Cure Face Pack: முகத்தை ஜொலிப்புடன் வைத்திருக்க தயிர் பேஸ் பேக்!

பெண்கள் எப்போதுமே தங்களை அழகாக்கிக் கொள்ள வேண்டும் என்று நினைப்பார்கள். அதிலும் தலைமுடியை விட சருமத்தை எப்போதும் பொலிவுடன் வைத்திருக்க வேண்டும் என்ற எண்ணம் ஒவ்வொரு பெண்களுக்கும் இருக்கும். இதற்காக அழகு நிலையங்களுக்குத் தான் செல்ல வேண்டும் என்ற அவசியமில்லை. உங்களது வீடுகளில் உள்ள சமையல் பொருட்களை வைத்தே உங்களை அழகாக்கிக் கொள்ள முடியும். இதோ அவற்றில் ஒன்றாக தயிர் எப்படி சருமத்தைப் பொலிவாக உதவும்? எப்படியெல்லாம் பேஸ் பேக் போன்று உபயோகிக்கலாம்? என்பது குறித்து இங்கே அறிந்துக் கொள்ளலாம் வாருங்கள்.

மேலும் படிக்க:பிரகாசமாக அழகு பெற வீட்டில் இந்த பாட்டி வைத்தியத்தை செய்யுங்கள்

சருமத்தைப் பொலிவாக்கும் தயிர்:

இயற்கையாகவே புளிப்புத் தன்மைக் கொண்ட உணவுகளில் பல சரும பராமரிப்பிற்கான நன்மைகளைக் கொண்டுள்ளது. ஆம் தயிரில் கார்போஹைட்ரேட், கொழுப்பு, கால்சியம், வைட்டமின் பி12, ஆன்டி ஆக்ஸிடன்ட்கள் உள்ளிட்ட பல்வேறு அத்தியாவசிய ஊட்டச்சத்துக்கள் உள்ளதால் சருமத்தை எப்போதும் ஆரோக்கியமாகவும், பொலிவுடனும் வைத்திருக்க உதவுகிறது. தயிர் அழகுப்பராமரிப்புகளில் மிகவும் முக்கியத்துவம் வாய்ந்ததாக உள்ள நிலையில், எப்படியெல்லாம் இதைப் பயன்படுத்தலாம் என்ற விபரம் இதோ..

தயிர் பேஸ் பேக்:

இரவு தூங்கச் செல்வதற்கு முன்னதாக முகத்தில் தயிரை அப்ளை செய்து 15 நிமிடங்களுக்குப் பின்னர் குளிர்ந்த நீரால் முகத்தைக் கழுவவும். இதில் உள்ள லாக்டிக் அமிலம் சருமத்தில் உள்ள இறந்த செல்களை நீக்குவதோடு முகப்பருக்கள் வருவதையும் தடுக்க உதவுகிறது.

தயிர் மற்றும் வெள்ளரி பேக்:

எண்ணெய் சருமம், வறண்ட சருமம் என பல்வேறு வகையான சருமத்திற்கும் ஏற்ற பேஸ் பேக் தான் தயிருடன் வெள்ளரியைச் சேர்த்துப் பயன்படுத்துவது. வெள்ளரியைத் தோலுரித்து சிறு சிறு துண்டுகளாக நறுக்கி மிக்ஸியில் சேர்த்து கலக்கவும். இதை வாரத்திற்கு இருமுறையாவது பயன்படுத்தும் போது சருமத்தில் உள்ள அழுக்குகள் நீங்கி முகம் பளபளப்பாக இருக்கும். இளமையான தோற்றத்தைப் பெறவும் உதவியாக இருக்கும்.

தயிர் மற்றும் மஞ்சள்:

சிறிதளவு மஞ்சளுடன் தயிர் கலந்து முகம் மற்றும் கழுத்துப் பகுதிகளில் அப்ளை செய்யவும். 30 நிமிடங்களுக்குப் பிறகு குளிர்ந்த நீரால் முகத்தைக் கழுவவும். இதில் ஆன்டி ஆக்ஸிடன்ட்கள் மற்றும் அழற்சி எதிர்ப்புப் பண்புகள் சருமத்தில் தொற்றுகள் ஏற்படுவதைத் தடுக்கிறது. மற்றும் முகப்பருக்கள் வருவதையும் தடுக்கிறது.

மேலும் படிக்க:கோடையில் இந்த இயற்கையான பொருட்களை முகத்தில் தடவினால் சருமம் பொலிவு பெறும்!

தயிர் மற்றும் கற்றாழை:

அழகுச் சாதனப் பொருட்கள் என்றாலே நிச்சயம் கற்றாழை இடம் பெற்றிருக்கும். அந்தளவிற்கு அனைத்து சருமத்தினருக்கும் ஏற்றதாக உள்ள கற்றாழையை தயிருடன் கலந்துப் பயன்படுத்தும் போது சருமத்தில் உள்ள அழுக்குகள் நீங்கி முகம் எப்போதும் பளபளப்புடன் இருக்கும். இதே போன்று தயிருடன் அரிசி மாவு, உருளைக்கிழங்கு, கடலை மாவு போன்ற பொருட்களையும் சேர்த்துப் பயன்படுத்தலாம்.

Image source - google