Lose 10kg in 2 Weeks : வெறும் 2 வாரங்களில் 10 கிலோ எடையை குறைக்க நிபுணர் பரிந்துரை செய்யும் டயட் பிளான்

வீடு மற்றும் அலுவலக பொறுப்பில் முழுமையாக ஈடுபடுத்திக் கொள்ளும் பொழுது, தன்னை கவனித்துக் கொள்ள முடியாமல் பல பெண்களும் சிரமத்துக்கு உள்ளாகிறார்கள். சரியான நேரத்தில் உணவு எடுத்துக் கொள்ளாமல் உடற்பயிற்சி செய்ய தவறும்பொழுது உடல் எடை நாளுக்கு நாள் அதிகரித்துக் கொண்டே போகலாம். உடல் எடை அதிகரிக்கும்பொழுது உடலின் பகுதிகளான கை, கழுத்து, முகம், வயிறு, தொடை போன்ற பகுதிகளில் கொழுப்பு அதிகமாக சேர்கிறது. 

இதனால் உடலாலும் மனதாலும் பல வித பிரச்சனைகளை பெண்கள் சந்திக்கிறார்கள். அதிலும் கேலிகளுக்கு உண்டாகும் பொழுது உடல் எடையை கட்டாயமாக குறைத்து விட வேண்டும் என்ற எண்ணம் தோன்றினாலும், சோம்பல், வேலைப்பளு, நேரமின்மை போன்ற பல காரணங்களால் உங்கள் இலக்கை அடைய முடியாமல் போயிருக்கலாம்.

இந்த பதிவும் உதவலாம்: மலச்சிக்கல் நீங்கி வயிறு சுத்தமாக இந்த வீட்டு வைத்தியத்தை முயற்சி செய்யுங்கள்!

ஆனால் நீங்கள் விரும்பினால் மன உறுதியுடன் செயல்பட்டால் வெறும் இரண்டு வாரங்களில் 10 கிலோ வரை உங்களுடைய உடல் எடையை குறைக்கலாம். ஒரு சில வாழ்க்கை முறை மாற்றங்கள் மற்றும் வழக்கமான உடற்பயிற்சிகளை வீட்டிலிருந்து செய்தால் போதும். இதனுடன் ஆரோக்கியமான சீரான உணவையும் எடுத்துக் கொள்ளுங்கள். 

சுறுசுறுப்பாக இருப்பது உடல் எடையை குறைப்பதற்கு மிகவும் முக்கியம். இதனுடன் உணவும் முக்கிய பங்கு வகிக்கிறது என ஊட்டச்சத்து நிபுணரான இட்டு சாப்ரா அவர்கள் தெரிவித்துள்ளார். பல நிறங்களைக் கொண்ட சத்தான உணவுகளை சாப்பிடும் பொழுது உடல் எடையை குறைப்பது சுலபமாகும். இதனுடன் கொஞ்சம் சுறுசுறுப்பாக செயல்பட்டால் போதும் உங்கள் உடல் எடையை விரைவில் குறைக்கலாம். 

இதுபோன்று சத்தான உணவுகள் நிறைந்த டயட் பிளான் ஒன்றை நிபுணர் பகிர்ந்து உள்ளார். இந்த டயட் பிளான் மூலம் இரண்டு வாரங்களில் 7-10 கிலோ வரை உடல் எடையை குறைக்கலாம். 

டீடாக்ஸ் தண்ணீர் 

காலையில் எழுந்தவுடன் வெந்நீருடன் உங்களுடைய நாளை தொடங்குங்கள். இது உங்களுடைய உடலில் உள்ள நச்சுக்களை வெளியேற்ற உதவும். வெந்தயம் மற்றும் இஞ்சியை கொண்டு தயாரிக்கும் பானத்தை நீங்கள் காலையில் வெறும் வயிற்றில் எடுத்துக் கொள்ளலாம். இதற்கான செய்முறையை இப்போது பார்ப்போம்  

செய்முறை 

• ஒரு பாத்திரத்தில் தண்ணீருடன் இரண்டு டீஸ்பூன் வெந்தயம் சேர்த்து 5 நிமிடங்களுக்கு கொதிக்க விடவும். 

• தண்ணீர் பாதியாக வற்றியவுடன் அடுப்பை அணைத்து குருவியே இஞ்சி சேர்க்கவும். 

• இதில் எலுமிச்சை சாறு கலந்து குடிக்கவும். 

நன்மைகள் 

• இந்த பானத்தில் உள்ள இஞ்சி கொழுப்பை மற்றும் உடல் எடையை  குறைக்க மிகவும் பயனுள்ளதாக இருக்கும். 

• இதில் சேர்க்கப்பட்டுள்ள வெந்தயம் வயிறு மற்றும் கொழுப்பு திசுக்களில் இருக்கக்கூடிய பிடிவாதமான கொழுப்பை எரிக்க உதவுகிறது. மேலும் இதில் உள்ள ஆன்டி ஆக்ஸிடன்ட்கள் மற்றும் நார்ச்சத்து உடலுக்கு தீங்கு விளைவிக்கும் நச்சுக்களை வெளியேற்றுகின்றன.

• குறைந்த கலோரி உடைய எலுமிச்சை உங்களை நிறைவாக வைத்திருக்கும். உங்களுடைய கலோரி உட்கொள்ளலை குறைக்க இது ஒரு சிறந்த வழியாகும். 

