Papaya Benefits : பெண்கள் பாப்பாளி சாப்பிடுவதால் என்னென்ன நன்மைகள் கிடைக்கும் தெரியுமா?

சுவை மிகுந்த பப்பாளியை காயாகவோ அல்லது பழமாகவோ சாப்பிடலாம். இதனுடைய கொட்டைகள் முதல் தோல் வரை அனைத்திலும் ஏராளமான மருத்துவ குணங்கள் நிறைந்துள்ளன. பப்பாளி உடல் ஆரோக்கியத்திற்கு ஏராளமான நன்மைகளை தருகிறது. பெண்கள் தங்களுடைய அன்றாட உணவில் பப்பாளியை சேர்த்துக் கொள்வதால் கிடைக்கும் நன்மைகளை இப்பதிவில் பார்க்கலாம்.

மாதவிடாயை சீராக்கும்

மாதவிடாய் சுழற்சியை சீராக பப்பாளி உதவும். இது உடலின் வெப்பத்தை அதிகரித்து ஈஸ்ட்ரோஜன் ஹார்மோனைத் தூண்டுகிறது, இது பெண்களின் மாதவிடாய் சுழற்சியை தூண்டும். ஆகையால் ஒழுங்கற்ற மாதவிடாயை கையாளுவதில் பப்பாளி மிகவும் பயனுள்ளதாக இருக்கும்.

இந்த பதிவும் உதவலாம்: PCOS பற்றிய இந்த உண்மைகள் உங்களுக்கு தெரியுமா?

கீல்வாதத்தைத் தடுக்கிறது

முடக்கு வாதம் மற்றும் கீல்வாதத்தை எதிர்த்துப் போராட பப்பாளி உதவும். இதில் உள்ள சைமோபாபைன் என்ற நொதிகள் கீல்வாதத்தை தடுக்கின்றன.

மலச்சிக்கலை போக்கும்

பப்பாளியில் உள்ள ஃபோலேட், வைட்டமின் C மற்றும் வைட்டமின் E ஆகியவை உடல் இயக்கத்தை எளிதாக்குகின்றன. இது வயிறு மற்றும் குடலில் ஆரோக்கியத்தை மேம்படுத்தும்.

முகப்பரு மற்றும் தீக்காயங்களின் வடுக்களை குறைக்கிறது

பப்பாளியில் இருந்து பெறப்படும் லேடெக்ஸ் முகப்பருவால் பாதிக்கப்பட்ட சருமத்தை சரி செய்யும் உதவுகிறது. இதனுடன் தீக்காயங்களின் மீது பப்பாளியை பயன்படுத்தும் பொழுது வடுக்கள் குறையும்.

பல் வலிக்கு நிவாரணம் தரும்

பல் வலிக்கான சிறந்த வீட்டு வைத்தியங்களில் பப்பாளியும் அடங்கும். பல் வலியில் இருந்து நிவாரணம் பெற பப்பாளியை அரைத்து, பற்கள் மற்றும் அதன் ஈறுகளில் மசாஜ் செய்யலாம்.

இதய ஆரோக்கியத்தை மேம்படுத்தும்

பப்பாளி விதைகள் இதய ஆரோக்கியத்திற்கு நன்மை பயக்கின்றன. இதில் உள்ள ஆன்டி ஆக்ஸிடன்ட்கள் வைட்டமின்கள் A, C, E ஆகிய சத்துக்கள் பெருந்தமனி தடிப்பு, சர்க்கரை நோய் மற்றும் இதய நோய்களைத் தடுக்க உதவுகின்றன.

புற்றுநோய் எதிர்ப்பு பண்புகளைக் கொண்டுள்ளது

ஆய்வுகளின்படி, பப்பாளியில் உள்ள லைகோபீன் புற்றுநோய் அபாயத்தைக் குறைக்கும்.

இந்த பதிவும் உதவலாம்: எடை இழப்பு முதல் பார்வையை மேம்படுத்துவது வரை முலாம் பழத்தில் இவ்வளவு நன்மைகளா!

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும், பதிவு குறித்த உங்கள் கருத்தினை கமெண்ட் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik