அகத்தின் அழகு முகத்தில் தெரியும் என்பார்கள். அந்த முகத்தை மிகவும் பிரகாசமாகவும், அழகாகவும் காட்டுவதற்குப் பேருதவியாக இருப்பது பற்கள். அப்படிப்பட்ட பற்களில் சொத்தை, மஞ்சள் கறை, ஈறுகளில் ரத்தம் வடிதல், பல் வீக்கம் போன்ற பிரச்சனைகள் ஏற்பட்டால் வலியுடன், முகத்தின் அழகைக் கெடுத்துவிடும். இந்த சமயத்தில் கட்டாயம் பல் மருத்துவரை சந்தித்து ஆக வேண்டும். ஆனாலும் இதை வழக்கமாக்கிக் கொள்ள முடியாது அல்லவா? எனவே எப்போதும் பற்கள் மற்றும் ஈறுகளை ஆரோக்கியமாக வைத்திருக்க கொய்யா இலைகளைக் கீழ்வரக்கூடிய முறைகளைப் பயன்படுத்துங்கள். இன்றைக்கு மட்டுமல்ல, பல ஆண்டுகளாக நம்முடைய முன்னோர்கள் பற்களில் ஏற்படக்கூடிய பிரச்சனைகளைத் தீர்ப்பதற்கு கொய்யா இலைகளைப் பயன்படுத்தி வந்துள்ளனர். அவற்றில் சில குறிப்புகள் இங்கே.
பற்களின் ஆரோக்கியத்திற்கு கொய்யா இலைகள்:
கொய்யா இலைகளில் உள்ள பாக்டீரியா எதிர்ப்பு மற்றும் அழற்சி எதிர்ப்பு பண்புகள் பற்களில் ஏற்படக்கூடிய பாக்டீரியா தொற்றுகளைக் கொல்லவும், இதனால் ஏற்படக்கூடிய வீக்கத்தைக் குறைக்கவும் உதவியாக உதவுகிறது.
கொய்யா இலைகளைப் பயன்படுத்தும் முறை:
- பற்கள் மற்றும் ஈறுகளில் ஏற்படக்கூடிய பிரச்சனைகளைச் சரி செய்வதற்கு முதலில் கொழுந்து கொய்யா இலைகளை எடுத்துக் கொள்ளவும்.
- கொய்யா இலைகளை சுத்தமான தண்ணீரில் கழுவிய பின்னதாக அதனுள் மிளகு மற்றும் கிராம்பு, உப்பு சேர்த்து மடித்துக் கொள்ளவும்.
- இவற்றை அப்படியே வாயில் போட்டு மெல்லலாம். அல்லது மிக்ஸியில் நன்கு அரைத்து பல் வலி மற்றும் ஈறுகளில் வீக்கம் உள்ள இடங்களில் அரைத்து வைக்கவும். தொடர்ச்சியாக வாரத்திற்கு இருமுறையாவது பயன்படுத்தும் போது பற்களில் ஏற்படக்கூடிய பிரச்சனைகளைச் சரி செய்ய உதவுகிறது.
மேலும் படிக்க:இதய ஆரோக்கியம் முதல் எலும்புகள் வரை வலுப்பெற தினமும் 30 நிமிடங்கள் நடந்தால் போதும்
கொய்யா இலைகளை மென்று சாப்பிடுதல்:
பற்களில் ஏற்படக்கூடிய பிரச்சனைகளைப் போக்கி பல் ஆரோக்கியம் இருக்க வேண்டும் என்றால் கொய்யா இலைகளை மென்று சாப்பிடலாம். கொழுந்தான கொய்யா இலைகளை எடுத்து கழுவிக் கொள்ளவும். அதன் பின்னதாக சிறிதளவு உப்பு சேர்த்து வாயில் போட்டு மெல்லவும். இதன் சாறை சிறிது நேரம் பற்களில் வைத்து விட்டு கொப்பளித்து துப்பிவிடவும். இதைத் தொடர்ச்சியாக செய்து வரும் போது பற்கள் மற்றும் ஈறுகளில் ஏற்படக்கூடிய பிரச்சனைகளைக் குணப்படுத்த உதவும்.
கொய்யா இலை மவுத்வாஷ்:
பற்கள் மற்றும் ஈறுகளின் ஆரோக்கியத்தைப் பராமரிக்க கொய்யா இலைகளைக் கொண்டு மவுத்வாஷ் தயாரிக்கவும். இதை செய்வதற்கு முதலில், கொய்யா இலைகளைத் தண்ணீரில் போட்டு நன்கு கொதிக்க விடவும். பழுப்பு நிறமாக மாறி வரும் வரை கொதிக்க விட்டு வடிகட்டினால் போதும் கொய்யா இலை மவுத் வாஷ் ரெடி.
இதன் சூடு ஆறியவுடன் ஒரு பாட்டிலில் ஊற்றி வைத்துப் பயன்படுத்தலாம். தினமும் பல் துலக்கிய பிறகு கொய்யா இலை மவுத்வாஷ் கொண்டு வாய் கொப்பளிக்கவும். இதில் உள்ள நுண்ணுயிர் எதிர்ப்பு பண்புகள் பற்களை ஆரோக்கியமாக வைத்திருக்க உதவுகிறது.
மேலும் படிக்க:வாரத்தில் 7 நாட்கள் இவற்றை இரவு உணவாக சாப்பிட்டால் 1 மாதத்தில் 5 கிலோ எடையை தாராளமாக குறைக்கலாம்
எப்படி பற்களைப் பாதுகாக்கிறது?
கொய்யா இலைகளில் உள்ள குர்செடின் மற்றும் குய்ஜாவெரின் போன்ற சேர்மங்கள் அழற்சி எதிர்ப்புப் பண்புகளுக்குப் பெயர் பெற்றவையாக உள்ளது. எனவே மேற்கூறிய முறைகளில் கொய்யா இலைகளைப் பற்களின் ஆரோக்கியத்திற்காகப் பயன்படுத்தும் போது, ஈறுகளில் வீக்கம், ரத்தம் வடிதல், பல் சொத்தை, பல் வலி போன்ற பாதிப்பிலிருந்து தடுக்க உதவியாக உள்ளது.
Image source - Google
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation