உடலை ஆரோக்கியமாக வைத்துக் கொள்ள உடலில் இருக்கும் தீங்கு விளைவிக்கும் நச்சுக்களை வெளியேற்ற வேண்டியது அவசியம். நாம் சுவாசிக்கும் காற்று முதல் உண்ணும் உணவு வரை, எதையும் 100% சுத்தமானது என்று குறிப்பிட முடியாது. இது போன்ற பல்வேறு பொருட்களால் உடலில் நச்சுக்கள் சேர தொடங்குகின்றன.
இந்நிலையில் உடலில் உள்ள தேவையற்ற நச்சுக்களை வெளியேற்ற டீடாக்ஸ் உணவுகள் மற்றும் பானங்களை எடுத்துக்கொள்ளலாம். நீங்களும் உங்கள் உடலில் உள்ள நச்சுக்களை வெளியேற்ற விரும்பினால் நிபுணர் பரிந்துரை செய்யும் இந்த 3 நாள் டீடாக்ஸ் டயட் பிளானை பின்பற்றி பயன்பெறலாம். இது ஊட்டச்சத்து நிபுணரான ஏக்தா சூத் அவர்களால் பரிந்துரை செய்யப்பட்டது.
இந்த பதிவும் உதவலாம்: பெண்களுக்கு அளவில்லா நன்மைகளை அள்ளித் தரும் சர்க்கரை வள்ளி கிழங்கு
நாள் (1, 2 &3) அதிகாலை உணவு
மூன்று நாட்களும் காலையில் எழுந்தவுடன் ஒரு கிளாஸ் வெதுவெதுப்பான தண்ணீரில் ஒரு எலுமிச்சையின் சாறு கலந்து குடிக்கவும்.
நாள் (1, 2 &3) காலை உணவுக்கு முன்
ஒவ்வொரு நாளும் உங்கள் காலை உணவுக்கு முன் ஏதேனும் ஒரு பருவ கால பழத்தை சாப்பிடுங்கள்.
காலை உணவு நாள் (1 & 3)
சுரைக்காய் ஜூஸ் உடன் 1 டீஸ்பூன் சியா விதைகள் சேர்த்து குடிக்கவும்.
தேவையான பொருட்கள்
- சுரைக்காய் - 1 கப்
- எலுமிச்சை - 1/2
- புதினா - கைப்பிடி அளவு
- இந்துப்பு - 1 சிட்டிகை
செய்முறை
- சுரைக்காயை புதினா மற்றும் 1/2 கப் தண்ணீருடன் சேர்த்து அரைத்து மஸ்லின் துணியால் வடிகட்டவும். பின் எலுமிச்சை சாறு கலந்து குடிக்கவும்.
காலை உணவு - நாள் 2
காய்கறி ஜூஸ் உடன் ஒரு கைப்பிடி அளவு புதினா சேர்த்து குடிக்கவும்.
இடைப்பட்ட காலை உணவு நாள் (1, 2 &3)
இளநீர் அல்லது வெள்ளரி புதினா சாறு குடிக்கவும்.
மதிய உணவு(நாள் 1)
காய்கறிகளை நிறைய சேர்த்து கிச்சடி தயார் செய்து சாப்பிடலாம். இதனுடன் வெள்ளரி(1), தக்காளி(1), கேரட் (½), வெங்காயம்(½) போன்ற காய்கறிகளையும் சாலட் ஆக செய்து சாப்பிடலாம்.
மதிய உணவு(நாள் 2)
மசாலாவுடன் சேர்த்து வேகவைத்த காய்கறிகளை சாப்பிடலாம். காளான்கள், கேரட், பீன்ஸ், சுரைக்காய், பீட்ரூட், வெங்காயம், பூண்டு, கேப்சிகம் போன்ற காய்கறிகளை சாப்பிடலாம். இதில் குறைந்தபட்சம் 5 காய்கறிகளை பயன்படுத்த வேண்டும்.
மதிய உணவு (நாள் 3)
1 கப் வேகவைத்த காய்கறிகளுடன் 1 கப் மஞ்சள் பாசி பருப்பை எடுத்துக்கொள்ளலாம்.
மதிய உணவுக்குப் பின்
வெந்நீர் அருந்தி 20 நிமிடம் நடக்கவும்.
மாலை பானம்(நாள் 1)
சூடான புதினா டீ
மாலை பானம்(நாள் 2)
சூடான இலவங்கப்பட்டை டீ
மாலை பானம்(நாள் 3)
துளசி மற்றும் இஞ்சி டீ
மாலை சிற்றுண்டி(நாள் 1& 2)
1 கப் பழங்கள்
மாலை சிற்றுண்டி(நாள் 3)
வெள்ளரிக்காய் மீது வெள்ளை எள் தூவி சாப்பிடவும்
இரவு உணவு(இரவு 8 மணிக்குள் சாப்பிட வேண்டும்)
நாள் 1
வதக்கிய காய்கறிகளுடன் 1 கப் தக்காளி துளசி சூப் சேர்த்து சாப்பிடலாம்.
நாள் 2
கேரட் மற்றும் பீட்ரூட் சாலட் உடன் சுரைக்காய் சூப் சேர்த்து எடுத்துக்கொள்ளலாம்.
நாள் 3
1 கப் தக்காளி துளசி சூப் உடன் வேகவைத்த காய்கறிகளை சாப்பிடவும். வேகவைத்த காய்கறிகளை 1 டீஸ்பூன் எண்ணெய், குறைந்த உப்பு, ஹேர்ப்ஸ் மற்றும் பூண்டு சேர்த்து சமைக்கவும்.
ஊட்டச்சத்து நிபுணரின் உதவிக்குறிப்புகள்
- இந்த 3 நாள் டீடாக்ஸ் டயட் பிளானை பின்பற்றும்போது பின்வரும் விஷயங்களை கவனிக்கவும்
- மெதுவாக சாப்பிடுங்கள் மற்றும் உங்கள் உணவை பொறுமையாக மென்று சாப்பிடுங்கள்.
- இந்து உப்பு மட்டுமே பயன்படுத்த வேண்டும்
- ஒரு நாளைக்கு 1 டீஸ்பூன் சுத்தமான நெய் அல்லது 2 டீஸ்பூன் எண்ணெய் மட்டுமே பயன்படுத்த வேண்டும்.
- நாள் முழுவதும் மூலிகை டீ குடிக்கலாம்.
- பசித்தால் ஏதேனும் ஒரு பழத்தை சாப்பிடலாம்.
- ஒரு நாளைக்கு 2-3 லிட்டர் தண்ணீர் குடிக்கவும்
இந்த பதிவும் உதவலாம்: ஹார்மோன் சமநிலைக்கு உதவும் நிபுணரின் ஒரு நாள் டயட் பிளான்
இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.
image source:freepik
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation