Vitamin B-12 Deficiency: வைட்டமின் பி-12 குறைபாடு இருந்தால் உடலில் ஏற்படும் ஆபத்துகள்

வைட்டமின்-பி12 ஒரு அத்தியாவசிய ஊட்டச்சத்து ஆகும், இது உடல் டிஎன்ஏ மற்றும் இரத்த சிவப்பணுக்களை உருவாக்கவும், ஆற்றலை உற்பத்தி செய்யவும் மற்றும் மத்திய நரம்பு மண்டலம் சரியாக செயல்படவும் தேவைப்படுகிறது. வயதுக்கு ஏற்ப உணவில் இருந்து பி 12 உறிஞ்சும் திறன் குறையும். எனவே உடல் வயதான காலத்தில் அதன் குறைபாட்டைக் காட்டுகிறது. வைட்டமின் பி12 குறைபாடு கர்ப்பிணிகள், பாலூட்டும் பெண்கள், குழந்தைகள் மற்றும் இளைஞர்களிடமும் காணப்படுகிறது. ஆனால், B12 குறைபாடு பெரும்பாலும் கவனிக்கப்படுவதில்லை.

அதனால்தான் அதன் குறைபாட்டால் உடலில் தோன்றும் சில அறிகுறிகளைப் பற்றி இன்று உங்களுக்குச் சொல்கிறோம். ஊட்டச்சத்து நிபுணரும் ஆயுர்வேத மருத்துவருமான சோனம் இந்தக் குறிப்புகளை நமக்குத் தருகிறார்.

இந்த பதிவும் உதவலாம்: உடலை ஆரோக்கியமாக வைத்துக்கொள்ள இந்த 5 வாழ்க்கை முறை மாற்றங்களை செய்திடுங்கள்!

கருவுறாமை

வைட்டமின் பி12 குறைபாடு பெண்களுக்கு கர்ப்பம் தரிப்பதில் சிக்கல்களை ஏற்படுத்துகிறது. மேலும் உடலில் வைட்டமின் பி12 குறைபாடு இருந்தால் பி6 மற்றும் ஃபோலேட் உள்ளிட்ட பிற பி காம்ப்ளக்ஸ் வைட்டமின்களை உணவில் சேர்த்துக் கொள்ளுங்கள்.

ஹைப்போ தைராய்டிசம்

ஹைப்போ தைராய்டு நோயாளிகளுக்கு பி12 குறைபாடு மிகவும் பொதுவானது. வைட்டமின் பி12 , வைட்டமின்கள் மற்றும் ஊட்டச்சத்துக்கள் வீக்கம், முடி உதிர்தல், உடல் பருமன் போன்ற தைராய்டு தொடர்பான பிரச்சனைகளை எதிர்த்து போராட உதவுகின்றன.

மனச்சோர்வு

மத்திய நரம்பு மண்டலத்தின் செயல்பாட்டிற்கு B12 இன்றியமையாதது மற்றும் இந்த ஊட்டச்சத்து குறைபாடு மன ஆரோக்கியத்தை பாதிக்கும் மற்றும் மனச்சோர்வு, பதட்டம், டிமென்ஷியா போன்ற பிரச்சனைகளுக்கு வழிவகுக்கும். குறைந்த அளவு B12 ஹோமோசைஸ்டீன் எனப்படும் கந்தகம் கொண்ட அமினோ அமிலத்தின் அளவை அதிகரிக்கிறது. இது உடலில் ஆக்ஸிஜனேற்ற அழுத்தம் மற்றும் டிஎன்ஏ சேதத்தை அதிகரிப்பதன் மூலம் மனச்சோர்வை அதிகரிக்கிறது.

குறைந்த ஆற்றல்

பி12 குறைபாடு இருந்தால் மெகாலோபிளாஸ்டிக் அனீமியாவால் சோர்வு ஏற்படலாம். அதன் குறைபாடு காரணமாக இரத்த அணுக்களின் உற்பத்தி குறைவதால் உடலில் ஆக்ஸிஜன் ஓட்டத்தில் தடை ஏற்படுகிறது.

எரிதல் அல்லது கொட்டுதல்

இந்த வைட்டமின் குறைபாட்டால் உடலின் சில பாகங்கள் கை, கால்களில் ஊசி குத்துவது போல் இருக்கும். ஏனெனில் இந்த வைட்டமின் நரம்பு மண்டலத்தில் பாதிப்பை ஏற்படுத்தும்.

மன ஆரோக்கியத்தில் தாக்கம்

B12 குறைபாடு நரம்பு மண்டலத்தில் எதிர்மறையான விளைவை ஏற்படுத்துகிறது. ஆகையால் கவனம் செலுத்துவது மற்றும் பணிகளை முடிப்பதில் சிரமத்திற்கு வழிவகுக்கும்.

மேலே குறிப்பிட்டுள்ள அறிகுறிகளில் ஏதேனும் ஒன்றை நீங்கள் சந்தித்தால் உடனடியாக மருத்துவரை அணுகவும். உங்கள் உடல் வைட்டமின் பி 12 ஐ தானாக உருவாக்காது. நீங்கள் அதை தாவர அடிப்படை உணவுகள் அல்லது சப்ளிமெண்ட்ஸிலிருந்து எடுக்க வேண்டும்.

இந்த பதிவும் உதவலாம்:   5 கிலோ வரை எடை குறைய நிபுணர் பரிந்துரை செய்யும் டயட் பிளான்!

உங்களுக்கும் ஏதேனும் உடல்நலம் தொடர்பான பிரச்சனை இருந்தால், கட்டுரைக்கு கீழே உள்ள கருத்து பெட்டியில் எங்களிடம் கூறுங்கள். எங்கள் கதைகள் மூலம் அதை தீர்க்க முயற்சிப்போம். 

இந்த கட்டுரை உங்களுக்கு பிடித்திருந்தால் பகிருங்கள். மேலும் இதுபோன்ற கதைகளைப் படிக்க ஹர்சிந்தகியுடன் இணைந்திருங்கள்.

Image Credit: Freepik