நாம் சமைக்கும் உணவுகளுக்கு கூடுதல் சுவையைக் கொடுப்பதில் தேங்காய் பாலுக்கென தனி இடம் உள்ளது. சைவ குருமா முதல் சிக்கன், மட்டன், மீன் போன்ற அசைவ கிரேவிகளுக்கும் தேங்காய்பால் சேர்க்கும் போது அதன் சுவை அதிகளவில் இருக்கும். சுவைக்காக மட்டுமல்ல இதில் உள்ள ஆன்டி ஆக்ஸிடன்ட்கள் உள்பட பல்வேறு ஊட்டச்சத்துக்கள் உடலுக்கு பல வகைகளில் ஆற்றலை வழங்குகிறது. சமையலுக்கு மட்டுமல்ல தேங்காய் பாலை தினமும் ஒரு டம்ளர் அளவிற்கு குடித்து வரும் போது பல ஆரோக்கிய நன்மைகளைப் பெறலாம். அவற்றில் சில உங்களுக்காக.
தேங்காய் பால் பருகுவதால் கிடைக்கும் நன்மைகள்:
நோய் எதிர்ப்பு சக்தி:
குளிர்காலம் வந்தாலே வைரஸ், பாக்டீரியா போன்ற தொற்று பாதிப்புகள் அதிகளவில் ஏற்படக்கூடும். இதற்கு முக்கிய காரணம் உடலின் நோய் எதிர்ப்பு சக்தி குறைவது முக்கிய காரணமாக.உள்ளது. இதை அதிகரிக்க வேண்டும் என்றால் பல்வேறு ஊட்டச்சத்துக்கள் நிறைந்த தேங்காய் பாலை பருகலாம். இவை நோய் எதிர்ப்பு சக்தியை அதிகரித்து பல நோய் பாதிப்புகளிலிருந்து நம்மைப் பாதுகாக்கிறது.
எடையைக் குறைக்க உதவும்:
உடல் பருமன் என்பது நம்மில் பலர் சந்திக்கும் முக்கிய பிரச்சனைகளில் ஒன்றாகி விட்டது. உடல் தோற்றம் மட்டும் குண்டாக தெரிவது மட்டுமின்றி சர்க்கரை நோய் பாதிப்பு, மூச்சுத்திணறல் போன்ற பல பாதிப்புகளை ஏற்படுத்தும். என்ன தான் அதிகரித்த எடையைக் குறைக்க உடற்பயிற்சிகள் செய்தாலும் சில உணவு முறைகளையும் கடைப்பிடிக்க வேண்டும். குறிப்பாக தினமும் ஒரு.டம்ளர் அளவிற்கு தேங்காய் பால் பருகவும். இவற்றில் உள்ள ஊட்டச்சத்துக்கள் மெட்டபாலிசத்தை அதிகரித்து வளர்சிதை மாற்றத்தை சீராக்குகிறது. செரிமானம் சீராக நடைபெறும் போது உடலில் தேவையில்லாத கொழுப்புகள் சேர்வதைத் தடுக்க முடியும். அதிக நேரம் பசி உணர்வையும் தேங்காய் பால் ஏற்படுத்தாது.
சரும ஆரோக்கியம்:
தேங்காயை எந்தளவிற்கு சாப்பிடுகிறோமோ? அந்தளவிற்கு சருமத்தை ஆரோக்கியத்துடன் பாதுகாத்துக் கொள்ள முடியும் . முன்பெல்லாம் நம்முடைய முன்னோர்கள் சருமத்தைப் பாதுகாக்க மாய்ஸ்சரைசருக்குப் பதிலாக தேங்காய் எண்ணெய்யைத் தான் பெரும்பாலும் பயன்படுத்துவார்கள். இதனால் தான் தோல் சுருக்கம் விரைவில் ஏற்படுவதைத் தடுக்கும்.
எனவே முடிந்தவரை எவ்வித கெமிக்கல் இல்லாமல் சருமத்தைப் பொலிவாக்க விரும்பினால் தேங்காய் பாலைத் தினமும் பருகவும்.
மேலும் படிக்க:இரண்டே வாரங்களில் உள்ளுறுப்பு கொழுப்பை குறைப்பதற்கு இந்த குறிப்புகள் உதவும்
தேங்காய் பாலில் அதிகளவு சர்க்கரை இல்லை என்பதால் சர்க்கரை நோயாளிகளும் தாராளமாக குடிக்கலாம். இந்த பாதிப்பைக் கட்டுக்குள் வைத்திருக்க உதவியாக இருக்கும். அப்புறம் என்ன? உடல் ஆரோக்கியத்தைப் பாதுகாக்க எவ்வித தயக்கமும் இன்றி தேங்காய் பாலை பருகவும்.
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation