Winter skin Care: குளிர்காலத்திலும் முகப் பொலிவு வேண்டுமா? மாதுளை பேஸ் பேக் தான் பெஸ்ட்!

கார்த்திகை, மார்கழி, தை, மாசி மாதங்களில் குளிரின் பாதிப்பைச் சமாளிக்க வேண்டும் என்பதற்காக ஸ்வெட்டர், ஸ்கார்ப், சாக்ஸ் போன்ற குளிருக்கு இதமான ஆடைகளை அணிவோம். அதே சமயம் குளிர்ந்த காற்றால் ஏற்படக்கூடிய வறண்ட காற்றால் பாதிக்கப்படும் சரும பாதிப்புகளுக்குத் தீர்வு காண மறந்துவிடுகிறோம். இதோ இன்றைக்கு குளிர்காலத்தில் முகத்தைப் பொலிவாக்க மாதுளை பேஸ் பேக் எப்படி உதவுகிறது? என்பது குறித்து அறிந்துக் கொள்ளலாம் வாருங்கள்.

மாதுளை பேஸ் பேக் தயார் செய்யும் முறை:

ஆன்டிஆக்ஸிடன்கள் மற்றும் அத்தியாவசிய வைட்டமின்கள் நிறைந்த மாதுளையைப் பயன்படுத்தி பேஸ் பேக் செய்வதற்கு முதலில் கீழ்வரக்கூடிய பொருட்களைத் தயார் நிலையில் எடுத்துக் கொள்ளவும்.

தேவையான பொருட்கள்:

மாதுளை - அரை கப்
தேன் - 1 டீஸ்பூன்
ஓட்ஸ் - 1 தேக்கரண்டி
கடலை மாவு - 1 தேக்கரண்டி

மேலும் படிக்க: பளபளப்பான சருமத்திற்கு நீங்கள் பின்பற்ற வேண்டிய 5 இயற்கை குறிப்புகள்

மாதுளை பேஸ் பேக் செய்முறை:

• முகத்தைப் பொலிவுடன் வைத்திருக்க பயன்படுத்தப்படும் மாதுளை பேஸ் பேக் தயார் செய்வதற்கு முதலில் மாதுளைகளை மிக்ஸியில் நன்கு அரைத்து சாறு பிழிந்துக் கொள்ளவும்.
• இதன் பிறகு ஒரு பாத்திரத்தில் மாதுளை கலவையை மாற்றிக் கொள்ளவும். இதனுடன் தேன் மற்றும் கடலை மாவை சேர்த்து பேஸ் போன்று தயார் செய்துக் கொள்ளவும்.
• இதை முகம் மற்றும் கழுத்துப் பகுதிகளில் அப்ளை செய்து அரை மணி நேரத்திற்கு அப்படியே விட்டுவிடவும். பின்னர் வெதுவெதுப்பான நீரைக் கொண்டு முகத்தைச் சுத்தம் செய்தால் போதும். இதில் உள்ள ஊட்டச்சத்துக்கள் இயற்கையான முறையில் சருமத்தைப் பொலிவாக்கவும், புத்துணர்ச்சியாகவும் வைத்திருக்க உதவுகிறது.

மேலும் படிக்க: கூந்தல் வளர்ச்சியை அதிகரிக்க உதவும் 5 அற்புத உணவுகள்; முடி உதிர்வு பிரச்சனைக்கு எளிய தீர்வு

மாதுளை பேஸ் பேக்கின் நன்மைகள்:

மாதுளையில் உள்ள வைட்டமின் சி மற்றும் ஆன்டிஆக்ஸிடன்ட்கள் சரும பாதிப்பிலிருந்துப் பாதுகாக்கிறது. சருமத்தில் ஈரப்பதத்தைத் தக்க வைத்து குளிர்கால வறட்சிக்கு எதிராக போராடுகிறது. மேலும் சருமத்தில் இரத்த ஓட்டத்தை மேம்படுத்தி சருமத்தில் ஏற்படக்கூடிய சுருக்கங்களைக் குறைக்க உதவுகிறது.

Image source - Freep