முகத்தில் சுருக்கங்கள் குறைத்து எப்போதும் இளமையானத் தோற்றத்தைப் பெறுவதற்கான அழகுக்குறிப்புகள்!

பெண்களையும், அழகையும் ஒருபோதும் யாரும் பிரிக்க முடியாது. கருப்பாக இருந்தாலும், வெள்ளையாக இருந்தாலும் ஒவ்வொன்றும் தனி அழகு தான். இளமையான வயதில் தங்களது சருமத்தை பொலிவுடன் வைத்திருக்க வேண்டும் என பெரும் மெனக்கெடுவார்கள். ஆனாலும் 35 வயதிற்கு மேல் முகத்தில் கட்டாயம் ஆங்காங்கே சுருக்கங்கள் ஏற்பட்டு அழகின் ஒரு பகுதியை இழந்துவிடுவார்கள். இதற்கு என்ன காரணம்? என்னவெல்லாம் இயற்கையான வழிமுறைகளைப் பின்பற்றினால் முகத்தை 40 வயதிலும் 20 வயது போல் வைத்திருக்க முடியும்? என்பது குறித்த சில அழகுக்குறிப்புகள் உங்களுக்காக.

முக சுருக்கங்கள் நீங்க இயற்கை வழிமுறைகள்:

பெண்கள் தங்களை அழகாக்கிக் கொள்ள வேண்டும் என்பதற்காக அதிக கெமிக்கல் நிறைந்த அழகு சாதனப் பொருட்களைப் பயன்படுத்துவார்கள். இவற்றை அகற்ற வேண்டும் என்பதற்காகவும் பல ரசாயனப் பொருட்களைப் பயன்படுத்துவார்கள். இது முற்றிலும் தவறு. இவற்றைப் பயன்படுத்தும் போது தசைகளுக்கு இறுக்கம் கிடைக்காமல் போய்விடும். எனவே முகத்தில் போட்டிருக்கும் மேக் அப்களை அகற்ற வேண்டும் என்றால் தேங்காய் எண்ணெய்யைப் பயன்படுத்தவும். தேங்காய் எண்ணெய்யைக் கொண்டு முகத்தில் 10 நிமிடங்களுக்கு மசாஜ் செய்து வந்தால் தசைகள் இறுக்கமாகும். தொய்வும் ஏற்படாது.

மேலும் படிக்க: ஸ்பாவிற்குச் செல்லாமல் பெண்களின் உடலையும், சருமத்தையும் ஈஸியாக பராமரிக்கும் முறை!

அடுத்தப்படியாக முகத்தில் உள்ள சுருக்கங்களை அகற்ற சந்தனம், தேன், முட்டையின் வெள்ளைக்கரு போன்றவற்றை ஒரு பேஸ் பேக் போன்று கலந்து முகத்தில் அப்ளை செய்யலாம். இதில் உள்ள ஊட்டச்சத்துக்கள் தசைகள் இறுக்கமாக உதவுகிறது. வாரத்திற்கு ஒருமுறையாவது இதைப் பயன்படுத்துவது முகத்திற்குப் பொலிவைக் கொடுக்கும். இதே போன்று மஞ்சளுடன் தேங்காய் எண்ணெய் கலந்தும் பயன்படுத்தலாம்.

Image source - Google