Horsegram Benefits: கொள்ளு சாப்பிட்டால் நம் உடலுக்கு கிடைக்கும் ஆரோக்கிய நன்மைகள் என்ன?

பொதுவாகவே பருப்பு வகைகள் நம் உடல் ஆரோக்கியத்தை மேம்படுத்த பெரிதும் உதவி செய்யும். தினசரி உணவில் பருப்பு வகைகளை சேர்த்து சாப்பிட்டு வந்தால் உங்கள் உடலுக்கு தேவையான ஊட்டச்சத்துக்கள் கிடைக்கும் என்று மருத்துவ நிபுணர்கள் கூறுகின்றனர். குறிப்பாக உளுத்தம் பருப்பு துவரம் பருப்பு, பாசி பருப்பு போன்ற பருப்பு வகைகளை நாம் அடிக்கடி உணவில் சேர்த்து சாப்பிடுவது வழக்கம். ஆனால் இதை விட அதிக ஊட்டச்சத்துக்கள் நிறைந்த கொள்ளு குறித்து நம்மில் பலரும் அறிந்திருக்க மாட்டோம்.

கிமு 2000 ஆம் ஆண்டில் இருந்து மக்களால் சாப்பிடப்படும் ஒரு பருப்பு வகை இந்த கொள்ளு. இது ஆசியா மற்றும் ஆப்பிரிக்காவை பூர்வீகமாக கொண்ட ஒரு பருப்பு வகை இந்த கொள்ளு. பிரவுன் நிறத்தில் மிகச் சிறியதாக காணப்படும் ஆனால் இதில் உள்ள புரதம் அளவு ஏராளம். அந்த வரிசையில் தினசரி உணவில் கொள்ளு சேர்த்து சாப்பிட்டு வந்தால் நம் உடலுக்கு கிடைக்கும் ஆரோக்கிய நன்மைகள் என்ன என்பது குறித்து இந்த கட்டுரையில் பார்க்கலாம்.

உடல் வெதுவெதுப்பு:

இந்த கொள்ளு பருப்பில் கார்போஹைட்ரேட் கனிம சத்துக்கள் கால்சியம் பாஸ்பரஸ் நார்ச்சத்து இரும்பு சத்து பாலி பினாள்கள் போன்ற ஆன்டிஆக்சிடென்ட்கள் அதிக அளவு நிறைந்துள்ளது. மழைக்காலம் மற்றும் குளிர் காலங்களில் இந்த கொள்ளு பருப்பை சாப்பிட்டு வந்தால் உடல் வெதுவெதுப்பாக வைத்துக் கொள்ள பெரிதும் உதவும். இந்த கொள்ளு பருப்பை வைத்து பல வகையான உணவு வகைகளை சமைத்து சாப்பிடலாம். அதிலும் பெரும்பாலான மக்கள் உடல் எடையை குறைக்க கொள்ளு ரசம் கொள்ளு துவையல் கொள்ளு மசியல் என்று செய்து சாப்பிடுவார்கள்.

உடல் எடை குறையும்:

இந்த கொள்ளு பருப்பில் அதிக அளவு புரதம் மற்றும் நார்ச்சத்து நிறைந்துள்ளதால் உடல் எடையை குறைக்கும் செயல்பாட்டில் முக்கிய பங்கு வகிக்கிறது. இந்த கொள்ளு பருப்பில் உள்ள சில பண்புகள் நம் உடலில் உள்ள கெட்ட கொலஸ்ட்ராலை குறைத்து நல்ல கொலஸ்ட்ராலை அதிகரிக்க செய்யும். அதே போல இந்த பருப்பில் உள்ள நார்ச்சத்து நீண்ட நேரம் செரிமான மண்டலம் சிறப்பாக செயல்பட உதவுவதன் மூலம் அடிக்கடி பசி எடுக்காமல் இருக்கும்.

ரத்த சர்க்கரை:

நீரழிவு நோயாளிகளுக்கும் சர்க்கரை நோயாளிகளுக்கும் சிறந்த உணவு பொருள் இந்த கொள்ளு பருப்பு. இது உடலில் உள்ள ரத்த சர்க்கரை அளவை குறைக்க பெரிதும் உதவுகிறது. மேலும் இன்சுலின் எதிர்ப்பையும் குறைக்கும் திறன் கொண்டது இந்த கொள்ளு பருப்பு. நீங்கள் இந்த கொள்ளு பருப்பை தண்ணீரில் வேக வைத்து சாப்பிட்டு வரலாம் அல்லது அதனை முலைகட்ட வைத்து வெறும் வயிற்றில் சாப்பிடலாம்.

மாதவிடாய் பிரச்சனை:

பெண்களுக்கு மாதவிடாய் காலத்தில் ரத்தப்போக்கு அதிகமாக இருந்தால் கொள்ளு சாப்பிடுவது பெரிதும் உதவி செய்யும் என்று கூறப்படுகிறது. இந்த கொள்ளு பருப்பில் இரும்பு சத்து அதிக அளவு நிறைந்துள்ளதால் நம் உடலில் ரத்த அளவை பராமரிக்க பெரிதும் உதவுகிறது. மேலும் இந்த கொள்ளு யோனியில் ஏற்படும் எரிச்சல் மற்றும் துர்நாற்றம் தரும் வெள்ளைப்படுதல் போன்ற பிரச்சனைகளை நாளடைவில் குணப்படுத்தும். ஒரு கப் அளவு கொள்ளு பருப்பை சிறிது அளவு தண்ணீர் ஊற்றி இரவு முழுக்க ஊற வைக்க வேண்டும். மறுநாள் காலை இந்த கொள்ளு பருப்பை குக்கரில் வேக வைத்து அந்த தண்ணீரை குடித்து வரலாம். இந்த தண்ணீரை ஒரு நாளைக்கு மூன்று முறை குடித்தால் போதும் பெண்களுக்கு மாதவிடாய் காலத்தில் பிரச்சனைகள் ஏற்படாமல் இருக்கும்.

Image source: google