பெண்களே.தொப்பையைக் குறைக்க உதவும் காய்கறிகள் இவை தான்!

பெண்களின் உடல் அமைப்பு ஒவ்வொரு பருவத்திற்கு ஏற்ப மாறக்கூடும். குறிப்பாக வயது வந்தவுடன், திருமணத்திற்குப் பின்னதாக மற்றும் குழந்தைப் பிறப்பிற்கு பின் என பெண்களின் உடல் அமைப்பில் பல மாற்றங்களை அவர்கள் சந்திக்க நேரிடும். என்ன தான் உடல் எடையைக் கட்டுக்குள் வைக்க வேண்டும் என்று நினைத்தாலும் அவர்களால் எதையும் முறையாக செய்ய முடியாது. அதிலும் வயிற்றில் அதிக கொழுப்புகள் சேர்வதால் ஏற்படக்கூடிய தொப்பை வந்தால் போதும். பெண்களின் அழகே கெட்டு விட்டது போன்ற மனநிலைக்கு வந்து விடுவார்கள்.

இதுபோன்ற மனநிலையில் உள்ள பெண்களில் நீங்களும் ஒருவராக இருந்தால், உணவு முறையில் சில மாற்றங்களைக் கொண்டு வர முயற்சி செய்யுங்கள். குறிப்பாக காய்கறிகளின் மூலமும் வயிற்றில் உள்ள கொழுப்புகளைக் கரைக்க முடியும். இதோ அவற்றில் சில லிஸ்டுகள் உங்களுக்காக..

மேலும் படிக்க:வெற்றிலை சாப்பிடுவதால் இத்தனை ஆரோக்கிய நன்மைகளா?

தொப்பையைக் குறைக்க உதவும் காய்கறிகள்:

• உடல் எடையைக் குறைப்பதற்கு முதலில் உடலில் உள்ள கொழுப்புகள் மற்றும் தேவையில்லாத நச்சுகளை நீக்குவது நல்லது.
• வயிற்றில் படிந்துள்ள கொழுப்புகளை நீக்க வேண்டும் என்றால் குடை மிளகாயை அதிகளவில் உணவில் சேர்த்துக் கொள்ள வேண்டும். இதில் உள்ள வைட்டமின் சி, நார்ச்சத்து உள்ளிட்ட பல்வேறு அத்தியாவசிய ஊட்டச்சத்துக்கள் உடலில் உள்ள கொழுப்புகளைக் கரைக்க உதவுகிறது. எனவே தினமும் அல்லது வாரத்திற்கு இருமுறையாவது குடை மிளகாயை உணவில் சேர்த்துக் கொள்வது நல்லது.
• தொப்பையைக் குறைக்க வேண்டும் என்று நினைப்பவர்கள், பேரிக்காயை சாப்பிடலாம். இதில் குறைந்த அளவு கலோரிகள் உள்ளதால் வயிற்றில் படிந்துள்ள கெட்ட கொழுப்புகளைக் கரைக்க உதவுகிறது.
• பீன்ஸ்ஸை உணவில் சேர்த்துக்கொள்ள வேண்டும். இதில் உள்ள நார்ச்சத்துக்கள் சீக்கிரம் செரிமானம் ஆவதற்கு உதவியாக உள்ளது. இதனால் வயிற்றில் அதிகமான கொழுப்புகள் சேராது.
• உடல் எடையைக் குறைக்க வேண்டும் என்று நினைப்பவர்கள் சுரைக்காய், பீர்க்கங்காய், புடலங்காய் போன்ற நீர்ச்சத்துள்ள காய்கறிகளை அதிகளவில் உணவு முறையில் சேர்த்துக் கொள்வது நல்லது. ஆரோக்கிய முறையில் உடல் எடையைக் குறைப்பதோடு மூட்டு வலி போன்ற பிரச்சனைகளையும் ஏற்பட வாய்ப்பில்லை.
• நமது உடலில் தேவையில்லாத நச்சுகள் அதிகளவில் சேரும் போது, உடல் எடையை நிர்வகிப்பது என்பது கடினம். எனவே ஆரோக்கியமான முறையில் பாதுகாக்கவும், நச்சுகளை வெளியேற்றவும் உணவு முறையில் கீரை வகைகளை உணவில் சேர்த்துக் கொள்ள வேண்டும். முருங்கை கீரை, அரைக்கீரை, பசலைக்கீரை, அகத்திக்கீரை போன்ற எந்த காய்கறிகள் உங்களுக்குக் கிடைத்தாலும் அவற்றை உணவில் சேர்த்துக் கொள்வது நல்லது.

கேரட், பீட்ருட், காளான் போன்ற காய்கறிகளையும் உணவில் சேர்த்துக் கொள்ளும் போது, உடல் எடையைக் குறைக்க தேவையில்லாத கெமிக்கல் நிறைந்த மருந்துகள் சாப்பிடுவதைத் தவிர்க்க முடியும்.