எதுவுமே இல்லை என்று அர்த்தம் கிடையாது. இந்த உணவுகளை பிற உணவுகளுடன் ஒப்பிட்டு பார்க்கையில் மிகக் குறைவான கலோரிகள் உள்ளன. ஜீரோ கலோரி உணவுகளை உட்கொள்ளும் போது நீங்கள் குறைந்த கலோரிகளை எடுத்துக் கொள்வதாக அர்த்தம். எடை இழப்புக்கு இந்த ஜீரோ கலோரி உணவுகள் பயனளிக்கும் நிலையில் அவற்றில் டாப் 7 உணவுகளை இந்த கட்டுரையில் காண்போம்.

ஜீரோ கலோரி உணவுகள்

ஜீரோ கலோரி உணவுகளில் கலோரி உள்ளடக்கம் மிகவும் குறைவாக உள்ளது. இவற்றில் நீர் மற்றும் நார்ச்சத்து இருக்கின்றன. நமது உடல் இந்த உணவுகளை உடைக்கும் போது அது கலோரிகளை எரிக்கிறது. இந்த உணவுகள் எடை மேலாண்மைக்கு பிரபலமான தேர்வாக அமைகின்றன. உண்மையில் எந்த உணவிலும் ஜீரோ கலோரி கிடையாது.

ஆப்பிள்

ஆப்பிள்கள் அதிக நீர் உள்ளடக்கம் மற்றும் நார்ச்சத்துக்காக அறியப்படுகின்றன. ஆப்பிளில் உள்ள நார்ச்சத்து செரிமானத்தை மெதுவாக்கவும், நீண்ட காலத்திற்கு உங்களை திருப்தியாக வைத்திருக்கவும் உதவும். கலோரி உட்கொள்ளலை நிர்வகிக்க விரும்புவோருக்கு பெரும் உதவியாக இருக்கும்.

பீட்ரூட்

பீட்ரூட் குறைந்த அல்லது ஜீரோ கலோரி உணவுகளில் ஒன்றாகும். பீட்ரூட்டை வைட்டமின்கள், தாதுக்கள் மற்றும் நார்ச்சத்து போன்ற அத்தியாவசிய ஊட்டச்சத்துக்களின் சிறந்த ஆதாரமாக குறிப்பிடலாம். பீட்ரூட் உடலின் தினசரி நீரேற்றத்திற்கு பெரும் பங்களிக்கிறது.

கேரட்

ஒரு மீடியம் சைஸ் கேரட்டில் சுமார் 25 கலோரிகள் உள்ளன. வைட்டமின்கள், தாதுக்கள் மற்றும் நார்ச்சத்து ஆகியவற்றால் நிரம்பியிருக்கும் கேரட்டில் கலோரிகள் மற்றும் கார்போஹைட்ரேட்கள் குறைவாக உள்ளன. குறைந்த கலோரிகள் கொண்ட ஊட்டச்சத்து நிறைந்த உணவை உட்கொள்ள விரும்புபவர்களுக்கு கேரட் பிரபலமான தேர்வாக அமைகிறது.

வெள்ளரி

வெள்ளரிக்காய் அவற்றின் குளிர்ச்சியான மற்றும் புத்துணர்ச்சியூட்டும் பண்புக்காக பெயர் பெற்றவை. இதை சிறந்த ஜீரோ கலோரி சிற்றுண்டியாக குறிப்பிடலாம். வெள்ளரியில் உள்ள நீர் மற்றும் நார்ச்சத்து நம்மை முழுமையாக உணர வைக்கிறது.

மேலும் படிங்ககொழுத்தும் கோடை வெயில்! அசெளகரியம் இல்லாமல் நிம்மதியாக தூங்க இதை பண்ணுங்க

குடை மிளகாய்

4-5 நிறங்களில் கிடைக்கும் குடை மிளகாய் தனித்துவமான சுவை மற்றும் பல ஊட்டச்சத்து நன்மைகளை வழங்குகின்றன. வைட்டமின்கள், தாதுக்கள் மற்றும் ஆக்ஸிஜனேற்றங்கள் நிறைந்திருக்கும் குடை மிளகாயில் கலோரிகள் மற்றும் கார்போஹைட்ரேட்டுகள் குறைவாக உள்ளன. குடைமிளகாயில் உள்ள அதிக நீர் உள்ளடக்கம் அவற்றின் ஒட்டுமொத்த குறைந்த கலோரிக் அடர்த்திக்கு பங்களிக்கிறது.

பப்பாளி

குறைந்த கலோரி உணவுகளை சாப்பிட விரும்புவோருக்கு இது ஒரு பிரபலமான தேர்வாக அமைகிறது. பப்பாளி பழம் உடல்நலனுக்கு மிகவும் நல்லது.

தர்பூசணி

தர்பூசணி பழத்தில் கலோரிகள் மற்றும் கார்போஹைட்ரேட்டுகள் குறைவாக உள்ளன. அதே நேரத்தில் உடலுக்கு தேவையான அத்தியாவசிய வைட்டமின்கள், தாதுக்கள் மற்றும் நீரேற்றம் ஆகியவற்றை வழங்குகிறது. ஒரு கிண்ணத்தில் அடக்கப்படும் தர்பூசணி பழத்தில் சுமார் 46 கலோரிகள் உள்ளன.