மார்பகம் நம் உடலின் மிக முக்கிய அங்கமாகும். ஆனால் இதைப் பற்றிப் பேசப் பெரும்பாலானோர் விரும்புவதில்லை. பெண்கள் பெரும்பாலும் நமது அந்தரங்கங்களைப் பற்றிப் பேச வெட்கப்படுகிறோம் அல்லது அவற்றைப் பற்றி யாருடனும் பேசுவதில்லை. கை, கால், முகம்போல மார்பகமும் உடலின் ஒரு பகுதி தானே! பெற்ற குழந்தையின் பசியாற்றும் உங்கள் மார்பகங்களை நினைத்துப் பெருமிதம் கொள்ளுங்கள்.
பல சமயங்களில் போதிய விழிப்புணர்வு இல்லாதமையால் மார்பகம் தொடர்பான பல தவறுகளை நாம் செய்கிறோம். இது தொடர்பான விஷயங்களை மகப்பேறியல்-மகப்பேறு மருத்துவர் (OBGYN), கருவுறாமை நிபுணர் டாக்டர் தனுஸ்ரீ பாண்டே பட்கோன்கர் அவர்கள் தனது இன்ஸ்டாகிராம் பக்கத்தில் பகிர்ந்துள்ளார். பெண்கள் தங்கள் மார்பகம் தொடர்பான இந்த விஷயங்களைப் பற்றிக் கவலைப்பட வேண்டாம் என்று தனது ரீல் மூலம் எடுத்துறைத்துள்ளார்.
மார்பக அளவைப் பற்றிக் கவலைப்பட வேண்டாம்
மார்பகங்கள் வெவ்வேறு வடிவங்கள் மற்றும் அளவுகளில் இருக்கலாம். ஒரு மார்பகம் பெரிதாகவும் மற்றொன்று சிறியதாகவும் இருக்கலாம். டாக்டர் தனுஸ்ரீ அவர்களின் கருத்துப்படி, பல சமயங்களில், நம் மார்பகங்களைப் பற்றி நாம் அதிகமாகச் சிந்திக்கிறோம், ஆனால் அவ்வாறு செய்வது தவறானது. மேலும் உங்கள் மார்பக வடிவம் மற்றும் அளவுகுறித்து தாழ்வு மனப்பான்மையோடு இருப்பதும் தவறு. உங்கள் மார்பக அமைப்பை நம்பிக்கையுடன் ஏற்றுக்கொள்ளுங்கள்.
இந்த பதிவும் உதவலாம்:என் தொங்கும் மார்பகத்தை எப்படி சரி செய்வது?
ஒவ்வொரு மாதமும் சுயமார்பக பரிசோதனை அவசியம்
சுயமார்பக பரிசோதனை மிகவும் முக்கியமானது. இதை ஒவ்வொரு மாதமும் தவறாமல் செய்ய வேண்டும். ஏனெனில், மார்பகப் புற்றுநோயின் ஆரம்ப அறிகுறிகளைச் சுய மார்பகப் பரிசோதனைமூலம் எளிதாகக் கண்டறிய முடியும். மார்பக பகுதி, அக்குள் மற்றும் காலர்போனை பரிசோதிக்க வேண்டியது அவசியம். ஏனென்றால், மார்பகத் தசைகளுள்ள பகுதிகளில் ஒருவித வலி, கட்டி அல்லது கசிவு இருக்கலாம்.
சரியான அளவு பிரா அணிவது மிகவும் அவசியம்
நீங்கள் சரியான அளவு பிரா அணியவில்லை என்றால் அது உங்கள் மார்பகத்திற்கு பெரும் பாதிப்பை ஏற்படுத்தும். மிகவும் தளர்வான பிரா அல்லது மிகவும் இறுக்கமான பிரா அணிவது தவறு. இது மார்பக தசைச் சுருக்கங்களை ஏற்படுத்தும். மேலும், பிராவை அவ்வப்போது கழற்றி மார்பகத்தைச் சிறிது தளர்த்தவும். இவ்வாறு செய்வதால் மார்பகங்கள் தளர்ந்துவிடாது. பிரா அணியாவிட்டால் மார்பகங்கள் தளர்வாகிவிடும் என்பது உண்மையல்ல.
மார்பக நிறத்தை மேம்படுத்தும் க்ரீம்களை பயன்படுத்த வேண்டாம்
மார்பகத்தின் நிறத்தை மேம்படுத்தும் லைட்டனிங் க்ரீம்கள் அதிகளவில் விற்கப்படுகின்றன. ஆனால் இதை பயன்படுத்துவது தவறானது. இது உங்களுக்குப் பல வழிகளில் தீங்கு விளைவிக்கும். மார்பக க்ரீம்களில் சருமத்திற்கு தீங்கு விளைவிக்கக்கூடிய பல வகையான ரசாயனங்கள் உள்ளன. இவை எந்த நேர்மறையான விளைவையும் ஏற்படுத்தாது. மேலும் எப்பொழுதும் உங்கள் மார்பகங்களைப் பற்றிய சிந்தனை அல்லது விழிப்புடன் இருக்க வேண்டிய அவசியமும் இல்லை.
இந்த பதிவும் உதவலாம்: பெண்களின் மார்பகங்கள் வலிக்க இதுவும் காரணமாக இருக்கலாம்!
மார்பகத்தில் கசிவு ஏற்பட்டால் என்ன செய்வது?
மார்பகத்தில் கசிவு, முலைக்காம்பில் பிரச்சனை அல்லது வலி, மார்பகத்தில் வலியுணர்வு, மார்பகத்தின் நிறத்தில் ஏதேனும் மாற்றம் இருந்தால் அந்த அறிகுறிகளைப் புறக்கணிக்காதீர்கள், இது மிகவும் ஆபத்தானது. நீங்கள் கட்டாயமாக மருத்துவ உதவியை நாட வேண்டும். மார்பக புற்றுநோய் போன்ற நிலைமையைத் தவிர்க்க மருத்துவ பரிசோதனை அவசியம்.
உடல் நலம் அல்லது மார்பகம் சம்பந்தமானப் பிரச்சனை ஏதேனும் இருந்தால், கண்டிப்பாக அதைப் பற்றி மருத்துவரிடம் பேசுங்கள். இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும், பதிவு குறித்த உங்கள் கருத்தினை கமெண்ட் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.
image source:freepik
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation