உடல் எடையை குறைக்க ஒரு முழுமையான செயல் முறையை கடைபிடிக்க வேண்டும். பலரும் உடற்பயிற்சி அல்லது உணவு முறையை பின்பற்றிய ஒரே நாளில் விளைவுகளை எதிர்பார்க்கிறார்கள். ஆனால் சரியான வழக்கத்தை ஒரு சில நாட்கள் தொடர்ந்து செய்தால் மட்டுமே இதற்கான பலனை காண முடியும். நீங்கள் எடுத்துக்கொள்ளும் காலை உணவு முதல் இரவு உணவு வரை ஒவ்வொரு விஷயத்திலும் கூடுதல் கவனம் செலுத்த வேண்டும். இதனுடன் ஆரோக்கியமான ஒரு சில பழக்க வழக்கங்களையும் கடைப்பிடித்தால் உடல் எடையை சுலபமாக குறைக்கலாம்.
நீங்கள் சரியான உணவு முறை மற்றும் உடற்பயிற்சியை பின்பற்றினாலும் அவற்றை வழக்கமாக பின்பற்ற தவறினால் உடல் எடையை குறைப்பது சற்று கடினமாகலாம். இன்றைய பதிவில் உடல் எடையை குறைக்க உதவும் இரவு நேர வழக்கத்தை பார்க்க போகிறோம். இது குறித்த தகவல்களை டாக்டர் ஷீகா அவர்களிடம் இருந்து தெரிந்து கொள்வோம்.
இந்த பதிவும் உதவலாம்: தாயான பிறகு ஒவ்வொரு பெண்ணும் சாப்பிட வேண்டிய 3 உணவுகள் !
இரவு உணவு
இரவு நேரத்தில் காய்கறிகளை கொண்டு தயாரிக்கப்பட்ட சூப் குடிக்கலாம். குறிப்பாக இரவு நேரத்தில் டீ, காபி போன்ற பானங்களை தவித்திடுங்கள். அதே சமயம் காய்கறிகளை கொண்டு தயாரிக்கப்பட்ட சூப்பை உங்கள் உணவு முறையில் சேர்த்துக் கொள்ளலாம். காய்கறிகளுடன் சேர்த்து இந்த சூப்களை எடுத்துக் கொள்ளும் பொழுது வயிறு நிறைவதுடன் கூடுதல் நான்மிகளையும் பெறலாம்.
புரதத்தை சேர்க்கவும்
பெரும்பாலான மக்கள் இரவு உணவில் புரதத்தை சேர்த்துக் கொள்கின்றனர். இது சரியானதே, இருப்பினும் உங்கள் உணவில் நார்ச்சத்து நிறைந்த காய்கறிகளையும் சேர்த்துக் கொள்ள வேண்டும். உதாரணமாக நீங்கள் முட்டையின் வெள்ளை கருவை கொண்டு ஆம்லெட் செய்து சாப்பிட்டால் அதில் நிறைய காய்கறிகளையும் சேர்த்துக் கொள்ளுங்கள். இதனால் உங்களுக்கு சரியான அளவு நார்ச்சத்து கிடைக்கும். மேலும் இரவில் தானியங்கள் சாப்பிடுவதை தவிர்க்கவும். ஏனெனில் கார்போஹைட்ரேட்கள் நிறைந்த உணவுகள் வளர்சிதை மாற்றத்தை தாமதிக்கின்றன. ஆகையால் இது போன்ற கார்போஹைட்ரேட் அல்லது புரதங்கள் நிறைந்த உணவுடன் காய்கறிகளையும் சேர்த்துக் கொண்டால் உங்களுடைய வளர்சிதை மாற்றத்தில் பாதிப்புகள் ஏற்படாது. வளர்சிதை மாற்றம் சிறப்பாக இருந்தால் உடல் எடையை குறைப்பதும் சுலபமாகும்.
திரிபலா பொடி
இரவு நேரத்தில் திரிபலா பொடி எடுத்துக் கொள்வது மிகவும் நல்லது இது காலையில் உங்கள் வயிற்றை சுத்தப்படுத்த உதவும். இரவு தூங்குவதற்கு முன் திரிபலா பொடி சாப்பிட்டு வந்தால் மலச்சிக்கல் பிரச்சனை தீர்வதுடன் உடல் எடையும் குறையும்.
இந்த பதிவும் உதவலாம்: வெறும் 2 வாரங்களில் 10 கிலோ எடையை குறைக்க நிபுணர் பரிந்துரை செய்யும் டயட் பிளான்
இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.
image source:freepik
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation