Orange Tea: குளிர்காலத்தில் நோய் எதிர்ப்பு சக்தியை அதிகரிக்கும் ஆரஞ்சு டீ !

காலை எழுந்தவுடன் டீ அல்லது காபி குடித்தால் மட்டுமே அந்நாள் முழுவதும் மிகவும் சுறுசுறுப்பாாக இருப்பது போன்ற உணர்வு ஏற்படும். வழக்கமாக லெமன் டீ, இஞ்சி டீ குடிப்பது சில நேரங்களில் நம்மை சலிப்பாக்கி விடும். ஆனாலும் குளிர்காலத்தில் நம்மால் டீ அல்லது காபி அருந்தாமல் இருக்கவே முடியாது. குளிருக்கு இதமாக சூடான பானங்களைப் பருக வேண்டும். அதே சமயம் இந்த பருவ காலத்தில் ஏற்படும் சளி, இருமல், தொண்டை வலி போன்ற பிரச்சனைகளை சரி செய்ய வேண்டும் என்றால் வழக்கமான டீயை விட கொஞ்சம் வித்தியாசமாக முயற்சி செய்யுங்கள். இதோ ஆரோக்கியத்தோடு ருசியைக் கொடுக்கும் ஆரஞ்சு டீ யை கொஞ்சம் டிரை பண்ணிப்பாருங்கள்.

ஆரஞ்சு பழத்தில் செய்யக்கூடிய சூடான டீ யை நீங்கள் குடிப்பதால் பல்வேறு ஆரோக்கிய நன்மைகளைப் பெற முடியும். வைட்டமின் சியின் முக்கிய ஆதாரமாக உள்ள ஆரஞ்சு பழம் நோய் எதிர்ப்பு மண்டலத்தை ஆரோக்கியமாக வைத்திருக்கிறது. இந்த பழகத்தில் தோராயமாக 52.3 mg வைட்டமின்கள் உள்ளது. இதில் நீங்கள் சூடான டீ செய்து பருகும் போது அடிக்கடி நோய்வாய்ப்படுதைத் தடுக்க முடியும். தேன் கலந்து இந்த டீயை நீங்கள் பருகும் போது பாக்டீரியா எதிர்ப்பு பண்புகள் மற்றும் பல சுவாச பிரச்சனைகளுக்கு எதிராக போராடுவதற்கு உதவியாக உள்ளது. இதில் உள்ள நார்ச்சத்துகள் செரிமான பிரச்சனைக்குத் தீர்வு காண்கிறது. மேலும் ஆக்ஸிஜனேற்ற பண்புகள் இதய ஆரோக்கியத்திற்கும் உதவியாக உள்ளது. ஆரஞ்சு பழத்தில் உள்ள ஊட்டச்சத்துக்கள் எடை மேலாண்மையை நிர்வகித்தல் மற்றும் மூளை ஆரோக்கியம் போன்ற பிரச்சனைகளை முறையாக நிர்வகிக்க உதவுகிறது.

ஆரஞ்சு டீ செய்யும் முறை:

மேலும் படிக்க:மார்பக புற்றுநோயின் ஆரம்ப கால அறிகுறிகள்

தேவையான பொருட்கள்

• ஆரஞ்சு - 1/2
• தண்ணீர் - 1 கப்
• தேயிலை தூள் அல்லது தேயிலை இலை
• தேன் - அரை தேக்கரண்டி
• தண்ணீர் - தேவையான அளவு

செய்முறை:

• முதலில் ஆரஞ்சு பழத்தை தோலுரித்து எடுத்துக் கொள்ளவும்.
• பின்னர் ஒரு பாத்திரத்தில் தண்ணீரை ஊற்றி கொதிக்க வைக்கவும். இதனுடன் ஆரஞ்சு பழ சாறை சேர்த்துக் கொள்ளவும்.
• தேயிலை இலை இருந்தால் சிறிதளவு அல்லது டீத் தூளை சேர்த்து சில நிமிடங்கள் கொதிக்க விட்டு இறக்கவும்.
• இறுதியில் ஒரு டம்ளரில் மாற்றி விட்டு சுவைக்கு ஏற்ப தேன் சேர்த்துக் கொள்ளவும். இப்போது சுவையான ஆரஞ்சு பழ டீ ரெடி.

குளிர்காலம் வந்தாலே சளி பிடித்து விடும் என்ற எண்ணத்தில் இது போன்ற பழங்களைத் தவிர்க்க வேண்டாம். .வைட்டமின் சி உள்ளிட்ட பல்வேறு ஊட்டச்சத்துக்கள் உங்களது உடலை எப்போதும் ஆரோக்கியமாக வைத்திருப்பதற்கு பேருதவியாக இருக்கும்.

• முதலில் ஆரஞ்சு பழத்தை தோலுரித்து எடுத்துக் கொள்ளவும்.
• பின்னர் ஒரு பாத்திரத்தில் தண்ணீரை ஊற்றி கொதிக்க வைக்கவும். இதனுடன் ஆரஞ்சு பழ சாறை சேர்த்துக் கொள்ளவும்.
• தேயிலை இலை இருந்தால் சிறிதளவு அல்லது டீத் தூளை சேர்த்து சில நிமிடங்கள் கொதிக்க விட்டு இறக்கவும்.
• இறுதியில் ஒரு டம்ளரில் மாற்றி விட்டு சுவைக்கு ஏற்ப தேன் சேர்த்துக் கொள்ளவும். இப்போது சுவையான ஆரஞ்சு பழ டீ ரெடி.

குளிர்காலம் வந்தாலே சளி பிடித்து விடும் என்ற எண்ணத்தில் இது போன்ற பழங்களைத் தவிர்க்க வேண்டாம். .வைட்டமின் சி உள்ளிட்ட பல்வேறு ஊட்டச்சத்துக்கள் உங்களது உடலை எப்போதும் ஆரோக்கியமாக வைத்திருப்பதற்கு பேருதவியாக இருக்கும்.