தீபாவளி பண்டிகைக்கு வீட்டை சுத்தம் செய்யணுமா? இந்த டிப்ஸ்களைப் பின்பற்றுங்கள்!

தீபாவளிக்கு வீட்டை சுத்தம் செய்யவதை அனைத்துப் பெண்களும் மும்மரமாக செய்வார்கள். புத்தாடைகள் உடுத்தி பட்டாசுகள் வெடிப்பது மட்டுமல்ல நாம் வசிக்கும் வீடுகளில் உள்ள பொருட்களை அடுக்கி வைத்து பண்டிகைக்குத் தயார் ஆவார்கள். இந்த பண்டிகை நாள்களில் வீட்டை சுத்தம் செய்து வழிபாடுகளை மேற்கொள்ளும் போது நேர்மறை எண்ணங்கள் அதிகளவில் எழக்கூடும் என்ற நம்பிக்கை உள்ளது. வீட்டில் உள்ள இல்லதரசிகள் பண்டிகைக்கு ஒரு வார காலத்திற்கு முன்னதாக வீட்டை சுத்தம் செய்ய ஆரம்பித்துவிடுவார்கள். அதே சமயம் பணிக்குச் செல்லும் பெண்களால் வீட்டை முறையாக சுத்தம் செய்ய முடியாது. எப்போது விடுமுறை கிடைக்குமோ? அந்த நேரத்தில் தான் சுத்தம் செய்யும் பணிகளைத் தொடங்குவார்கள். இப்படி இவர்களில் நீங்களும் ஒருவராக இருந்தால்? இந்த கட்டுரை நிச்சம் உங்களுக்கு உதவியாக இருக்கும்.

மேலும் படிக்க: இந்த வீட்டு பொருட்களை பயன்படுத்தி 5 நிமிடத்தில் தீபாவளிக்கு அழகான ரங்கோலி கோலம் போடலாம்

தீபாவளிக்கு வீட்டை சுத்தம் செய்யும் டிப்ஸ்கள்: 

• பண்டிகை காலங்களில் வீடு பார்ப்பதற்கு அழகாக தெரிய வேண்டும் என்றால் முதலில் சுவற்றில் படிந்துள்ள ஒட்டரைகளை அகற்றவும்.
• வீட்டில் தினமும் பயன்படுத்தும் லைட்டுகள் மற்றும் பேன்கள் அனைத்தும் தூசியால் மங்கிக்கிடக்கும். அவற்றை ஈரமான துணிகளைப் பயன்படுத்தித் துடைத்தெடுக்கவும். இவ்வாறு செய்யும் லைட்டுகள் மிகவும் பிரகாசமாக இருக்கும்.
• தீப ஒளி திருநாளில் வீட்டை சுத்தமாக வைத்திருப்பதோடு நாம் அன்றாடம் பயன்படுத்தக்கூடிய பொருட்களையும் சுத்தமாக வைத்திருக்க வேண்டும். முதலில் கதவு மற்றும் ஜன்னல்களுக்குப் போடப்படும் ஸ்கிரின் துணிகளை மாற்றம் செய்ய வேண்டும். வீட்டில் உள்ள அழுக்குகளோடு பண்டிகையைக் கொண்டாடும் போது எதிர்மறை எண்ணங்கள் ஏற்படக்கூடும்.
• அடுத்தப்படியாக கதவு மற்றும் ஜன்னலில் உள்ள அழுக்குளை நீக்கவும். 

• தீபாவளி பண்டிகைக்கு இனிப்புகள் மற்றும் திண்பண்டங்கள் செய்வதற்கு சமையல் அறை சுத்தமாக இருக்க வேண்டும். ஒரு நாள் விடுமுறை என்றாலும் தீபாவளிக்கு முன்னதாக சமையல் அறையில் உள்ள கிரீஸ், எண்ணெய் பிசுபிசுப்பு போன்றவற்றை அகற்றவும். இல்லையென்றால் எந்த வேலையையும் முறையாக செய்வதற்கு சளிப்பாக இருக்கும்.
• அடுத்தப்படியாக பூஜை அறைகளை சுத்தம் செய்யவும். அங்குள்ள படங்கள், விளக்குகள் போன்றவற்றைத் துடைத்தெடுக்க வேண்டும். பூஜை சாமான்கள் சட்டென்று பளிச்சென்னு மாற வேண்டும் என்றால் சிட்ரிக் அமிலம் மற்றும் தண்ணீர் கலவையைக் கொண்டு சுத்தம் செய்ய வேண்டும். 
• கழிவறை மற்றும் குளியலறைகளை சுத்தம் செய்ய வேண்டும் என்றால் அங்கு பேக்கிங் சோடாவைத் தெளித்துக் கொள்ளவும். ஒரு மணி நேரத்திற்குப் பின்னதாக ஸ்கரப்பர் அல்லது பிரஷ்களைக் கொண்டு துடைத்தெடுக்கும் போது பளீச்சென்று மாறிவிடும்.

இவ்வாறு வீட்டில் உள்ள முக்கியமான அறைகளைச் சுத்தம் செய்து தீப ஒளி திருநாளை மகிழ்ச்சியுடன் கொண்டாடுங்கள்.