சமையலறையில் உள்ள பாத்திரங்களில் துரு கறை, அழுக்கு, பிசுக்கு இருந்தால் உடனடியாக அந்த பாத்திரத்தை ஒதுக்கிவிட்டு வேறு பாத்திரத்தில் சமைப்போம். இப்போது தான் அலுமினிய பாத்திரங்களைப் பயன்படுத்துகிறோம். 20-30 ஆண்டுகளுக்கு முன்பாக எல்லாம் இரும்பு பாத்திரங்கள் மட்டுமே. அதில் துரு எளிதில் உருவாகிவிடும். ஸ்டோர் ரூமில் போட்டு வைத்த பாத்திரங்களை தீபாவளி, பொங்கலுக்கு எடுத்து கழுவும் போது தான் துரு கறையை பார்ப்போம். சமையல் அறையில் உள்ள பாத்திரங்களில் துரு கறையை நீக்குவதில் கவலை வேண்டாம். இந்த பதிவில் குறிப்பிட்டுள்ள விஷயங்களை பின்பற்றுங்கள்.
பாத்திரங்களில் துரு கறை நீக்கம்
கத்தி
பழங்கள், காய்கறிகள் வெட்டுவதற்கு கத்தி பயன்படுத்துகிறோம். புதுசாக வாங்கும் போது இருக்கும் கத்தியின் கூர்மை மாதக்கணக்கில் பயன்படுத்தும் போது போய்விடுகிறது. இதற்கு அதில் உருவாகும் துருவும் ஒரு காரணம். இதற்கு உப்பு, எலுமிச்சை சாறு போதுமானது. ஒரு ஸ்பூன் உப்பில் எலுமிச்சை சாறு பிழிந்து அதை கத்தியில் எலுமிச்சை தோல் கொண்டு தேய்க்கவும். சிறிது நேரம் ஊறவிட்டு தண்ணீரில் கழுவி உலர்த்துங்கள். இதன் பிறகு கத்தி கூர்மையாகவும் பளபளப்பாகவும் காட்சியளிக்கும்.
இரும்பு பேனில் துரு கறை
இரும்பு பேனில் தோசை, சப்பாத்தி தயாரிக்கிறோம், ஆம்லெட் போட பயன்படுத்துகிறோம். இதில் துரு கறை உண்டானால் சமைப்பது கடினம். முதலில் பேக்கிங் சோடா போட்டு ஸ்க்ரப்பர் வைத்து தேய்த்த பிறகு தண்ணீர் ஊற்றி கழுவவும். அதன் பிறகு அடுப்பில் வைத்து சூடுபடுத்தி சமையல் எண்ணெய் ஊற்றி கொஞ்சமாக தண்ணீர் சேர்த்து கரண்டியில் கீறினால் துரு வந்துவிடும்.
கறை படிந்த இரும்பு வாணலி
முதலில் உப்பு, எலுமிச்சை சாறு போட்டு தேய்த்து கழுவி வாணலியை அடுப்பில் வைத்து சூடுபடுத்தவும். அதில் எண்ணெய் ஊற்றி எல்லா புறமும் தேய்க்கவும். அடுத்ததாக தண்ணீர் ஊற்றி சூடுபடுத்துங்கள். தண்ணீரை கீழே ஊற்றி பெரிய வெங்காயத்தை நறுக்கி போட்டு வதக்கி தேய்க்கவும். வெங்காயத்தை கீழே போட்டு மீண்டும் எண்ணெய் ஊற்றி சூடுபடுத்தி கறையை நீக்கி வாணலியை பழக்கவும்.
மேலும் படிங்ககுக்கரில் அடிக்கடி நீர் கசியுதா ? இந்த குறிப்புகளை பின்பற்றினால் தவிர்க்கலாம்
ஸ்டீல் ரேக்
நாம் சமையல் பாத்திரங்களை வைக்க ஸ்டீல் ரேக் பயன்படுத்துகிறோம். அதிலும் துரு கறை வரும். இதற்கு தண்ணீருடன் ஈனோ சேர்த்து ஊறவைத்து ஒரு மணி நேரம் கழித்து ஸ்க்ரப்பர் வைத்து உப்பு, எலுமிச்சை சாறு கலவை சேர்த்து தேய்த்து கழுவவும். துரு கறை நீங்கிவிடும்.
இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation