வாழைபழ தோல் தண்ணீர் குடிப்பதால் கிடைக்கும் ஆச்சிரியமூட்டும் ஆரோக்கிய நன்மைகள்

இந்த கட்டுரையின் தலைப்பைப் படித்தவுடன் ஆச்சரியப்படுவார்கள் என்று எனக்கு தெரியும். வாழைப்பழத் தோல், பொதுவாக கழிவுகளாக வீசப்படுபவை. அதன் நீரினால் நமக்கு என்னென்ன நன்மைகள் கிடைத்து விட முடியும்? ஆனால் நீங்கள் சரியாக தான் படித்தீர்கள். இது உண்மையில் உங்கள் ஆரோக்கியத்திற்கு நன்மை பயக்கும். வாழைப்பழங்கள் வேகமாக செயல்படும் கார்போஹைட்ரேட்டுகளைக் கொண்டிருக்கிறது. இதனால் வாழைப்பழம் உடலை சோர்வாக்கும் கடுமையான உடற்பயிற்சிக்கு பிறகு தேவைப்படும் பழமாக இருக்கிறது அல்லது பசியைத் தணிக்க ஒரு பழமாகவும் மற்றும் விரைவான ஆற்றலை அதிகரிக்கும் பழமாகவும் உள்ளது. ஆனால் வாழைப்பழம் எவ்வளவு பயனுள்ளதாக இருக்கிறதோ, அதே அளவு அதன் தோலும் பயனுள்ளது என்பது உங்களுக்குத் தெரியுமா?

நீங்கள் அதை இன்னும் நம்பவில்லை என்றால், நிச்சயமாக இந்த கட்டுரையைப் படியுங்கள். உடற்தகுதி மற்றும் உணவுக் கலை நிபுணர் டினா சௌத்ரி இந்த கட்டுரையின் மூலம் வாழைப்பழத்தோல் நீரின் நன்மைகளைப் பற்றி கூறுகிறார். ஆனால் அதன் பலன்களைப் பற்றிச் சொல்வதற்கு முன்,உங்களுக்கு அதன் தண்ணீரை எவ்வாறு தயாரிப்பது என்பதை கூறுகிறோம்.

இதுவும் உதவலாம் :ஊற வைத்த வேர்க்கடலை சாப்பிடுவதால் உடலுக்கு இவ்வளவு நன்மைகளா!

வாழைப்பழத் தோல் நீரை எப்படி செய்வது?

தேவையான பொருள்

• தண்ணீர் - 1 கப்

• தேன் அல்லது சர்க்கரை - சுவைக்கு ஏற்ப

• இலவங்கப்பட்டை தூள் - ½ ஸ்பூன்

செய்முறை விளக்கம்

• வாழைப்பழ தோலை நன்கு கழுவி அதை இரண்டாக அரிந்து கொள்ளவும்.

• பிறகு ஒரு பாத்திரத்தில் தண்ணீரை சூடாக்கி அதில் வாழைப்பழத்தோலை போடவும்.

• தண்ணீரின் நிறம் வெளிர் நிறமாக மாறும் வரை கொதிக்க விடவும்.

• பின்னர் அடுப்பை அணைத்து விட்டு வாழைப்பழ தோலை தண்ணீரிலிருந்து வெளியே எடுத்து விட வேண்டும்.

• நீங்கள் விரும்பப்பட்டால், அதில் இலவங்கப்பட்டை தூள் மற்றும் தேன் சேர்க்கலாம்.

• இப்போது உங்கள் வாழைப்பழத் தோல் தண்ணீர் தயாராகி விட்டது.

டினா சௌத்ரி கூறுகையில், “வாழைபழத்தோல் தண்ணீர் பல ஆரோக்கிய நன்மைகளைக் கொண்டுள்ளது. ஏனெனில், இதில் பொட்டாசியம் மற்றும் மக்னீசியத்தின் அளவு மிக அதிகமாக உள்ளது. இதன் பயன்பாடு உடலில் நல்ல ஹார்மோன்களை அதிகரிக்கிறது, இதன் காரணமாக உங்களுக்கு நல்ல தூக்கம் கிடைக்கும் மற்றும் நீங்கள் நிம்மதியாக உறங்குவீர்கள். மேலும், இதனை உட்கொள்வதன் மூலம் வயிற்று உப்புசம் பிரச்சனையை தவிர்க்கலாம். ஆனால் அதனை உட்கொள்ளும் போது, நீங்கள் சில விஷயங்களில் கவனமாக இருக்க வேண்டும். இதில் அதிக அளவு பொட்டாசியம் இருப்பதால், இரத்தத்தில் சர்க்கரை அளவு அடிக்கடி ஏற்ற இறக்கத்துடன் காணப்படும் பெண்களுக்கு இது தீங்கு விளைவிக்கும். பொட்டாசியத்தின் அளவைக் குறைக்க அறிவுறுத்தப்படும் சில நோய்களுக்கும் இது தவிர்க்கப்பட வேண்டும். நீங்களும் அதை உட்கொள்ள வேண்டும் என்றால், உங்கள் மருத்துவரை அணுகி ஆலோசனை பெறுங்கள்.

