Garlic Benefits for BP : உயர் இரத்த அழுத்தத்தை கட்டுப்படுத்த வேண்டுமா? பூண்டை இப்படி சாப்பிடுங்க!

இன்றைய காலகட்டத்தில் பல உடல் நல பிரச்சனைகளை சந்திக்க வேண்டியுள்ளது. அதில் உயிர் இரத்த அழுத்தமும் ஒன்று. இதை ஆங்கிலத்தில் ஹைபர்டென்ஷன் என்று அழைக்கிறார்கள். உயர் இரத்தத்தால் இதயத் தமனிகளில் இரத்த அழுத்தம் அதிகரிக்கும். இந்த அழுத்தத்தால், தமனிகளில் இரத்த ஓட்டத்தை சீராக வைத்துக் கொள்ள இதயம் கடுமையாக உழைக்க வேண்டியிருக்கும்.

தவறான உணவு பழக்க வழக்கங்கள், மன அழுத்தம், தூக்கமின்மை, உடலில் உள்ள அதிகமான சோடியம் போன்ற முக்கிய காரணங்களினால் உயர் இரத்த அழுத்தம் ஏற்படுகிறது. இதனால் தலைவலி, மயக்கம், சோர்வு, இதய படபடப்பு போன்ற அறிகுறிகளை உணரலாம்.

இந்த பதிவும் உதவலாம்: பெண்கள் ஏன் சூரிய நமஸ்காரம் செய்ய வேண்டும் தெரியுமா?

உயர் இரத்த அழுத்தத்தை பலரும் லேசாக எடுத்துக் கொள்கிறார்கள். ஆனால் உயர் இரத்த அழுத்தம் ஒரு தீவிரமான உடல் நல பிரச்சனையாகும். இதனால் மாரடைப்பு முதல் சிறுநீரக செயலிழப்பு வரை பல்வேறு மோசமான விளைவுகள் ஏற்படக்கூடும். இந்நிலையில் உயர் இரத்த அழுத்தத்தால் பாதிக்கப்பட்டவர்கள் பூண்டை தங்கள் உணவில் சேர்த்துக் கொள்ள வேண்டும். உயர் இரத்த அழுத்தத்தை கட்டுப்படுத்த பூண்டு எவ்வாறு உதவும்?  இது குறித்த தகவல்களை ஊட்டச்சத்து நிபுணரான பாருள் பட்னி அவர்களிடமிருந்து தெரிந்து கொள்வோம். நிபுணரின் கருத்துப்படி உயர் இரத்த அழுத்தம் தொடர்ந்தால் தமனிகளில் வீக்கம், தொற்று போன்ற பிரச்சனைகள் ஏற்படலாம். இதுபோன்ற நிலைகளை தடுக்க பூண்டு உதவுவதாக நிபுணர் குறிப்பிட்டுள்ளார்.

உயர் இரத்த அழுத்தத்திற்கு பூண்டு தரும் நன்மைகள்

• பூண்டில் உள்ள கந்தகம் இரத்த நாளங்களை விரிவுபடுத்த உதவுகிறது. 

• பூண்டில் உள்ள அல்லிசின் இரத்த அழுத்தத்தை கட்டுப்படுத்துவதில் சாதகமான விளைவை கொண்டுள்ளது.

• இதில் அழற்சி எதிர்ப்பு பண்புகள் மற்றும் வைட்டமின் B12  உள்ளன

பூண்டு எடுத்துக் கொள்ளும் முறை 

உயர் இரத்த அழுத்தத்தால் பாதிக்கப்பட்டவர்கள் காலையில் வெறும் வயிற்றில் 2 பல் பூண்டை தண்ணீருடன் சேர்த்து சாப்பிட வேண்டும். இந்த செயல்முறையில் பூண்டை பச்சையாக சாப்பிட வேண்டும்.

பூண்டின் மற்ற நன்மைகள்

• உடல் எடையை குறைக்க உதவுகிறது.

• இது இரும்பு சத்து மற்றும் துத்தநாகம் உறிஞ்சுதலை மேம்படுத்துகிறது.

• கெட்ட கொலஸ்ட்ரால் அளவைக் குறைக்கிறது.

• இதில் உள்ள பண்புகள் இதயத்தை ஆரோக்கியமாக வைத்துக்கொள்ள உதவுகின்றன. 

• இது சர்க்கரை நோயின் அபாயத்தை குறைக்கிறது.

• பூண்டில் உள்ள அல்லிசின் சளி மற்றும் காய்ச்சலுக்கு நன்மை தரும். 

• நோய் எதிர்ப்பு சக்தியை அதிகரித்து உடலை ஆரோக்கியமாக வைக்கிறது. 

• பூண்டில் உள்ள கந்தகம் அழற்சி எதிர்ப்பு மற்றும் மூட்டுவலிக்கு எதிரானது.

• பூண்டில் உள்ள ஆன்டி ஆக்ஸிடன்ட்டுகள் மன அழுத்தத்தை குறைக்கின்றன.

இந்த பதிவும் உதவலாம்: இயற்கையான முறையில் தொப்பை மற்றும் எடையை குறைப்பதற்கான ஆயுர்வேத தீர்வு!

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik