இயற்கையின் முழுமையான ஊட்டச்சத்து நிறைந்த இளநீர், லேசான இனிப்பு சுவை கொண்ட திரவமாகும். இது கலோரிகள் குறைவாக கொண்டது மற்றும் பொட்டாசியம், கால்சியம், மெக்னீசியம், சோடியம் போன்ற அத்தியாவசிய எலக்ட்ரோலைட்டுகளுடன் நிரம்பியுள்ளது. நோயாளிகளுக்கு இயற்கையான நீரேற்றம் தரும் பானமாக மருத்துவர்கள் இதை அடிக்கடி பரிந்துரைக்கின்றனர்.
நீர்ச்சத்தை பராமரிக்க உதவும்:
உடலுக்கு தேவையான நீர்ச்சத்தை உடனடியாக தரும் ஆற்றல் இளநீருக்கு இருக்கிறது. காய்ச்சல், வாந்தி அல்லது வயிற்றுப்போக்கு ஏற்படும் போது, உடலில் உள்ள நீர் மற்றும் முக்கிய தாதுக்கள் வேகமாக குறையும். இதனை ஈடுசெய்ய இழந்த திரவங்களையும், எலக்ட்ரோலைட்டுகளையும் இளநீர் உடனடியாக நிரப்புகிறது. இது செரிமானத்தை மேம்படுத்துவதோடு, உடலுக்கு இயற்கையான குளிர்ச்சியையும் அளிக்கிறது.
அதிக பொட்டாசியம் மற்றும் குறைந்த சோடியம் உள்ளதால், இளநீர் ஒரு சிறந்த நச்சு நீக்கும் பானமாக செயல்பட்டு, சிறுநீர் வழியாக நச்சுகளை வெளியேற்ற உதவுகிறது. இளநீரில் குறைந்த கிளைசெமிக் இண்டெக்ஸ் (Low Glycemic Index) இருப்பதால், இது இரத்த சர்க்கரை அளவை வேகமாக அதிகரிக்க செய்யாது. எனவே, இது நீரிழிவு நோயாளிகளுக்கு பாதுகாப்பானதாக கருதப்படுகிறது. இரத்த அழுத்தத்தை சமநிலைப்படுத்துவதன் மூலம் இருதய ஆரோக்கியத்தையும் பராமரிக்கிறது.
மேலும் படிக்க: Benefits of kalonji: கல்லீரலை பாதுகாக்கும் - நீரிழிவு நோயை கட்டுப்படுத்தும்; கருஞ்சீரகத்தால் ஏற்படும் 5 முக்கிய நன்மைகள்
அமிலத்தன்மை, வாய்வு தொல்லை மற்றும் வயிற்று எரிச்சல் போன்றவற்றை சமநிலைப்படுத்த இளநீர் உதவுகிறது. இதில் உள்ள அன்டிஆக்சிடென்ட்ஸ் முகப்பரு மற்றும் தடிப்புகள் போன்ற சரும பிரச்சனைகளை குறைக்க உதவுகின்றன. இளநீர், கல்லீரல் செயல்பாட்டை மேம்படுத்தி, ஒட்டுமொத்த நோய் எதிர்ப்பு சக்தியை அதிகரிக்கிறது. ஆரோக்கியமான பெரியவர்கள் தினமும் 1 முதல் 2 கிளாஸ் இளநீரை குடிக்கலாம். குறிப்பாக, காலையில் வெறும் வயிற்றில் குடிப்பது கூடுதல் பலன் தரும். நீரிழப்பு ஏற்படும்போது, ஒவ்வொரு 3-4 மணி நேரத்திற்கும் ஒருமுறை எடுத்துக் கொள்ளலாம்.
எனினும், சிறுநீரக பிரச்சனை உள்ளவர்கள் அல்லது அதிக பொட்டாசியம் அளவு கொண்டவர்கள் இளநீர் குடிப்பதற்கு முன் மருத்துவரை அணுக வேண்டும். இளநீர் என்பது நீரேற்றம், நச்சு நீக்கம், இருதயம் மற்றும் சருமம் என பலவற்றுக்கு நன்மை அளிக்கும் ஒரு பானம் என அறிந்து கொள்ள முடிகிறது.
இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.
Image Credit: Freepik
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். compliant_gro@jagrannewmedia.com