பலாப்பழம் ஒரு பருவகால பழமாகும். அனைத்து மாதங்களிலும் பலாப்பழம் கிடைப்பதில்லை. பலாப்பழத்தில் உடல் ஆரோக்கியத்திற்கு தேவையான பல நல்ல விஷயங்கள் உள்ளன. முழு பயனை பெறுவதற்கு ஊட்டச்சத்து நிபுணர்கள் அதை பலாப்பழ மாவு ஆக மாற்றி சாப்பிட அறிவுறுத்துகின்றனர். பலாப்பழத்தை போல பலாப்பழ மாவில் சுவை அதிகம் இருக்காது. சப்பாத்தி, இட்லி, தோசை மாவுகளில் ஒரு ஸ்பூன் பலாப்பழ மாவு பயன்படுத்தி சாப்பிட்டால் உடல் ஆரோக்கியம் மேம்படும். பலாப்பழத்தின் கிளைசெமிக் குறியீடு சர்க்கரை நோயாளிகளுக்கு நல்ல தகவலையும் சொல்கிறது.
பலாப்பழ மாவின் ஆரோக்கிய நன்மைகள்
சர்க்கரை நோய்க்கு பலாப்பழ மாவின் தீர்வு
உலகளவில் பெரும்பாலானோர் சர்க்கரை நோயுடன் வாழ்கின்றனர். சர்க்கரை நோயினால் உறுப்புகள் செயல் இழப்பதை தடுக்க டயாலிசிஸ் அல்லது உறுப்பு மாற்று சிகிச்சை செய்ய வேண்டி இருக்கிறது. நாம் சாப்பிடும் அரிசியில் அதிகளவு கார்போஹைட்ரேட் உள்ளது. கிளைசெமிக் குறியீடும் அதிகம். ஆனால் பலாப்பழ மாவில் இவை இரண்டும் 40 விழுக்காடு குறைவு. இதில் மிக குறைவான அளவே கார்போஹைட்ரேட்கள் இருக்கின்றன. சர்க்கரை நோயாளிகள் பலாப்பழ மாவை தவறாமல் சாப்பிடலாம். நோய் பாதிப்பு இல்லாத நபர்கள் பலாப்பழ மாவை தொடர்ந்து சாப்பிட்டால் உடலில் ஆற்றல் அளவுகள் சீராக இருக்கும்.
பலாப்பழ மாவால் குறையும் கொலஸ்ட்ரால்
மனிதனின் உடலில் எப்போதுமே கொலஸ்ட்ரால் அளவு சீராக இருக்க வேண்டும். உணவுமுறையில் நாம் கொஞ்சம் மாற்றம் செய்தால் கூட கொலஸ்ட்ரால் சட்டென அதிகரிக்கும். பலாப்பழ மாவு எளிதில் கரையக்கூடிய நார்ச்சத்து கொண்டது. எனவே இதை சாப்பிட்டால் உடலில் கொலஸ்ட்ரால் அளவுகளை குறைக்க முடியும்.
இரத்த சர்க்கரை கட்டுப்பாடு
உடலில் இரத்த சர்க்கரை அளவுகள் குறைவாக இருந்தால் தலைவலி, மந்தமான கண் பார்வை ஏற்படும். இதற்கு உடனடி தீர்வாக பலாப்பழ மாவு ஒரு ஸ்பூன் சாப்பிடலாம். சில நிமிடங்களிலேயே இரத்த சர்க்கரை அளவுகள் சீராகும். இரத்த அழுத்தத்தையும் கட்டுக்குள் வைக்கலாம். பலாப்பழ மாவு உடலில் இரும்புச்சத்து உறிஞ்சும் தன்மை கொண்டது. இதில் உள்ள வைட்டமின் சி உடலில் நோய் எதிர்ப்பு சக்தியை அதிகரிக்கும். அதே போல தொடர்ந்து சாப்பிட்டால் உடல் எடையை எளிதில் நிர்வகிக்கலாம்.
பலாப்பழ மாவு உணவுகள்
இதன் அதிகப்படியான நன்மைகளை பெற சப்பாத்தி, தோசை, இட்லி மாவுகளில் 1-2 ஸ்பூன் கலந்து காலை உணவு தயாரிக்கவும். அதே போல பாலில் சர்க்கரை போடாமல் ஒரு ஸ்பூன் கலந்து குடிக்கவும்.
இது போன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation