Labor Pain: பிரசவ வலியை குறைக்க இந்த வழிமுறைகளை ட்ரை செய்து பாருங்க!

இன்றைய காலகட்டத்தில் கர்ப்பிணி பெண்கள் பலரும் இந்த பிரசவ வலியை எதிர்கொள்வது மிகவும் கடினமான ஒரு விஷயம். ஒரு சிலருக்கு பிரசவ வலி என்றாலே அதிக பயம் இருக்கும். இந்த நவீன காலத்தில் பெண்களுக்கு சுகப்பிரசவம் ஏற்படுவது ஒரு வரப் பிரசாதம் என்று கூறலாம். இன்றைய காலகட்டத்தில் பலருக்கும் அறுவை சிகிச்சை மூலம் குழந்தை பிறப்பது இயல்பாகி விட்டது. அந்த வரிசையில் வீட்டில் இருந்தபடி இந்த பிரசவ வலியை குறைக்க இயற்கை வழிமுறைகள் என்ன என்பது குறித்து இந்த கட்டுரையில் பார்க்கலாம்.

மசாஜ்:

பிரசவத்தின் போது பெண்களின் முதுகில் மென்மையாக மசாஜ் செய்து வந்தால் பலருக்கும் இந்த பிரசவ வலியை சமாளிக்க பெரிதும் உதவும். ஆனால் மருத்துவர் நிபுணர்கள் அல்லது செவிலியர் மூலம் மட்டும் தான் இந்த மசாஜ் செய்யப்பட வேண்டும்.

தண்ணீரில் பிரசவம்:

இன்றைய காலகட்டத்தில் பல கர்ப்பிணி பெண்களும் பிரசவ வலியை சமாளிக்க தண்ணீர் பிரசவத்தை தேர்வு செய்கிறார்கள். ஏனென்றால் இது அவர்களுக்கு பிரசவ வலியை குறைக்க உதவும். கர்ப்பிணி பெண்களுக்கு பிரசவ வலி எடுக்கத் தொடங்கியதும் அவர்கள் வெதுவெதுப்பான சுடு நீரில் குளிக்க வேண்டும் என பல ஆண்டுகளாக நம் மூதாதையர்கள் சொன்னதாக மருத்துவ ஆய்வுகள் கூறியுள்ளது.

வெப்பம்:

ஒரு சில கர்ப்பிணி பெண்களுக்கு பிரசவ வலி ஏற்படும் போது வெப்பமான அல்லது குளிர்ச்சியான தண்ணீர் பேக்குகளை முதுகில் வைத்து ஒத்தடம் கொடுத்தால் பிரசவ வலியை சிறிதளவு சமாளிக்க முடியும் என்று கூறப்படுகிறது.

இன்ட்ராடெர்மல் வாட்டர் இன்ஜெக்ஷன்:

பொதுவாகவே கர்ப்பிணி பெண்களுக்கு பிரசவத்தின் போது ஏற்படும் முதுகு வலியை போக்க இந்த இன்ட்ராடெர்மல் ஸ்டெரைல் வாட்டர் இன்ஜெக்ஷன் ஒரு சிறந்த முறையாகும். இந்த ஊசி பெண்களுக்கு பிரசவத்தின் முதல் கட்டத்தில் கொடுக்கப்படுகிறது.

மேலும் படிக்க: பெண்கள் கர்ப்ப காலத்தில் சாப்பிட வேண்டிய உணவுகள்!

உடற்பயிற்சி மற்றும் உணவு:

கர்ப்பிணி பெண்களுக்கு பிரசவ வலி ஏற்படும் போது மருத்துவர்களால் பரிந்துரைக்கப்படும் மருத்துவம் இந்த குத்தூசி மருத்துவம். இதனை ஹிப்னாஸிஸ் என்று கூறுவார்கள். அதே போல கர்ப்பிணி பெண்கள் பிரசவ வலி ஏற்படும் சில நாட்களுக்கு முன்பு தினசரி யோகா செய்து வரலாம். இது அவர்களுக்கு இந்த பிரசவ வலியை சமாளிக்க உடல் ஆற்றலை தருகிறது. மேலும் கர்ப்பிணி பெண்கள் பிரசவ வலியை எதிர்கொள்ள ஆரோக்கியமாக உணவுகள் சாப்பிடுவது முக்கியம். அதே போல தூங்கும் நிலை மாற்றம் செய்து வரலாம்.

Image courtesy: google