அதென்ன கோசுக்கிழங்கு ? எலும்புகள் வலுப்பெற, கல்லீரல் பலன்பெற கட்டாயம் சாப்பிடுங்க; நன்மைகள் அதிகம்

கோசுக்கிழங்கு வேர் கொண்ட கிழங்கு வகையை சேர்ந்ததாகும். பார்ப்பதற்கு வெங்காயமும், முள்ளங்கியும் சேர்ந்தது போல் தெரியும். இதை சிவப்பு முள்ளங்கி என்றும் அழைக்கின்றனர். காய்கறி சந்தைகளில் முள்ளங்கி, கேரட் வரிசையில் இதை அடுக்கி இருப்பார்கள். நாம் இந்த கோசுக்கிழங்கை சமையலில் எதற்காக பயன்படுத்துவார்கள் என தெரியாமல் வாங்கமாட்டோம். கல்லீரல், சிறுநீரக ஆரோக்கியத்திற்கு தேவையான ஊட்டச்சத்துகளும், சர்க்கரை நோய் மற்றும் புற்றுநோய் பாதிப்புகளை தவிர்க்கவும் கோசுக்கிழங்கு உதவுகிறது. இதை காலை நேரத்தில் கேரட் போல தண்ணீரில் கழுவி விட்டு பச்சையாகவும் சாப்பிடலாம்.

கோசுக்கிழங்கு ஊட்டச்சத்து

130 கிராம் கோசுக்கிழங்கில் 36 கலோரிகள் உள்ளன. அதே போல 8.36 கிராம் கார்போஹைட்ரேட், 2.34 கிராம் நார்ச்சத்து, புரதச்சத்து 1.17 கிராம், கொழுப்பு 0.13 கிராம் நமக்கு கிடைக்கின்றது. ஒரு நாளுக்கு தேவையான வைட்டமின் சி-யில் 30 விழுக்காடு கோசுக்கிழங்கில் இருந்து கிடைக்கும். அதே போல 39 மில்லி கிராம் கால்சியம், 0.39 மில்லி கிராம் இரும்புச்சத்து கோசுக்கிழங்கில் இருக்கிறது. எலும்புகள் வலுபெறுவதற்கு பால் பொருட்கள் மட்டும் போதாது. எலும்பு தேய்மான பிரச்னையை தவிர்க்க கோசுக்கிழங்கு சாப்பிடுங்கள். இதில் குறிப்பிட்ட அளவு கால்சியம் கிடைக்கின்றது.

கோசுக்கிழங்கின் ஆரோக்கிய நன்மைகள்

• பொட்டாசியம் நிறைந்த கோசுக்கிழங்கு உடலில் இரத்த அழுத்தத்தை சீராக்கும். இதனால் இதய நோய்களின் அபாயத்தை தவிர்க்கலாம்.
• அதிகளவு நார்ச்சத்து கொண்ட கோசுக்கிழங்கின் கலோரிகள் மிகவும் குறைவே. இதன் ஊட்டச்சத்து மதிப்பை கருதி உணவுப்பழகத்தில் சேர்த்தால் கட்டாயம் எடை குறையும்.
• ஃபோலேட், வைட்டமின் கே உள்ளடக்கம் காரணமாக கோசுக்கிழங்கு சாப்பிட்டால் நினைவாற்றல் அதிகரிக்கும்.
• செரிமானப் பிரச்னையை தீர்த்திட நார்ச்சத்து உணவுகளை மருத்துவர்கள் எப்போதுமே பரிந்துரைப்பார்கள். கோசுக்கிழங்கு சாப்பிட்டால் குடலுக்கு நல்லது. மலச்சிக்கலை தவிர்க்கலாம்.
• வலுவான எலும்புகளுக்கு கால்சியம், வைட்டமின் கே தேவை. இவை இரண்டுமே கோசுக்கிழங்கில் நமக்கு கிடைக்கின்றன.
• கோசுக்கிழங்கின் வைட்டமின் சி நமது நோய் எதிர்ப்பு சக்தியை அதிகரிக்கும். தொற்றுகள், நோய்களை எதிர்த்து போராடி உடலை பாதுகாக்கும்,
• குறிப்பாக குளிர்காலத்தில் கோசுக்கிழங்கு சாப்பிடுவது உடலுக்கு அதிக நன்மைகளை அளிக்கும்.

மேலும் படிங்க  தோசை சாப்பிட்டாலே உடல் எடை குறையும், ஆரோக்கியத்திற்கும் உதவும்; எப்படி தெரியுமா ?

உணவுமுறையில் கோசுக்கிழங்கு

கோசுக்கிழங்கை இதுவரை சாப்பிட்டதில்லை என்றால் கொஞ்சம் கொஞ்சமாக உணவுப்பழக்கத்தில் சேருங்கள். சூப் தயாரிப்பு, வேகவைத்து தாளித்து மசித்த உருளைக்கிழங்கு போல் மசித்த கோசுக்கிழங்கு தயாரிக்கலாம். சிலர் கோசுக்கிழங்கில் ஊறுகாய் போடுகின்றனர். கோசுக்கிழங்குடன் சூடுபடுத்தி ஆற வைத்த தண்ணீர் ஊற்றி, உப்பு போட்டு கொஞ்சமாக வினீகர் சேர்த்து பதப்படுத்தி அவ்வப்போது சாப்பிடலாம்.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.