Uses of Coconut Oil: குளிர்காலத்தின் போது சருமம் வறண்டு, பொலிவிழந்து காணப்படுவது இயல்பு தான். இந்தப் பருவத்தில், உங்கள் சருமத்தின் ஈரப்பதத்தை பாதுகாக்கவும், அதனை தக்கவைக்கவும் வேண்டியது அவசியம். இதற்கான இயற்கை பொருள் இருக்கிறதா என்று பலரும் சிந்திப்பது உணடு.
அப்படிப்பட்டவர்கள், தேங்காய் எண்ணெய்யை பயன்படுத்தலாம். பல தலைமுறைகளாக நமது வீடுகளில் முக்கிய இடம் வகிக்கும் இந்த இயற்கை பொருள், சரும பராமரிப்பிற்கான மிகச் சிறந்த தீர்வாக விளங்குகிறது. ஒவ்வொரு வீட்டிலும் குறைந்தது ஒரு தேங்காய் எண்ணெய் பாட்டில் இருப்பது ஒன்றும் ஆச்சரியமல்ல. நாம் அனைவரும் குழந்தை பருவத்தில் இதை நிச்சயம் பயன்படுத்தியிருப்போம்.
பளபளப்பான, மிருதுவான சருமத்தை பெற இது ஒரு முக்கிய பங்காற்றியது. குளிர்ச்சியான, வறண்ட குளிர்காலத்தில், நம் சருமத்தை பாதுகாப்பதில் தேங்காய் எண்ணெய் முதன்மையான இடத்தை பெறுகிறது. அழகு சாதன பொருள் என்பதை கடந்து, இதில் பல வகையான ஆரோக்கிய நன்மைகளும் அடங்கி இருக்கின்றன.
தேங்காய் எண்ணெய் தனித்துவமான பல காரணிகளைக் கொண்டுள்ளது. இது நமது சருமத்திற்கு நன்மை அளிக்கும் மற்றும் ஆரோக்கியத்திற்கும் உகந்த லாரிக் அமிலத்தை (Lauric Acid) கொண்டுள்ளது. இது ஒமேகா-9 கொழுப்பு அமிலமான ஓலிக் அமிலத்திலும் (Oleic Acid) நிறைந்துள்ளது. இது சருமம், உடல் மற்றும் கூந்தலுக்கு மிகச் சிறந்தது. இதன் நறுமணமும் பலரும் விரும்பக் கூடியதாக இருக்கும். மேலும், இது உங்கள் சருமத்தின் ஈரப்பதத்தை தக்கவைத்து பாதுகாப்பு கவசம் போன்று செயல்படுகிறது.
மேலும் படிக்க: Winter Skin Care Tips: குளிர்காலத்தில் உங்கள் சருமத்தின் பொலிவை தக்கவைக்க உதவும் 5 ஹோம்மேட் ஃபேஸ்பேக் இதோ
அழகுக்கலை நிபுணர்களும், மருத்துவர்களும் கூட நமது சரும பராமரிப்பு முறையில் இதை சேர்க்க பரிந்துரைக்கின்றனர். உலகிலேயே சிறந்த இயற்கை மாய்ஸ்சரைசர்களில் ஒன்றான இது, சருமத்தின் ஆழத்தில் விரைவாக ஊடுருவி, அதன் துளைகளை நீண்ட காலத்திற்கு நீரேற்றமாக வைத்திருக்கிறது. குளிர்காலத்தில் இதை தொடர்ந்து பயன்படுத்துவதால் கிடைக்கும் முக்கிய பயன்கள் ஏராளமாக உள்ளன.
மேலும் படிக்க: Winter Hair Care: குளிர்காலத்தில் வெதுவெதுப்பான எண்ணெய் குளியல் மூலம் உங்கள் கூந்தலுக்கு கிடைக்கும் அற்புத பயன்கள் என்னென்ன?
ஈரப்பதம் இன்றி உங்கள் சருமம் அதிகப்படியான வறட்சியாக காணப்பட்டால், அந்த இடத்தில் சிறிதளவு தேங்காய் எண்ணெய்யை தடவலாம். இவ்வாறு இரவு நேரத்தில் செய்த பின்னர், காலையில் நம்முடைய சருமம் ஈரப்பதத்துடன் காணப்படும். இது மட்டுமின்றி உதடுகளில் வெடிப்பு ஏற்பட்டால், தேங்காய் எண்ணெய்யை மருந்து போன்று பயன்படுத்தலாம்.
நீங்கள் வறண்ட அல்லது இயல்பான சருமம் கொண்டவராக இருந்தால், இரவில் படுக்கைக்கு செல்லும் முன் தேங்காய் எண்ணெய்யை ஒரு மாய்ஸ்சரைசராக பயன்படுத்த தொடங்கலாம். இது அரிப்பு, வறட்சி மற்றும் ஊட்டச்சத்து குறைபாடுள்ள சருமத்தின் பிரச்சனைகளை சமாளிக்க உங்களுக்கு உதவும்.
இருப்பினும், உங்களுக்கு எண்ணெய் பசையுள்ள சருமம் (Oily Skin) இருந்தால், தேங்காய் எண்ணெய் உங்கள் துளைகளை அடைத்து, முகப்பரு பிரச்சனைகளை உருவாக்கலாம். எனவே, எண்ணெய் பசை சருமம் உள்ளவர்கள் இதை முகத்தில் பயன்படுத்துவதை தவிர்ப்பது நல்லது. அதற்கு பதிலாக, வறண்ட உடல் பகுதிகள், முழங்கால்கள் அல்லது பாதங்களுக்கு அதை பயன்படுத்தலாம்.
மொத்தத்தில், தேங்காய் எண்ணெய் நமது பாரம்பரியத்தின் ஒரு பகுதி மட்டுமல்ல; இது குளிர்காலத்தில் உங்கள் சருமத்திற்கு தேவையான ஊட்டச்சத்தையும், பாதுகாப்பையும் வழங்கக் கூடியதாகும்.
இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.
Image Credit: Freepik
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். compliant_gro@jagrannewmedia.com