முடி நரைப்பதற்கு உண்மை காரணம் என்ன ? இந்த தலைமுறை இளைஞர்களுக்கும், சிறுவர்களுக்கும் இது மிகப்பெரிய பிரச்னையாக உள்ளது. முடி நரைத்தல் பிரச்னைக்கு சிகிச்சை உண்டா என பலரும் கேட்கின்றனர். முடி நரைத்தலை தடுக்க முடியுமா ? உள்ளிட்ட கேள்விகளுக்கு இந்த பதிவில் பதிலை தெரிந்து கொள்ளுங்கள். மருத்துவ தகவலோடு முடி நரைத்தலுக்கான முக்கிய விஷயங்கள் பகிரப்பட்டுள்ளன. முடி நரைத்தல் என்பது மனிதனுக்கு இயல்பாக நடக்கூடிய விஷயமாகும். வயதான காலத்தில் முடியின் இயல்பான நிறம் போய் விடும் என்பதே முடி நரைத்தல் ஆகும்.
பல்வேறு ஆராய்ச்சிகளின்படி உலகில் 50 வயது மேற்பட்டவர்களில் 50 விழுக்காட்டினருக்கு 50% முடி நரைத்துவிடும். இந்த வயதில் பெரும்பாலான நபர்களுக்கு முடி நரைத்தல் என்பது இயல்பே.
வயதான காலத்தில் முடி நரைத்தல் பிரச்னையை நோயாக கருத இயலாது. இளம் வயதினருக்கு முடி நரைத்தல் ஏற்பட்டால் பின்னணி காரணங்களை அறிய வேண்டும். நம் தலைமுடியின் நிறம் மெலனோசைட்டை பொறுத்து அமையும். இதில் உற்பத்தியாகும் மெலனின் தலை முடியின் கருமையை தீர்மானிக்கிறது.
மெலனோசைட் செல்களில் பாதிப்பு ஏற்பட்டால் அதிலிருந்து வளரும் முடி நரைத்தே இருக்கும். வேரோடு முடியை பிடுங்கினால் அடுத்து வளரும் முடியும் நிறம் மாறிவிடும் என அர்த்தம் கிடையாது.
மரபணு ரீதியாக இளநரை பிரச்னை வந்தால் சிகிச்சை அளிக்க இயலாது. அப்பாவுக்கு இளம் வயதில் முடி நரைத்திருந்தால் மகனுக்கும் அதே பிரச்னை வரும்.
தைராய்டு சுரப்பு குறைவு ஏற்பட்டால் தலைமுடி நரைத்துவிடும். இதற்கான காரணத்தை சரி செய்தால் முடி நரைத்தலை தடுக்கலாம்.
பி 12 சத்து மற்றும் உடலில் ஃபோலிக் அமிலம் குறைபாடு இளநரை பிரச்னைக்கான காரணங்களாகும். அதே போல இரும்பு, ஜிங்க், செலீனியம் குறைபாடு இருந்தால் இளநரை ஏற்படலாம். இவற்றை சரியாக சாப்பிட்டால் மெலனின் உற்பத்தியை உறுதி செய்ய முடியும். ஈரல், கீரை வகைகளை அதிகம் சாப்பிடுங்கள்.
முடிந்தவரை ரசாயனம் பயன்படுத்தாமல் இயற்கையான தோற்றத்தில் இருங்கள். தல அஜித் அதற்கு சிறந்த உதாரணம்.
மேலும் படிங்க உடல் ஆரோக்கியத்துடன் தொடர்புடைய சிறுநீர்! எந்த நிறத்தில் இருக்க வேண்டும் தெரியுமா ?
இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.
Image source : Freepik
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். compliant_gro@jagrannewmedia.com