காலை உணவு 

• புரதம் மற்றும் நார்ச்சத்து நிறைந்த காலை உணவை சாப்பிட வேண்டும். பச்சை பயிறு தோசை, முட்டை, ஓட்ஸ், அவல் போன்றவற்றை உங்கள் காலை உணவில் சேர்த்துக் கொள்ளலாம்  

• நீங்கள் காலை உணவாக ஓட்ஸ் சாப்பிடுகிறீர்கள் என்றால் அதில் கொழுப்பு நீக்கிய பால் சேர்த்துக் கொள்ளலாம். இதனுடன் சில காய்கறிகளையும் சேர்த்து காலை உணவாக எடுத்துக் கொள்ளலாம். 

• பழங்களை கலவையாக சாப்பிடலாம் இதனுடன் மஞ்சள் பால் குடிக்கலாம்.  

• காலை உணவாக அவல் எடுத்துக் கொள்ளும் பொழுது 50 கிராம் அளவிற்கு பன்னீர் சேர்த்துக் கொள்ளவும். இதனுடன் மஞ்சள் பால் குடிக்கலாம். 

நன்மைகள் 

• புரதம் மற்றும் நார்ச்சத்து நிறைந்த ஓட்ஸ் உங்களை நீண்ட நேரத்திற்கு நிறைவாக வைத்திருக்கும். 

• நார்ச்சத்து நிறைந்த உணவுகள் செரிமான மண்டலத்திற்கு நன்மை தரும். மேலும் புரதம் நிறைந்த உணவுகள் உங்களை நிறைவாக வைத்திருப்பதுடன் கொழுப்பு மற்றும் உடல் எடையை குறைக்க உதவும். 

மதிய உணவு 

உங்கள் மதிய உணவில் சாலட்களை சேர்த்துக் கொள்ளவும்.  வண்ணமயமான இந்த காய்கறிகளில் ஊட்டச்சத்துக்கள் நிறைந்துள்ளன. இவை உங்கள் உடல் எடையை குறைக்க பெரிதும் உதவுகின்றன. 

முறை 

• 1 கப் காய்கறி, 1 கப் சாலட் மற்றும் 1 சப்பாத்தி சாப்பிடலாம். இதனுடன் உங்கள் உணவில் கண்டிப்பாக தயிர் சேர்த்துக் கொள்ளுங்கள். 

நன்மைகள்

• உங்கள் மதிய உணவில் சாலட் சேர்த்துக் கொள்வதால் நிறைவாக உணர்வீர்கள்.

• இது வளர்ச்சிதை மாற்றத்தை மேம்படுத்தி எடையை குறைக்க உதவும். 

இரவு உணவு 

• இரவு உணவை 7-8 மணிக்குள் சாப்பிட முயற்சி செய்யுங்கள் இதனால் செரிமானம் எளிதாகும். மேலும் நீங்கள் அதிக நேரம் விழித்திருந்தால் தூங்குவதற்கு ஒரு மணி நேரத்திற்கு முன் மஞ்சள் பால் குடிக்கலாம். 

• இரவு உணவிற்கு வீட்டில் செய்யப்பட்ட சூப் குடிக்கலாம் இதில் நிறைய பச்சை காய்கறிகளை சேர்த்துக் கொள்ளுங்கள். 

• இதைத் தவிர பிரவுன் ரைஸ் கஞ்சி மற்றும் சாலட்களையும் சாப்பிடலாம். 

நன்மைகள் 

• காய்கறிகளைக் கொண்டு தயாரிக்கப்பட்ட சூப் குடிக்கும் பொழுது அது உங்களுக்கு நிறைவாக இருக்கும். மேலும் இரவில் அதிகமாக சாப்பிடுவதையும் தவிர்க்கலாம். 

• இரவு வேளையில் மிதமான உணவை எடுத்துக் கொள்ளும் பொழுது செரிமானம் மற்றும் வளர்ச்சிதை மாற்றம் மேம்படும் இதனால் நல்ல தூக்கமும் வரும். மேலும் உங்களுடைய இரத்த அழுத்தத்தையும் கட்டுக்குள் வைத்திருக்கலாம். 

கிரீன் டீ / மசாலா டீ 

ஒரு நாளைக்கு மூன்று முறை கிரீன் டீ அல்லது மசாலா டீ குடிக்கலாம். இது உங்களுடைய வளர்சிதை மாற்றத்தை அதிகரித்து எடை இழப்புக்கு உதவும்.

இந்த டயட் பிளானை கடைபிடிக்கும் பொழுது குறைந்தது ஒரு மணி நேரமாவது காலையிலும் மாலையிலும் நடை பயிற்சி செய்ய வேண்டும். தினமும் 30 நிமிட விரைவிருப்பான நடை பயிற்சி செய்தால் 150 கலோரிகள் வரை எடையை குறைக்கலாம். சுறுசுறுப்பான வாழ்க்கை முறை, வழக்கமான உடற்பயிற்சி மற்றும் சத்தான உணவுகளுடன் உங்கள் எடையை விரைவில் குறைப்பது சாத்தியமே!

இந்த பதிவும் உதவலாம்: இரவு தூங்குவதற்கு முன் தொப்புளில் ஒரு துளி மஞ்சள் தடவினால் இவ்வளவு நன்மைகளா! 

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik