நீங்கள் உடுத்தும் ஆடைகளை வாசனையுடன் வைத்திருக்க இத செய்யுங்க!

துணிகள் நாற்றம் அடிக்கிறதா? நாள் முழுவதும் பயன்படுத்தினால் வோர்வை நாற்றம் வருகிறதா? இந்த பேப்ரிக் ப்ரெஷனர்ஸ் பயன்படுத்துங்க. நிச்சயம் துணிகள் நாள் முழுவதும் வாசனையுடன் இருக்கும் என்ற விளம்பரங்களை அடிக்கடி டிவிகளில் பார்த்திருப்போம். நாற்றத்துடன் இருக்கும் துணிகளைக் காப்பாற்றுவதற்காக இதைப் பயன்டுத்துவோம். இப்படி துணிகளுக்கு செயற்கை வாசனை திரவியங்கள் மற்றும் இரசாயனங்கள் நிரப்பப்பட்ட துணி பிரெஷ்னர்களை வாங்கி சோர்வடைகிறீர்களா? 

இதோ உங்களுக்காக உங்கள் துணிகளைப் புதியதாகவும், சுத்தமாகவும், வாசனையுடன் வைத்திருக்க உதவும் வாசனைத்திரவியங்களை வீட்டிலேயே சுலபமாக நீங்கள் செய்ய முடியும். அதற்கான எளிய வழிமுறைகள்.. இதற்காக அதிக செலவு செய்ய வேண்டும் என்ற அவசியமில்லை. வீட்டில் உள்ள அத்தியாவசிய எண்ணெய்களைக் கொண்டு துணி ப்ரெஷனர்களைத் தயார் செய்யலாம். 

வீட்டிலேயே செய்யும் ஃபேப்ரிக் ப்ரெஷ்னர்:

• நமது துணிகள்,போர்வைகள் அல்லது வேறு சில பொருட்களில் விரும்பத்தகாத நாற்றங்களை அகற்ற பயன்படுத்தும் தயாரிப்புகள் என்றால் பேப்ரிக் பிரெஷ்னர்கள் தான்.  இந்த ப்ரெஷ்னர்களைத் தயார் செய்வதற்கு முதலில் ஸ்ப்ரே பாட்டில், பேக்கிங் சோடா, அத்தியாவசிய எண்ணெய்களை முதலில் எடுத்துக் கொள்ள வேண்டும்.
• இதை செய்வதற்கு முதலில் ஸ்ப்ரே பாட்டிலில் 1 தேக்கரண்டி பைகார்பனேட் சோடாவை சேர்க்கவும். இது தான் துணிகளைப் புத்துணர்ச்சி கொடுப்பதற்கு உதவியாக இருக்கும். பின்னர் உங்களுக்குப் பிடித்த அத்தியாவசிய எண்ணெயின் 10 சொட்டுகளைப் பாட்டிலில் சேர்க்க வேண்டும். பொதுவாக அத்தியாவசிய எண்ணெய்களின் தேர்வு உங்கள் தனிப்பட்ட விருப்பம் மற்றும் விரும்பிய வாசனையைப் பொறுத்து முற்றிலும் உங்களுடையது.
• இதுபோன்று சோடா மற்றும் அத்தியாவசிய எண்ணெய்களின் பைகார்பனேட் சேர்க்கப்பட்டவுடன், சிறிது குளிர்ந்த கொதிக்கும் நீரில் ஸ்ப்ரே பாட்டிலை சுமார் 3/4 அளவு நிரப்பவும். இந்த சூடான நீர் சோடாவின் பைகார்பனேட்டைக் கரைக்க வேண்டும். பின்னர் ஸ்பேரா பாட்டிலின் மூடியை இறுக்கமாகப் பாதுகாத்து,அனைத்துப் பொருட்களையும் நன்கு கலக்கிக் கொண்டால் போதும் வீட்டிலேயே சுலபமாக செய்யக்கூடிய பேப்ரிக் ப்ரெஷ்னர் ரெடி. 

எப்படி பயன்படுத்துவது?

வீடுகளிலேயே எளிமையாக செய்யக்கூடிய இந்த ஃப்ரெஷனஸை DIY ஃபேப்ரிக் ஃப்ரெஷனஸை துணிகள் துவைக்கும் போது இடையில் பயன்படுத்தலாம். நீங்கள் வீட்டிற்குள் நுழையும் போது அல்லது துர்நாற்றம் வீசும் ஷூக்கள் மற்றும் ஜிம் பைகளை புத்துணர்ச்சியடையச் செய்யும் போது நறுமணம் வீச உங்கள் வீட்டு வரவேற்பு பாயில் கூட தெளிக்கலாம். எவ்வித செயற்கையான பொருட்களும் அதிகளவில் சேர்க்கப்படவில்லை என்பதால், குழந்தைகளின் பள்ளி சீருடைகளில் கூட இதைப் பயன்படுத்தலாம். நிச்சயம் நல்ல வாசனை உணர்வை உங்களுக்குக் கொடுக்கும். மேலும் எவ்வித உடல் நலப் பாதிப்பும் ஏற்பட வாய்ப்பில்லை.

Image source - Google