Henna Hair Pack: குளிர்காலத்தில் முடி உதிர்வை தடுக்க உதவும் 4 மருதாணி ஹேர்பேக்; வீட்டிலேயே ஈசியாக செய்யலாம்

குளிர்காலத்தில் சரும வறட்சி மற்றும் தலைமுடி பிரச்சனைகள் ஆகியவை அதிகரிக்க தொடங்கும். காற்றில் ஈரப்பதம் குறைவதாலும், குளிர்ந்த காற்றினாலும் தலைமுடி தனது இயற்கையான எண்ணெய் பசையை இழந்து வறண்டு போகும். இதனால் பொடுகு தொல்லை மற்றும் அதீத முடி உதிர்வு போன்ற பிரச்சனைகள் உருவாகின்றன.

குளிர்காலத்தில் முடி உதிர்வை தடுக்க உதவும் மருதாணி ஹேர் பேக்:

இது போன்ற பிரச்சனைகளை தடுக்க மருதாணி ஒரு முக்கிய அங்கமாக பயன்படுகிறது. மருதாணி என்பது நிறம் அளிக்கும் ஒரு பொருள் மட்டுமல்ல. அது தலைமுடிக்கு ஒரு சிறந்த இயற்கையான கண்டிஷனர் ஆகும். இது முடிக்கு தேவையான ஊட்டச்சத்தை அளித்து, வேரிலிருந்து முடியை வலுவாக்குகிறது. இந்த குளிர்காலத்தில் உங்கள் தலைமுடியை பாதுகாக்க, வீட்டிலேயே எளிதாக செய்யக்கூடிய 4 வகையான மருதாணி ஹேர் பேக்குகள் என்னவென்று காணலாம்.

பளபளப்பான கூந்தலுக்கு மருதாணி மற்றும் வாழைப்பழம் ஹேர் பேக்:

வறண்ட மற்றும் சேதமடைந்த கூந்தலை பட்டுப் போன்று மென்மையாகவும், பளபளப்பாகவும் மாற்ற இந்த ஹேர் பேக் உதவும். வாழைப்பழத்தில் உள்ள பொட்டாசியம் மற்றும் இயற்கை எண்ணெய்கள் முடியை மிருதுவாக்க உதவுகின்றன. மருதாணியுடன் வாழைப்பழம் சேரும் போது, அது ஆழமான கண்டிஷனிங் (Deep conditioning) செய்ய பயன்படுகிறது.

• முதலில் தேவையான அளவு மருதாணி பொடியை தண்ணீருடன் கலந்து கெட்டியான பசை போல செய்து, இரவு முழுவதும் ஊறவிடவும்.
• மறுநாள் காலையில், நன்கு பழுத்த வாழைப்பழம் ஒன்றை எடுத்து மசித்துக் கொள்ளவும்.
• ஊறவைத்த மருதாணி பசையுடன், மசித்த வாழைப்பழத்தை சேர்த்து, கட்டிகள் இல்லாதவாறு மென்மையாக கலக்கவும்.
• கூடுதல் பலன் வேண்டுமென்றால், இத்துடன் சில துளிகள் ஆலிவ் எண்ணெய் அல்லது தயிர் சேர்த்துக் கொள்ளலாம்.
• இந்த கலவையை தலைமுடி முழுவதும் தடவி 1 முதல் 2 மணி நேரம் ஊறவிடவும்.
• பின்னர், மிதமான ஷாம்பூவை கொண்டு தலைக்கு குளிக்கவும். இது கூந்தலை நீரேற்றத்துடன் வைத்திருக்க உதவும்.

மேலும் படிக்க: Hibiscus for Hair Growth: குளிர்காலத்தில் அதிகரிக்கும் முடி உதிர்வு பிரச்சனை? கூந்தலை வலுப்படுத்த உதவும் செம்பருத்தியை இப்படி பயன்படுத்தவும் 

பொடுகு தொல்லையை போக்க மருதாணி மற்றும் வெந்தயம் ஹேர் பேக்:

குளிர்காலத்தில் பொடுகு தொல்லை அதிகரிக்கும். இந்த மருதாணி மற்றும் வெந்தயம் கலந்த ஹேர் பேக், பொடுகுக்கு எதிரான ஒரு மருந்தாகும். வெந்தயம் குளிர்ச்சி தருவதுடன், உச்சந்தலையில் ஏற்படும் தொற்றுகளை சரிசெய்யும்.

