வறண்ட சருமம் உள்ளதா? வீட்டிலேயே செய்யும் இந்த டோனர்களைப் பயன்படுத்துங்க!

அழகான சருமத்தைப் பெற வேண்டும் என மெனக்கெடும் பெண்களில் நீங்களும் ஒருவரா? இதற்கான பல மெனக்கெடுக்களைப் போடுகிறீர்களா?ஆனாலும் குளிர்காலத்தில் சரும வறண்டு பொலிவுற்றது உள்ளதா? அப்படியென்றால் சருமத்தை சுத்தம் செய்ய பயன்படுத்தப்படும் டோனர்களைப் பயன்படுத்துங்கள். இதற்காக கடைகளுக்குச் சென்று தான் வாங்க வேண்டும் என்ற அவசியமில்லை. வீட்டில் உள்ள சில பொருட்களைக் கொண்டு வீட்டிலேயே எவ்வித பக்கவிளைவுகள் இல்லாத டோனர்களை செய்யலாம். இதோ அவற்றில் சில உங்களுக்காக.

மேலும் படிக்க:கேரட் கண்களுக்கு மட்டுமல்ல சருமத்தையும் பளபளப்பாக்குமாம்; எப்படி தெரியுமா?

வறண்ட சருமத்தைக் குணமாக்கும் டோனர்:

ஆப்பிள் சைடர் வினிகர் டோனர்:

அனைத்து வகையான சருமப் பெண்களுக்கும் ஏற்ற டோனர்களில் முக்கியமானது ஆப்பிள் சைடர் வினிகர் டோனர். இதில் உள்ள உள்ளார்ந்த அமிலத்தன்மை சருமத்தின் பிஎச் அளவை சரியான சமநிலைப்படுத்தப் பயன்படுகிறது. ஒரு பங்கு ஆப்பிள் சைடர் வினிகரை மூன்று பங்கு தண்ணீரில் கலந்து ஒரு பாட்டிலில் சேமித்து வைக்கவும். பின்னர் எப்பொழுதெல்லாம் சருமத்திற்கு டோனர்கள் பயன்படுத்த வேண்டும் என்று நினைக்கிறீர்களோ? அப்போதெல்லாம் காட்டனை வைத்து முகத்தில் துடைத்தெடுத்தால் போதும்.

ரோஸ் வாட்டர் டோனர்:

வறண்ட சருமத்தை பளபளப்பாகவும், ஈர்ப்பதத்துடன் வைத்திருக்க வேண்டும் என்ற ரோஸ் வாட்டரைக் கொண்டு செய்யப்படும் டோனரைப் பயன்படுத்தலாம். சருமத்தில் PH அளவை சமநிலைப்படுத்துகிறது. எனவே 40 மில்லி ரோஸ் வாட்டருடன் 5 மில்லி கிளிசரின் கலந்து ஒரு பாட்டிலில் சேமித்து வைக்கவும். பின்னர் சருமத்திற்கு உபயோகிக்கும் போது, காட்டன் துணியைக் கொண்டு சருமத்தில் துடைத்தெடுக்கவும்.

பப்பாளி டோனர்:

பப்பாளியில் அதிக மாய்ஸ்சரைசர் பண்புகள் அதிகளவில் உளளதால் சருமத்தை பிரகாசமாக்கவும், வெயில் மற்றும் குளிர்ந்த காற்றால் ஏற்படக்கூடிய கோடுகள் மற்றும் முக சுருக்கங்களைக் குறைக்கவும் உதவுகிறது. பப்பாளியில் உள்ள தோலை நீக்கி ஒரு கப் தண்ணீருடன் மிக்ஸியில் போட்டு நன்கு அரைத்துக் கொள்ளவும். முகத்தை கழுவிய பின்னதாக பருந்தியைக் கொண்டு இந்த டோனரைப் பயன்படுத்தலாம்.

அரிசி தண்ணீர் டோனர்:

வறண்ட சருமம் உள்ள பெண்கள் அரிசி தண்ணீரைக் கொண்டு முகத்தை சுத்தம் செய்யலாம். இதில் உள்ள ஊட்டச்சத்துக்கள் சருமத்தை பிரகாசமாக்கவும், ஈரப்பதத்துடன் வைத்திருக்க உதவுகிறது. மேலும் விரைவில் வயதான தோற்றம் ஏற்படுவதைத் தடுக்கிறது.

மேலும் படிக்க:உதடு வெடிப்புகளா? வீட்டிலேயே லிப் பாம் தயாரித்துப் பயன்படுத்துங்க!

இதே போன்று தேன் மற்றும் புதினா கலந்த டோனர், க்ரீன் டீயைக் கொண்டு செய்யப்படும் டோனரை சுலபமாக செய்யலாம். பெண்களுக்கு வறண்ட சருமம் இருந்தால், முகத்தில் உள்ள ஈரப்பதத்தை இழப்பதோடு, அடிக்கடி அரிப்பு, தோல் இறுக்கம், தோல் உரிதல் போன்ற பாதிப்புகளைச் சந்திக்க நேரிடும். எனவே சருமத்தை சுத்தம் செய்ய இயற்கையாகவே செய்யும் டோனர்களைப் பயன்படுத்துங்கள்.

Image source - Google