Skin Care Tips: உங்களுக்கு முதுமை தோற்றத்தை ஏற்படுத்தும் இந்த 5 பழக்கங்களை அவசியம் தவிர்க்கவும்

Skin Care Tips in Tamil: உங்களுடைய வாழ்வில் நீங்கள் அன்றாடம் கடைபிடிக்கும் சில பழக்க வழக்கங்கள் உங்களது இளமை தோற்றத்தை பாதிக்கும் அபாயத்தை கொண்டுள்ளன. நீங்கள் வழக்கமாக பயன்படுத்தும் தரமான சரும பராமரிப்பு பொருட்கள் மற்றும் விலை உயர்ந்த சீரம் என எதுவாக இருந்தாலும், உங்கள் வாழ்க்கை முறை சீராக இருந்தால் மட்டுமே பலன் அளிக்கும். எனவே, உங்களுடைய அன்றாட பழக்க வழக்கங்கள் சரியான வகையில் இருத்தல் அவசியம்.

முதுமை தோற்றம் விரைவாக வருவதை தடுக்கும் வகையில் நீங்கள் மேற்கொள்ள கூடிய எளிய வாழ்க்கை முறை மாற்றங்களை இந்தக் கட்டுரையில் பார்க்கலாம். இவற்றை தடுப்பதுடன் மூலம் எப்போது நீங்கள் இளமையாக காட்சியளிக்க முடியும்.

சரும ஆரோக்கியத்தில் தூக்கத்தின் பங்களிப்பு:

இரவு முழுவதும் கண் விழித்து வேலை செய்வது அல்லது பொழுதுபோக்குடன் இருப்பது என்பது ஒரு பெரிய விஷயம் இல்லை என்று நீங்கள் நினைக்கலாம். ஆனால், உங்கள் சருமமும், உடலும் அதற்கான பாதிப்பை அனுபவிக்கின்றன. தூக்கம் என்பது உங்கள் உடலின் பழுதுபார்க்கும் நேரம். நீங்கள் தூங்கும் போது தான் சரும செல்கள் மீளுருவாக்கம் அடைகின்றன. போதுமான தூக்கம் இல்லையென்றால், உடலில் கார்டிசோல் (Cortisol) என்ற மன அழுத்த ஹார்மோன் அதிகரித்து, வீக்கம், முகத்தில் சுருக்கங்கள் மற்றும் சரும பொலிவின்மைக்கு வழிவகுக்கும். தொடர்ந்து கண் விழித்திருக்கும் போது கண்களை சுற்றியுள்ள கருவளையங்கள், வீக்கம் மற்றும் சோர்வான தோற்றம் ஆகியவை அதிகரிக்கும்.

சரியான நேரத்திற்கு தூங்குவது எப்படி?

• ஒவ்வொரு இரவும் 7 முதல் 8 மணி நேரம் தரமான உறக்கத்தை இலக்காக கொள்ளுங்கள்.

• படுக்கைக்கு செல்வதற்கு ஒரு மணி நேரத்திற்கு முன் செல்போன் மற்றும் கணினி பயன்படுத்துவதை தவிர்க்க வேண்டும்.

• வெளிச்சம் குறைவான விளக்குகளை பயன்படுத்துவது மற்றும் தினமும் ஒரே நேரத்திற்கு உறங்கச் செல்வது போன்ற பழக்கங்களை பின்பற்றுவது அவசியம் ஆகும்.

மேலும் படிக்க: Skin care tips: சரும பராமரிப்புக்கு உதவும் பீட்ரூட்; இனிமே தினமும் இப்படி யூஸ் பண்ணுங்க

அதிக சர்க்கரை மற்றும் பதப்படுத்தப்பட்ட உணவுகளை தவிர்க்க வேண்டும்:

அதிக இனிப்புகள், பதப்படுத்தப்பட்ட சிற்றுண்டிகள் மற்றும் துரித உணவுகள் ஆகியவை உங்கள் பசியை தீர்த்து திருப்திப்படுத்தலாம். ஆனால், அவை உங்கள் சருமத்தின் முக்கிய அங்கமான கொலஜனுக்கு பாதிப்பை ஏற்படுத்துகின்றன. சர்க்கரை அதிகமாக உட்கொள்ளப்படும் போது, அது சில வகையான சேர்மங்களை உருவாக்குகிறது. இவை கொலஜன் மற்றும் எலாஸ்டின் (Elastin)ஆகியவற்றை பாதிக்கின்றன. இதனால், உங்கள் சருமம் கடினமடைந்து, அதன் நெகிழ்வுத்தன்மையை இழந்து, சுருக்கங்கள் விரைவாக தோன்றுகின்றன. மேலும், இது முகப்பரு மற்றும் வீக்கத்தையும் ஏற்படுத்தும்.

• சீரான மாற்றம்: ஒட்டுமொத்தமாக சர்க்கரையை நிறுத்துவதற்கு பதிலாக படிப்படியாக மாற்றங்களை ஏற்படுத்தலாம்.

