இளமையான தோற்றத்துக்கு சிரசாசனம் பயிற்சி; ஒரு வாரத்திலேயே கற்றுக்கலாம்

சிரசாசனம் பயிற்சி

• முதலில் தலையின் எந்த பகுதியை தரையில் இருக்க வேண்டுமென தீர்மானிக்கவும்.
• இதற்கு ஒரு ஜான் அளவு நெற்றியில் இருந்து கணக்கெடுத்து தலையில் எந்த பகுதியில் மற்றொரு விரல் தொடுகிறதோ அந்த பகுதியை தான் தரையில் வைக்க வேண்டும்.
• வஜ்ராசனம் நிலையில் உட்கார்ந்து கால்களுக்கு இடையில் கொஞ்சம் இடைவெளி விட்டு குழந்தை தவழ்வது போல் உடல் அமைப்பை மாற்றவும்.
• கை மூட்டுகளை லாக் செய்து தரையில் வைக்கவும். இப்போது தரையில் தோள்பட்டையும், இரண்டு கைகளின் மூட்டும் ஒரே கோட்டில் இருக்க வேண்டும்.
• அடுத்ததாக கைகளை முழுமையாக நீட்டி கோர்க்கவும். நிறைய பேர் தவறுதலாக கை மேல் தலையை வைத்துவிடுகிறார்கள். அவ்வாறு செய்யக் கூடாது. உடல் சமநிலையில் இருக்காது.
• நெற்றியை தரையிலும் தலையின் முன்பகுதியை கைகளில் வைக்கவும்.
• இப்போது இரண்டு கால்களையும் தரையில் தட்டி பின்புறத்தை உயர்த்தி அர்த்த சிரசாசனம் நிலைக்கு மாறவும்.
• உங்களுடைய உடல் எடையை மொத்தமாக தலைக்கு செலுத்தி இருப்பீர்கள்.
• பின்னங்கால் தரையில் படக்கூடாது. அர்த்த சிரசாசனத்தை இரண்டு நாட்களுக்கு சரியாக முயற்சிக்கவும்.
• கழுத்து பகுதியில் அழுத்தம் கொடுத்து எலும்புகளை முறித்துக் கொள்ளாதீர்கள்.
• அர்த்த சிரசாசனம் நிலையில் இருந்து ஒரு கால் மட்டும் முற்றிலுமாக உடலோடு ஒட்டி மடக்கி கொண்டு வரவும்.
• இதன் பிறகு இரண்டு கால்களையும் மடக்கி பார்க்கவும். இப்போது உங்களுக்கு வயிற்று பகுதியில் அழுத்தம் தெரியும்.
• அடுத்ததாக ஒற்றை கால் மேலே உயர்த்தவும். கீழே விழுவது போல் இருந்தால் பின்நோக்கி விழவும். இப்படி முயற்சித்து இரண்டு கால்களை மேலே கொண்டு வரவும்.
• கால்களை திருப்பி கிழே இறக்கும் போது வேகமாக அழுத்தம் கொடுத்து இறக்காதீர்கள். ஒரு கால் கீழே கொண்டு வந்த பிறகு அடுத்த கால் கீழ் இறக்கவும்.

மேலும் படிங்கArdha sirsasana Benefits : நினைவாற்றலை அதிகரிக்க அர்த்த சிரசாசனம் செய்யுங்க