Winter Face Pack: குளிர்காலத்தில் மங்கிப் போன சருமத்தை பொலிவாக மாற்ற உதவும் 5 ஹோம்மேட் ஃபேஸ்பேக்

Winter Skin Care: குளிர்காலம் என்றாலே அனைவருக்கும் ஒருவித மகிழ்ச்சி இருக்கும். ஆனால், நம் சருமத்தை பொறுத்தவரை இது மிகவும் சவால் நிறைந்த காலக்கட்டமாகும். பனிக்காலத்தில் வீசும் குளிர்ந்த காற்று, காற்றில் உள்ள ஈரப்பதத்தை உறிந்து விடுகிறது. இதனால் நமது சருமத்தில் உள்ள இயற்கையான எண்ணெய் பசை குறைந்து, சருமம் வறண்டு போகிறது.

குளிர்காலத்தில் சருமத்தை பொலிவாக மாற்ற உதவும் ஹோம்மேட் ஃபேஸ்பேக்:

பலருக்கு குளிர்காலத்தில் சரும எரிச்சல், அரிப்பு, சிவந்து போதல் போன்ற பிரச்சனைகள் ஏற்படும். விலையுயர்ந்த க்ரீம்களை பயன்படுத்தினாலும், சில மணிநேரங்களில் சருமம் மீண்டும் வறண்டு விடும். ஆனால், நம் சமையலறையில் இருக்கும் இயற்கையான பொருட்களை கொண்டு, இழந்த சரும பொலிவை மீட்டெடுக்க முடியும். குளிர்காலத்தில் உங்கள் சருமத்தை ஜொலிக்க வைக்க உதவும் 5 சிறந்த ஃபேஸ் பேக்குகளை பற்றி இதில் விரிவாகக் காண்போம்.

தயிர் மற்றும் தேன் ஃபேஸ் பேக்:

தயிர் இயற்கையாகவே சருமத்திற்கு ஈரப்பதத்தை அளிக்கும் ஒரு சிறந்த பொருள் ஆகும். இது வறண்ட சருமத்தை மென்மையாக்க உதவுகிறது.

தேவையான பொருட்கள்:

• தயிர் - 2 டேபிள் ஸ்பூன்
• தேன் - 1 டேபிள் ஸ்பூன்
• மஞ்சள் தூள் - ஒரு சிட்டிகை

• ஒரு கிண்ணத்தில் தயிர், தேன் மற்றும் மஞ்சள் ஆகியவற்றை எடுத்து நன்றாக கலக்கவும். இந்த கலவையை முகம் மற்றும் கழுத்து பகுதிகளில் தடவவும். சுமார் 20 நிமிடங்கள் ஊறவைத்த பிறகு, குளிர்ந்த நீரால் கழுவி விடலாம். வாரத்திற்கு இரண்டு முறை இந்த ஃபேஸ் பேக்கை பயன்படுத்தலாம்.
• தயிரில் உள்ள லாக்டிக் அமிலம் மற்றும் ஆல்பா-ஹைட்ராக்ஸி அமிலங்கள் சருமத்தில் உள்ள இறந்த செல்களை நீக்க உதவுகின்றன. தேன் சருமத்தை மென்மையாக்குகிறது. அதே சமயம், மஞ்சள் கிருமி நாசினியாக செயல்பட்டு முகப்பரு வராமல் தடுக்கிறது.

மேலும் படிக்க: Curd for Glowing Skin: சருமத்தை பளபளப்பாக மாற்ற உதவும் 5 தயிர் ஃபேஸ்பேக்; வீட்டிலேயே ஈசியாக செய்யலாம்

தேன் மற்றும் எலுமிச்சை ஃபேஸ் பேக்:

சருமத்தில் உள்ள கரும்புள்ளிகள் மற்றும் வறட்சியை போக்க இந்த கலவை மிகவும் சிறந்ததாக அமைகிறது.

தேவையான பொருட்கள்:

• தேன் - 1 டேபிள் ஸ்பூன்
• பன்னீர் - 1 டேபிள் ஸ்பூன்
• எலுமிச்சை சாறு - 1 டேபிள் ஸ்பூன்
• இந்த மூன்று பொருட்களையும் ஒன்றாக கலந்து ஒரு பேஸ்ட் போல தயார் செய்யவும். இதனை முகம் மற்றும் கழுத்தில் தடவி, 10 நிமிடங்கள் உலர விடவும். பின்னர் வெதுவதுப்பான நீரில் முகத்தை கழுவவும். வாரத்திற்கு 2 முதல் 3 முறை இதனை பயன்படுத்தலாம்.
• தேனில் பாக்டீரியா எதிர்ப்பு மற்றும் அன்டி-ஆக்ஸிடன்ட் பண்புகள் இருப்பதால், இது முகப்பருவை தடுப்பதோடு சருமத்திற்கு புத்துணர்ச்சி அளிக்கிறது. பன்னீர், சருமத்தின் நிறத்தை மேம்படுத்தவும், எலுமிச்சை சாறு முகத்திற்கு பொலிவை தரவும் உதவுகிறது.

