Rashmika Mandanna : 'இப்போது எனக்கு நல்ல நேரம் நடக்கிறது’- நடிகை ராஷ்மிகா மந்தனா

பான் இந்தியா நடிகையாக வலம் வரும் ராஷ்மிகா மந்தனாவை ரசிகர்கள் நேஷ்னல் க்ரஷ் என அழைக்கின்றனர். ராஷ்மிகா ஹிந்தியில் ரன்பீர் கபூருடன் இணைந்து அனிமல் என்ற படத்தில் நடித்துள்ளார். தற்போது அல்லு அர்ஜுன் உடன் இணைந்து புஷ்பா 2 படத்திலும் நடித்து வருகிறார். தெலுங்கில் ரெயின்போ என்ற கதாநாயகிக்கு முக்கியத்துவம் கொடுக்கும் படத்திலும் நடித்து வருகிறார். தொடர்ந்து பல படங்களில் கமீட் ஆகி இருப்பதால் அடுத்த 2 வருடங்களுக்கு இவரது கால் ஷீட் இல்லை என கூறப்படுகிறது.

இது குறித்து பேட்டி அளித்துள்ள ராஷ்மிகா மந்தனா, ‘நாம் சாப்பிடும் ஒவ்வொரு அரிசியிலும் நமது பெயர் எழுதியிருக்கும் என்று சொல்லுவார்கள்.என்னை கேட்டால் நடிகர், நடிகைகள் நடிக்கும் கதாபாத்திரம் கூட அவர்களின் பெயர் எழுதியிருந்தால் தான் அந்த கதாபாத்திரம் கிடைக்கும் என்று நம்புகிறேன்,

ஒவ்வொருவருக்கும் ஒரு நல்ல நேரம் இருக்கும்.இப்போது எனக்கு நல்ல நேரம் நடக்கிறது. இத்தனை படங்களில் நடித்துக்கொண்டிருக்கிறேன் என்ற ஆனந்தத்தை விட நல்ல நல்ல கதைகளில் நடிக்கிறேன் என்பது எனக்கு மகிழ்ச்சியை தருகிறது.

மேலும் ரன்பீர் கபூர், ராஷ்மிகா மந்தனா நடித்துள்ள அனிமெல் படத்திலிருந்து முதல் பாடல் வெளியாகி வரவேற்பை பெற்று வருகிறது. இந்த பாடல் முழுவதும் பல முத்த காட்சிகள் இடம்பெற்றிருக்கிறது. இந்த பாடல் ஹிந்தி, தமிழ்,தெலுங்கு, மலையாளம் மற்றும் கன்னட மொழியிலும் வெளியிடப்பட்டுள்ளது, தமிழில் இந்த பாடல் ‘நீ வாடி’ என்ற டைட்டிலில் வெளியிடப்பட்டிருக்கிறது.