மழைக்காலத்தில் உடல் ஆரோக்கியமாக இருக்க பின்பற்ற வேண்டிய வாழ்வியல் நடைமுறைகள்!

தமிழகம் முழுவதும் ஆங்காங்கே மழை பெய்து வருகிறது. காலை நேரத்திலும் அதிகமாக வெயிலின் தாக்கம் இருப்பதால் குழந்தைகள் மற்றும் பெரியவர்களுக்கு சளி, இருமல், உடல் சோர்வு, காய்ச்சல் போன்ற பாதிப்புகளைச் சந்தித்து வருகிறார்கள். இதிலிருந்து தப்பிக்க வேண்டும் என்றால், நாம் அனைவரும் வாழ்வியல் முறையில் கொஞ்சம் மாற்றம் ஏற்படக்கூடும்.

மேலும் படிக்க: பெண்களின் தலைமுடி வளர்ச்சிக்கு உதவும் ஆரோக்கிய உணவுகளின் லிஸ்ட்!

தேன் உட்கொள்ளுதல்:

பருவகாலங்களில் நம்மை அதிகளவில் பாதிக்கும் தொற்றுகளில் முக்கியமானது சளி. மழையில் சிறிது நேரம் நனைந்தாலும் குழந்தைகளை சட்டென்று பாதித்துவிடும். இந்நேரத்தில் தேன் உட்கொள்வது நல்லது. இதில் ஆன்டிஆக்ஸிடன்ட்கள் மற்றும் பாக்டீரியா எதிர்ப்பு பண்புகள் சளி பிரச்சனையைக் குறைப்பதற்கு உதவியாக இருக்கும்.

மேலும் தொண்டையில் தொற்று பாதிப்பு ஏற்பட்டால் கொதிக்க வைத்த நீரில் உப்பு சேர்த்து கொப்பளிக்க வேண்டும்.

ஆவி பிடித்தல்:

வீசிங் எனப்படும் மூச்சுத்திணறல் பிரச்சனை உள்ளவர்கள் மற்றும் உடலின் நோய் எதிர்ப்பு சக்தி குறைவாக உள்ளவர்கள் நொச்சி, வேப்பிலை போன்றவற்றை கொதிக்க வைத்து அதனுடன் மஞ்சள் கலந்து ஆவி பிடிக்கும். ஒருவேளை மூலிகை செடி இல்லையென்றால் தலைவலி தைலம் சேர்த்து ஆவி கட்டாயம் பிடிக்க வேண்டும்.

மூலிகை தேநீர்:

மழைக்காலங்களில் ஏற்படக்கூடிய தொற்று பாதிப்பை சரிசெய்ய வேண்டும் மஞ்சள் மற்றும் மிளகு கலந்த பாலைக் காய்ச்சிக் குடிக்கலாம். இதில் உள்ள ஆன்டிசெப்டிக் பண்புகள் உடலின் நோய் எதிர்ப்பு அமைப்பை வலுப்படுத்துகிறது. சுக்கு, மிளகு கலந்த டீயை பருகுவது நல்லது.

குழந்தைகள் பாதுகாப்பு:

• மழைக்காலங்களில் குழந்தைகளை எப்போதும் கவனமுடன் பார்த்துக்கொள்ள வேண்டும். குளிருக்கு இதமான ஆடைகளை அணிவது முதல் வெந்நீரைக் காய்ச்சிக்குடிக்க வைக்க வேண்டும்.
• மழைக்காலங்களில் எப்போதும் சூடான உணவுகளை உட்கொள்ள வேண்டும்.
• வீட்டைச் சுற்றி மழைநீர் தேங்கவிடாமல் பார்த்துக்கொள்ள வேண்டும். மழை நீரில் கொசுக்கள் உற்பத்தி அதிகமாகும் என்பதால் பாதுகாப்புடன் வைத்திருக்க வேண்டும். இல்லையென்றால் டெங்கு, மலேரியா போன்ற நோய் பாதிப்புகள் ஏற்படுவதைத் தவிர்க்க முடியும்.