வாழைப்பழத் தோல் நீரின் நன்மைகள்

ஆன்டி ஆக்ஸிடன்ட்கள் நிறைந்தவை

வாழைப்பழத்தோல் தண்ணீரில் பயோஆக்டிவ் மற்றும் ஆன்டி ஆக்சிடென்ட் பண்புகள் நிறைந்துள்ளன, இது இதய நோயை எதிர்த்துப் போராட உதவுகிறது. இதில் உள்ள ஆன்டி ஆக்ஸிடன்ட்கள் ஃப்ரீ ரேடிக்கல்களால் மெதுவாக ஏற்படும் செல்கள் சிதைவை தடுக்கும்.

தூக்கமின்மை பிரச்சனைக்கு நன்மை பயக்கும்

இரவில் தூங்குவதில் சிரமம் ஏற்படுகிறதா? அத்தகைய சூழ்நிலையில், வாழைப்பழத்தோல் நீர் உங்களுக்கு பயனுள்ளதாக இருக்கும். வாழைப்பழத் தோலில் எல்-டிரிப்டோபான் (உடலில் இருக்கும் ஒரு அமினோ அமிலம் செரோடோனின் எனப்படும் மூளை இரசாயனமாக மாற்றப்படுகிறது. இது மனநிலை, தூக்கம் மற்றும் செரிமானத்ததை ஏற்படுத்தும் ஹார்மோன்), இது தூக்கத்தைத் தூண்ட பயன்படுகிறது. செரோடோனின் மற்றும் மெலடோனின் ஹார்மோன்களின் உற்பத்தியில் பயன்படுத்தப்படுகிறது. இவை உடலின் தூக்க சுழற்சியை சரியான முறையில் கட்டுப்படுத்தும் ஹார்மோன்கள் ஆகும். வாழைப்பழத்தோலில் மக்னீசியம் மற்றும் பொட்டாசியம் போன்ற தாதுக்கள் உள்ளன, இது தூங்குவதற்கு முன் ஒருவரின் தசைகளை தளர்த்த உதவுகிறது, இதன்மூலம் உடலை தூக்கத்திற்கு தயார்படுத்துகிறது.

இதுவும் உதவலாம்:தினமும் ஒரு மாதுளை சாப்பிடுவதால் கிடைக்கும் ஆரோக்கிய பலன்கள்

நோய் எதிர்ப்பு சக்தியை அதிகரிக்க உதவுகிறது

வாழைப்பழத் தோலில் வைட்டமின்-பி6 உள்ளது, இது பைரிடாக்சின் என்றும் அழைக்கப்படுகிறது. இது உடலுக்கும் அதன் ஒட்டுமொத்த ஆரோக்கியத்திற்கும் மிகவும் முக்கியமானது. இது தவிர, இரத்த சிவப்பணுக்களின் (உடலின் அனைத்து பகுதிகளுக்கும் ஆக்ஸிஜனைக் கொண்டு செல்லும் செல்கள்) வளர்ச்சியைக் கட்டுப்படுத்தவும், நோய் எதிர்ப்பு சக்தியை அதிகரிக்கவும் உதவுகிறது.

தோல் ஆரோக்கியத்திற்கு நலம் பயக்கக்கூடியது

வாழைப்பழத் தோலில் ஆன்டி-ஆக்ஸிடன்ட் மற்றும் ஆன்டி-மைக்ரோபியல் பண்புகள் ஏராளமாக உள்ளன. இது ஃப்ரீ ரேடிக்கல்களை எதிர்த்து போராடுகிறது மற்றும் தோல் வீக்கம் மற்றும் வயதாவதால் ஏற்படும் பிற பொதுவான தோல் தொடர்பான பிரச்சனைகளை நீக்குகிறது.

வீக்கத்தைத் தடுக்க உதவுகிறது

வாழைப்பழத் தோலில் அதிக அளவு பொட்டாசியம் இருக்கிறது. இது உடலின் இரத்த அழுத்தம், தசைச் சுருக்கங்கள் மற்றும் திரவ சமநிலையை (உடலின் வளர்சிதை மாற்ற செயல்முறையின் சீரான செயல்பாட்டிற்கு உதவுகிறது) கட்டுப்படுத்தும் ஒரு தாது ஆகும், எனவே இது வீக்கத்தை சமநிலைப்படுத்த உதவுகிறது.