Reduce Body Heat Ayurveda : கோடையில் உடலை குளிர்ச்சியாக வைத்துக் கொள்ள ஆயுர்வேத குறிப்புகள்

சுட்டெரிக்கும் சூரியன் மற்றும் அதிகரிக்கும் வெப்பநிலையால் உடல் ஆரோக்கியம் பாதிக்கப்படலாம். இது குமட்டல், வாந்தி, சோர்வு, வயிற்றுப்போக்கு, தலைசுற்றல், நீர் இழப்பு போன்ற பிரச்சனைகளை ஏற்படுத்தும். சில சமயங்களில் அதிகப்படியான வெப்பத்தால் உடல் வெப்பநிலையை கட்டுப்படுத்த முடியாமல் போகலாம் இந்நிலையை ஹீட் ஸ்ட்ரோக் என்று அழைக்கிறார்கள்.

ஆயுர்வேதத்தின் படி கோடைகால பிரச்சனைகளை தவிர்க்க உங்கள் உடலை குளிர்ச்சியாக வைத்துக் கொள்ள வேண்டியது மிகவும் முக்கியம். இதற்கான சில முக்கிய குறிப்புகளை ஆயுர்வேத நிபுணரான நிதி ஷேத் அவர்கள் தனது இன்ஸ்டாகிராம் பக்கத்தில் பகிர்ந்துள்ளார். இந்த ஆண்டு கோடையை சமாளிக்க இந்த மூன்று உதவி குறிப்புகளும் உங்களுக்கு மிகவும் பயனுள்ளதாக இருக்கும் என நம்புகிறோம்.

இந்த பதிவும் உதவலாம்: வைட்டமின் D குறைபாட்டை போக்கும் அற்புத பானங்கள்

புல் மீது நடக்கவும்

காலையில் எழுந்தவுடன் வெறும் காலுடன் புல் மீது நடக்கவும். காலை நேர குளிர்ந்த பனி உங்கள் உடலில் இருந்து வெப்பத்தை வெளியேற்ற உதவுகிறது. இந்த இயற்கை சூழல் உடல் மற்றும் மனதுக்கு குளிர்ச்சி மற்றும் அமைதியை தரும்.

கொத்தமல்லி விதை அல்லது தனியா தண்ணீர் குடிக்கலாம்

1 டீஸ்பூன் தனியாவை லேசாக இடித்து ஒரு கிளாஸ் தண்ணீரில் இரவு முழுவதும் ஊறவைக்கவும். காலையில் எழுந்தவுடன் இந்த நீரை வடிகட்டிய பின் குடிக்கலாம்.

வெளிர் நிற ஆடைகளை அணியுங்கள்

கோடை காலத்தில் வெள்ளை, வெளிர் நிறங்கள், பருத்தி மற்றும் கைத்தறி ஆடைகளுக்கு முன்னுரிமை கொடுங்கள். இவற்றின் இயற்கையான சுவாசிக்கக்கூடிய தன்மை உங்களை குளிர்ச்சியாக வைத்திருக்கவும், காற்று சுழற்சிக்கும் உதவும்.

இந்த பதிவும் உதவலாம்: மூங்கில் அரிசி சாப்பிடுவதால் இவ்வளவு நன்மைகளா?

மற்ற குறிப்புகள்

• கோடையில் பிளம்ஸ், தர்பூசணி, பேரிக்காய், ஆப்பிள், பீச் போன்ற நீர் நிறைந்த பழங்களை சாப்பிடவும். இதனுடன் வெள்ளரிக்காய், சர்க்கரைவள்ளி, ப்ரோக்கோலி மற்றும் கீரைகளையும் சேர்த்து கொள்ளுங்கள்.

• உணவை தவிர்ப்பதும், சரியான நேரத்தில் சாப்பிடாமல் இருப்பதும் நல்லதல்ல. சரியான நேரத்தில் சாப்பிடவும், குறிப்பாக இரவு உணவை சீக்கிரம் சாப்பிட முயற்சி செய்யவும்.

• உங்கள் மனதையும் உடலையும் குளிர்ச்சியாக வைத்திருக்க சிறந்த வழிகளில் ஒன்று தியானம் செய்வது. உடல்நலப் பிரச்சினைகளையும் தவிர்க்க, கோடையில் தியானம் செய்யுங்கள்.

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும், பதிவு குறித்த உங்கள் கருத்தினை கமெண்ட் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik