New Year Rangoli: 2025 புத்தாண்டை புதுப்பொலிவுடன் வரவேற்க 6 ரங்கோலி கோலம் டிசைன்கள்

புத்தாண்டு ரங்கோலி கோலம் டிசைன்கள்

புத்தாண்டு நல்வாழ்த்துக்கள் கோலம்

கோலம் வாயிலாக புத்தாண்டு வாழ்த்துக்கள் தெரிவிக்க இந்த கோலம் சரியாக இருக்கும். முதலில் ஒரு சதுரத்தை வரைந்து, அதன் நடுவில் ‘இனிய புத்தாண்டு வாழ்த்துக்கள்’ என்று தமிழிலோ அல்லது ஆங்கிலத்திலோ எழுதுங்கள். இறுதியாக சதுரத்தை சுற்றி பூ வடிவ டிசைன்களை வரையவும். சதுரத்தை சுற்றி பூ டிசைன் தான் வரைய வேண்டிய அவசியம் இல்லை. உங்களுக்கு விருப்பமான டிசைன்களை சதுரத்தை சுற்றி வரையலாம்.

புத்தாண்டு கோலம்

நீங்கள் புதிதாக கோலமிட கற்றுக்கொள்பவராக இருந்தால் வருகிற 2025 புத்தாண்டுக்கு இந்த 14 X 2 புள்ளி புத்தாண்டு வாழ்த்து கோலத்தை உங்கள் வீட்டில் ட்ரை பண்ணுங்க. ‘NEW YEAR’ என்று நேராகவும், செங்குத்தாகவும் குறுக்கே எழுதுங்கள். அதன் பின் இறுதியாக ‘NEW YEAR’ என்ற சொல்லுக்கு வெளியே நான்கு திசைகளிலும் புள்ளி வைத்து புகைப்படத்தில் உள்ளவாறு வரையவும். இந்த கோலத்தை வரைந்து உங்கள் புத்தாண்டை தொடங்குவது புது அனுபவமாக இருக்கும்.

மேலும் படிக்க: 21 புள்ளிகள் வைத்து 4 வகையான மார்கழி மாத கோலங்கள்

விளக்கு வடிவ ரங்கோலி

உங்கள் வீட்டு வாசலில் இடம் குறைவாக இருக்கிறது என்று நினைப்பவர்கள் இந்த விளக்கு வடிவ ரங்கோலியை வரையலாம். இது உங்கள் வீட்டின் ஜொலிக்க செய்யும். முதலில் மூன்று முகங்கள் உடைய விளக்கை வரைந்து அதன் பின் கீழே அரை வட்டத்தை வரைந்து அதனுள் 2025 என்று எழுதுங்கள். இறுதியாக வட்டத்தின் வெளியே பூ வரைந்தால் எளிதாக இந்த ரங்கோலியை முடிக்கலாம்.

2025 புத்தாண்டு ரங்கோலி

நீங்கள் ரங்கோலி போடுவதில் வல்லமை வாய்ந்தவர் என்றால் 2025 புத்தாண்டுக்கு உங்கள் வீட்டின் முன் வரைய இந்த ரங்கோலி சிறந்த தேர்வாக இருக்கும். இந்த ரங்கோலிக்கு 8-10 வண்ணங்கள் தேவைப்படும். இதனை வரைய கடின உழைப்பு தேவைப்பட்டாலும், வரைந்து முடித்தவுடன் அனைவராலும் பாராட்டப்படுவீர்கள்.

ஆங்கில புத்தாண்டு ரங்கோலி

நீட் அண்ட் சிம்பிளாக இருக்க வேண்டும் அதே சமயம் பார்ப்பவர்களை கவர வேண்டும் என்று நினைப்பவர்களுக்கு ஏற்றவாறு இந்த ரங்கோலி உள்ளது. இந்த ரங்கோலியில் பிரதானமாக உள்ள ஆரஞ்சு, மஞ்சள் நிறம் மற்றும் சதுரத்தை சுற்றியுள்ள வெள்ளை நிறம் வீட்டின் வாசலில் புத்தாண்டன்று புதுப் பொலிவை தரும்.

Image Credit: Instagram