• ஆரோக்கியமான உணவுகள்: ஆரோக்கியமான பழங்கள், விதைகள், முழு தானியங்கள் போன்றவற்றை உங்கள் உணவில் சேர்த்துக் கொள்ளுங்கள். உங்கள் சருமம் மென்மையாகவும், தெளிவாகவும் மாறுவதை உணரலாம்.

உடல் உழைப்பில் கவனம் செலுத்த வேண்டும்:

• அதிக நேரம் அமர்ந்து இருப்பது அல்லது உடலை அசைக்காமல் இருப்பது ஆரோக்கியத்திற்கு பெரிய சவாலாகும். இது இரத்த ஓட்டத்தின் வேகத்தை குறைக்கிறது. மந்தமான இரத்த ஓட்டம், சருமத்திற்கு போதுமான ஆக்ஸிஜன் மற்றும் ஊட்டச்சத்துகளை எடுத்து செல்ல தவறிவிடுகிறது. இதனால், உங்கள் சருமம் பொலிவிழந்து தோன்றும்.

• உடல் இயக்கத்தின் அவசியம்: ஒவ்வொரு மணி நேரமும் எழுந்து நடக்க அல்லது லேசான ஸ்ட்ரெச்சிங் (Stretches) பயிற்சிகளை செய்ய முயற்சிக்கவும்.

• சிறிய உடற்பயிற்சிகள்: ஒரு சிறிய நடைபயணம், சில எளிய யோகாசனங்கள் அல்லது 10 நிமிட லேசான உடற்பயிற்சிகள் தினசரி வாழ்க்கையில் பெரிய மாற்றங்களை ஏற்படுத்தும்.

மேலும் படிக்க: Hair Care Tips: பாரம்பரிய கூந்தல் பராமரிப்பு முறையை பயன்படுத்தி உங்கள் முடி வளர்ச்சியை அதிகரிக்க உதவும் எளிய குறிப்புகள்

அதிக மன அழுத்தத்தில் இருப்பது:

மன அழுத்தம் உங்கள் மனநிலையை மட்டுமல்ல, உங்கள் உடலையும் பாதிக்கிறது. நாள்பட்ட மன அழுத்தம் அதிக கார்டிசோலை உற்பத்தி செய்கிறது. இது கொலஜனை பாதித்து, உங்கள் சருமத்தை பலவீனப்படுத்துகிறது. காலப்போக்கில், இது முகத்தில் நுண்ணிய கோடுகள், பொலிவின்மை மற்றும் முடி உதிர்தல் போன்ற தீவிர பிரச்சனைகளுக்கு வழிவகுக்கும்.

• மன அழுத்தத்தை குறைக்கும் வழிகள்: அன்றைய தினத்தில் குறுகிய மற்றும் வழக்கமான ஓய்வு நேரத்தை சேர்த்து கொள்ளுங்கள்.

• சிகிச்சை முறைகள்: ஒரு குறுகிய நடைபயணம், மூச்சுப் பயிற்சி செய்வது அல்லது அமைதியாக அமர்ந்து இசையை கேட்பது போன்றவை உதவியாக இருக்கும். எனினும், மன அழுத்தம் அதிகரித்தால் மருத்துவரை அணுகி ஆலோசனை பெற வேண்டும்.

நீர்ச்சத்து குறைபாடு:

• போதுமான அளவு தண்ணீர் குடிக்காதது வறண்ட சருமத்திற்கு வழிவகுக்கும். நீர்ச்சத்து குறையும் போது, சருமம் அதன் நெகிழ்வுத்தன்மையை இழந்து, சுருக்கங்கள் மற்றும் கோடுகள் தெளிவாக தெரியும். மேலும், உடலில் நீர்ச்சத்து குறையும் போது, ஆற்றல் குறைவு மற்றும் சோர்வான தோற்றத்தை தரும்.

• நீர்ச்சத்தை அதிகரிக்கும் முறை: எப்போதும் ஒரு தண்ணீர் பாட்டிலை உங்கள் அருகில் வைத்திருக்கவும்.

• கூடுதல் குறிப்பு: சாதாரணமாக தண்ணீர் குடிக்க பிடிக்கவில்லை என்றால், எலுமிச்சை, வெள்ளரிக்காய் அல்லது புதினா போன்றவற்றை சேர்த்து, சுவையாகவும், புத்துணர்ச்சியுடனும் மாற்றிக் குடிக்கலாம்.

இந்த அன்றாட பழக்கங்களை உங்கள் வாழ்க்கையில் மாற்றிக் கொள்வதன் மூலம் முதுமையான தோற்றத்தை கட்டுப்படுத்தலாம். முதுமை தோற்றம் தவிர்க்க முடியாதது என்றாலும், அதனை தாமதப்படுத்தும் திறன் நம் கைகளில் உள்ளது.

இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

Image Credit: Freepik