போர்வையைத் துவைக்காமல் உபயோகிக்கும் பழக்கம் இருக்கா? அப்ப இந்த பாதிப்புகள் நிச்சயம்

தினமும் விரித்துத் தூங்கும் போர்வை மற்றும் பெட்ஷீட்டுகளை வாரந்தோறும் அல்லது இரண்டு வாரங்களுக்கு ஒருமுறை கட்டாயம் துவைக்க வேண்டும். இல்லையென்றால் பல்வேறு உடல் நல பாதிப்புகளை சந்திக்க நேரிடும்.
image
image

குளிர்காலம் தொடங்கியாச்சு. இந்த பருவநிலையை இதமாக்க ஒவ்வொருவரும் தூங்கும் போது பெட்ஷூட்டுகளை அதிகளவில் உபயோகிப்போம். இல்லையென்றால் சளி, இருமல், போன்ற உடல் நல பாதிப்புகளைக் கட்டாயம் சந்திக்க நேரிடும். அதிக குளிரின் காரணமாக பல உடல் நல பாதிப்புகள் ஏற்படும் என்பது இயல்பு தான். இதைத் தவிர்க்க போர்வைகளைப் போர்த்தி தூங்கினால் மட்டும் போதாது. உபயோகிக்கும் போர்வையை சுத்தமாகவும் வைத்திருக்க வேண்டும். இல்லையென்றால் பல உடல் நல பாதிப்புகளை சந்திக்க நேரிடும். அவை என்னென்ன? என்பது குறித்து இங்கே அறிந்துக் கொள்ளலாம் வாருங்கள்.


போர்வைகளை எப்போது துவைக்க வேண்டும்?

நாம் தூங்குவதற்குப் பயன்படுத்தும் படுக்கை விரிப்புகளை வாரந்தோறும் அல்லது இரண்டு வாரங்களுக்கு ஒருமுறை கட்டாயம் துவைக்க வேண்டும். விரித்துப் படுக்கும் படுக்கை என்பது நமது உடலுடன் நேரடியாக தொடர்பில் இருக்கிறது. உடலில் உள்ள திரவங்களை உறிஞ்சும் தன்மையைக் கொண்டது. துவைக்காமல் போர்வைகளை உபயோகிக்கும் போது, அவற்றில் இருக்கும் பல விதமான பாக்டீரியாக்கள் மற்றும் கிருமிகள் இனப்பெருக்கத்தை அதிகரித்து உடலின் நோய் எதிர்ப்பு சக்தியைக் குறைக்க வழிவகுக்கிறது.

  • அனைவரது வீடுகளில் கட்டாயம் நாய் அல்லது பூனை போன்ற செல்லப்பிராணிகள் கட்டாயம் இருக்கும். இவற்றை நம்முடைய படுக்கை அறைக்கு அருகாமையில் வரும் போது அதன் முடிகள் கட்டாயம் தலையணை உறை அல்லது போர்வைகளில் இருக்கக்கூடும். இவை தோலில் அலர்ஜி மற்றும் அரிப்பை ஏற்படுத்தும்.
  • போர்வைகளைத் துவைக்காமல் உபயோகிக்கும் போது, கண்ணுக்கு மறைந்திருக்கும் தூசிப்பூச்சிகள் அதிகமாக இருக்கும். குளிர்ச்சியான சூழல் இருந்தால் பாக்டீரியாக்கள் மற்றும் பூச்சிகள் வேகமாக வளரக்கூடும். இவை உடல் நலத்தைப் பாதிப்பதோடு ஆஸ்துமா, அலர்ஜி போன்ற பாதிப்புகளை ஏற்படுத்தும். குறிப்பாக தூக்கமின்மை பிரச்சனையும் அதிகளவில் ஏற்படும். எனவே வாரம் ஒருமுறையாவது கட்டாயம் போர்வைகளைத் துவைக்க வேண்டும்.

மேலும் படிக்க:வீட்டில் பல்லிகள் தொல்லை அதிகமாக இருக்கிறதா? அதனை விரட்ட இந்த 5 டிப்ஸை ஃபாலோ பண்ணுங்க

  • வீட்டு சுத்தம் மற்றும் படுக்கை அறையில் உள்ள போர்வைகள் அழுக்காக இருந்தால் அவை உளவியல் ரீதியாக ஆரோக்கியத்தைப் பாதிக்கும். மன அழுத்தம், எரிச்சல், தூக்கமின்மை போன்ற பல பாதிப்புகளைச் சந்திக்க நேரிடும்.

எனவே இதுபோன்ற பாதிப்புகளைத் தவிர்க்க வேண்டும் என்றால், நீங்கள் விரித்துப் படுக்கும் போர்வைகளைக் கட்டாயம் வாரத்திற்கு ஒருமுறை மாற்ற வேண்டும் என்பதை நினைவில் வைத்துக் கொள்ளுங்கள்.

Image credit - Freepik

HzLogo

Take charge of your wellness journey—download the HerZindagi app for daily updates on fitness, beauty, and a healthy lifestyle!

GET APP