• இரண்டு டேபிள் ஸ்பூன் வெந்தயத்தை ஒரு கிண்ணத்தில் போட்டு, இரவு முழுவதும் தண்ணீரில் ஊறவிடவும். இதனால் வெந்தயத்தின் சத்துகள் முழுமையாக வெளிப்படும்.
• மறுநாள் காலையில், ஊறவைத்த வெந்தயத்தை நன்கு அரைத்து கொள்ளவும்.
• இதனுடன் தரமான மருதாணி பொடியை சேர்த்து மென்மையான பசை பதத்திற்கு கலக்கவும்.
• இந்த கலவையை உச்சந்தலையில் படுமாறு நன்றாக தடவவும்.
• சுமார் 10 முதல் 30 நிமிடங்கள் வரை இதனை ஊறவிடவும்.
• இறுதியாக, ஷாம்பூ கொண்டு குளித்து கண்டிஷனர் பயன்படுத்தலாம். இதை வாரத்திற்கு ஒருமுறை செய்து வந்தால் பொடுகு தொல்லை குறையும்.

முடி உதிர்வை தடுக்க உதவும் மருதாணி மற்றும் நெல்லிக்காய்:

முடி உதிர்வதை தடுத்து, முடியை அடர்த்தியாகவும், வலுவாகவும் மாற்ற இந்த ஹேர் பேக் சிறந்தது. நெல்லிக்காய் மற்றும் முட்டை ஆகியவை கூந்தலுக்கு தேவையான புரதத்தை வழங்குகின்றன.

• ஒரு கிண்ணத்தில் மூன்று டேபிள் ஸ்பூன் மருதாணி பொடி மற்றும் இரண்டு டேபிள் ஸ்பூன் நெல்லிக்காய் பொடி ஆகியவற்றை எடுத்துக் கொள்ளவும்.
• இதனுடன் ஒரு முட்டை மற்றும் எலுமிச்சை சாறை பிழிந்து சேர்க்கவும்.
• இந்த அனைத்து பொருட்களையும் ஒன்றாக சேர்த்து கெட்டியான பசையாக கலக்கவும்.
• புரதம் நிறைந்த இந்த கலவையை தலைமுடி மற்றும் உச்சந்தலையில் தடவி, சுமார் ஒரு மணி நேரம் ஊறவிடவும்.
• பின்னர், மிதமான ஷாம்பு கொண்டு தலைக்கு குளிக்கலாம்.

மேலும் படிக்க: Amla Oil for Hair: குளிர்காலத்தில் நெல்லிக்காய் எண்ணெய் பயன்படுத்துவதால் கூந்தலுக்கு கிடைக்கும் நன்மைகள் என்னென்ன? 

மருதாணி மற்றும் முல்தானி மட்டி ஹேர் பேக்:

தலைமுடியில் உள்ள அதிகப்படியான எண்ணெய் பிசுக்கு, அழுக்கு மற்றும் மாசுக்களை நீக்க இந்த ஹேர் பேக் உதவும். முல்தானி மட்டி முகத்திற்கு மட்டுமல்ல, தலைமுடி பராமரிப்புக்கும் ஏற்றது.

• இரண்டு டேபிள் ஸ்பூன் முல்தானி மட்டி மற்றும் இரண்டு டேபிள் ஸ்பூன் மருதாணி பொடியை எடுத்துக் கொள்ளவும்.
• இதில், தேவையான அளவு தண்ணீர் சேர்த்து மென்மையான பசை போன்று கலக்கவும்.
• இந்த ஹேர் பேக்கை தலையில் நன்கு தடவவும்.
• பின்னர், மிதமான ஷாம்பூ பயன்படுத்தி தலைக்கு குளிக்கவும். இவ்வாறு செய்தால் கூந்தல் பளபளப்பாக மாறும்

இது போன்று இயற்கையான மருதாணி ஹேர் பேக்கில் உங்கள் கூந்தலுக்கு ஏற்றதை தேர்ந்தெடுத்து பயன்படுத்தினால் தலை முடி ஆரோக்கியமாகவும், அடர்த்தியாகவும் வளரும்.

இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

Image Credit: Freepik