பப்பாளி மற்றும் பால் ஃபேஸ் பேக்:

பப்பாளி பழம் சரும பராமரிப்பில் மிக முக்கிய பங்கு வகிக்கிறது. இது சருமத்திற்கு உடனடி பளபளப்பை தரும் இயற்கையான பொருளாகும்.

தேவையான பொருட்கள்:

• நன்கு பழுத்த பப்பாளி துண்டு - 1
• காய்ச்சாத பால் - தேவையான அளவு
• பப்பாளி துண்டை நன்கு மசித்து, அதனுடன் சிறிது பால் சேர்த்து கெட்டியான பேஸ்ட் பதத்திற்கு கலக்கவும். இதை முகத்தில் தடவி நன்கு காயவிடவும். காய்ந்த பிறகு குளிர்ந்த நீரால் கழுவவும். சிறந்த மாற்றத்தை காண வாரத்திற்கு 3 முறை இதை பயன்படுத்தலாம்.
• பப்பாளியில் உள்ள 'பப்பேன்' (Papain) என்ற என்சைம், இறந்த சரும செல்களை நீக்கி, புதிய செல்கள் உருவாக உதவுகிறது. பால், சருமத்தை குளிர்ச்சியாக வைப்பதோடு, சரும துளைகளில் உள்ள அழுக்குகளை சுத்தம் செய்கிறது.

மேலும் படிக்க: Coconut Oil for Skin: குளிர்காலத்தில் தேங்காய் எண்ணெய் பயன்படுத்துவதால் உங்கள் சருமத்திற்கு கிடைக்கும் ஆரோக்கிய பயன்கள் என்னென்ன?

கற்றாழை மற்றும் சந்தன ஃபேஸ் பேக்:

பண்டைய காலம் முதல் சந்தனம், சரும பராமரிப்பில் பயன்படுத்தப்பட்டு வருகிறது. இது குளிர்கால வறட்சியை போக்க பெரிதும் உதவுகிறது.

தேவையான பொருட்கள்:

• கற்றாழை ஜெல் - 2 டீஸ்பூன்
• தேன் - 1 டீஸ்பூன்
• சந்தனப் பொடி - 1 டேபிள் ஸ்பூன்
• இவை அனைத்தையும் ஒன்றாக கலந்து கட்டிகள் இல்லாதவாறு பேஸ்ட் செய்யவும். இதை முகம் மற்றும் கழுத்தில் தடவி 15 நிமிடங்கள் ஊறவிடவும். பின்னர் சாதாரண நீரில் கழுவவும். வாரத்திற்கு இரண்டு முறை இதை பயன்படுத்துவது நல்லது.
• கற்றாழை, சருமத்திற்கு தேவையான நீர்ச்சத்தை அளிக்கிறது. இதில் உள்ள அழற்சி எதிர்ப்பு பண்புகள், சரும எரிச்சலை குறைக்கும். சந்தனம் முகச்சுருக்கங்களை குறைத்து, இளமையான தோற்றத்தை தக்கவைக்க உதவுகிறது.

அரிசி மாவு ஃபேஸ் பேக்:

சருமத்தை சுத்தம் செய்யவும், வெயிலால் ஏற்பட்ட கருமையை போக்கவும் இந்த ஃபேஸ் பேக் பயன்படுகிறது. குறிப்பாக, பலரால் பயன்படுத்தப்படும் ஃபேஸ் பேக்காக இது அமைகிறது.

தேவையான பொருட்கள்:

• அரிசி மாவு - 1 டேபிள் ஸ்பூன்
• ஓட்ஸ் - 1 டேபிள் ஸ்பூன்
• தேன் - 2 டேபிள் ஸ்பூன்
• இந்த மூன்று பொருட்களையும் ஒன்றாக கலந்து முகத்தில் ஸ்க்ரப் போல தேய்த்து, 20 நிமிடங்கள் அப்படியே விடவும். பின்னர் முகத்தை கழுவவும். இதை வாரத்திற்கு ஒருமுறை மட்டுமே பயன்படுத்த வேண்டும்.
• அரிசி மாவில் உள்ள ஃபெருலிக் அமிலம் (Ferulic acid) இயற்கையான சன்ஸ்கிரீனாக செயல்படுகிறது. ஓட்ஸ் ஒரு இயற்கையான கிளன்சர் (Cleanser) என்பதால், இது சரும துளைகளில் அடைத்துள்ள எண்ணெய் மற்றும் தூசிகளை நீக்க உதவுகிறது.

இவை இயற்கை பொருட்கள் என்றாலும், சிலருக்கு ஒவ்வாமை ஏற்பட வாய்ப்புள்ளது. எனவே, முகத்தில் தடவுவதற்கு முன், கையின் சிறிய பகுதியில் தடவி 'பேட்ச் டெஸ்ட்' (Patch test) செய்து பார்ப்பது பாதுகாப்பானது.

இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

Image Credit: Freepik