சிறுநீரக கல் பிரச்சினையை தீர்ப்பதற்கான இயற்கை வழிகள்

சிறுநீரக கற்களால் அவதிப்படும் பெரும்பாலான நபர்களுக்கு அதை எப்படியாவது கரைக்க வேண்டும் என்ற கவலை இருக்கிறது. ஒரு சிலர் முறையான சிகிச்சை எடுத்துக் கொண்டாலும் சிறுநீரகத்தில் கற்கள் திரும்ப திரும்ப வரும். இதற்கு மரபியல் ரீதியான காரணங்கள் இருக்கின்றன.

சிறுநீரகத்தில் எப்படி எதனால் கற்கள் உருவாகிறது என்பதை தெரிந்து கொள்ள வேண்டும். சிறுநீரகத்தில் கற்கள் உருவான பிறகு அதை கரைப்பதை விட கற்கள் உருவாகாமல் இருப்பதில் கவனம் செலுத்த வேண்டும்.

பலர் சாப்பிடும் உணவில் தெரியாமல் கற்களை சாப்பிடுவதால் அது சிறுநீரகத்தில் சென்று தேங்கிவிடுவதாக நினைக்கின்றனர். இதில் உண்மை இல்லை. சிறுநீர் கழிக்கும் போது நிறைய கழிவுகளும், கனிமங்களும் வெளியேறும். கனிமங்கள் அதிகளவில் வெளியேறும் போது சிறுநீரகத்தில் அவை படிந்துவிட்டால் கற்களாக உருவாகும். பெரும்பாலான மக்களுக்கு சிறுநீரகத்தில் கால்சியம் ஆக்சலேட் என்ற கல் இருக்கும்.

யூரிக் அமிலம் அதிகமாக வெளியேறினால் யூரேட் கற்கள் உருவாகலாம். இதே போல இன்னும் சில சிறுநீரக கற்கள் இருக்கின்றன. மரபணு காரணங்களால் சிலருக்கு இயல்பாகவே கற்கள் உருவாகும்.

கற்களை கரைக்க முடியுமா ?

சிறுநீரக கற்களை மருந்து மாத்திரைகளால் மட்டும் கரைக்க முடியாது. அறுவை சிகிச்சைகளும் தேவைப்படலாம். ஏழு மில்லி மீட்டருக்கும் குறைவான சின்ன கற்கள் குறையும்.

மேலும் படிங்ககுடல் ஆரோக்கியத்தை மேம்படுத்துவதற்கான எட்டு எளிய வழிகள்

கற்கள் உருவாகாமல் தடுப்பதற்கு வழிகள்

• தினமும் மூன்று லிட்டருக்கும் அதிகமாக தண்ணீர் குடிப்பது கற்கள் உருவாகும் போதே அவை சிறுநீர் வழியாக வெளியேறும்.
• கால்சியம் உள்ள உணவுகளை சாப்பிடுவதால் கற்கள் உருவாகும் என அர்த்தம் கிடையாது. கால்சியம் குறைவாக சாப்பிட்டால் ஆக்ஸிலேட் சிறுநீரகத்தில் அதிகமாக படிந்து கற்கள் உருவாகும்.
• சிட்ரிக் அமிலம் உள்ள எலுமிச்சை சாறு குடிப்பது கற்களை வராமல் தடுக்க உதவும். தினமும் அரை லிட்டர் எலுமிச்சை ஜூஸ் குடிக்கவும்.
• சர்க்கரை அதிகம் உள்ள உணவுகளை சாப்பிடக் கூடாது. இதில் சுக்ரோஸ் உள்ளது.
• மது அருந்தும் பழக்கம் சிறுநீரக கற்களை கரைக்கும் செயலுக்கு எதிர்வினையாக அமையும்.
• உடல் பருமனாக இருந்தால் குறைக்க வேண்டும். அளவுக்கு அதிகமாக அசைவ உணவுகள் சாப்பிடுவதை தவிர்க்கவும்.
• இந்த விஷயங்களை முறையாக பின்பற்றினால் சிறுநீரக கற்கள் வராமல் தடுக்கலாம்.
• வாழைத்தண்டு ஜூஸ் குடிப்பது சிறுநீரக கற்கள் பிரச்சினைக்கு உதவும். ஐந்து கிராமுக்கு மேல் உப்பு உட்கொள்ளல் கூடாது.
• சிறுநீரகத்தில் பெரிய அளவிலான கற்கள் வந்துவிட்டால் அதை கரைப்பது சிரமம். மருத்துவரிடம் ஆலோசித்து முறையான சிகிச்சை எடுக்க வேண்டும்.

இது போன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்து இருங்கள்.