இயற்கையான முகப்பொலிவிற்கு வேப்பிலை பேஸ் பேக் பயன்படுத்தும் முறை!

வேப்பிலை ஒரு கிருமிநாசினியாக செயல்படும் என்பது அனைவரும் அறிந்ததே. இந்த வேப்பிலையை வைத்து பல பிரச்சனைகளுக்கும் தீர்வு காண முடியும் தெரியுமா?

வேப்பிலையுடன் எலுமிச்சை சாறு:

வேப்பிலை நைஸாக அரைத்து அதனுடன் எலுமிச்சை சாறு மற்றும் ரோஸ் வாட்டர் கலந்துக் கொண்டு முகத்திற்கு உபயோகிக்கலாம். ஒருவேளை உங்களிடம் வேப்பிலை பவுடர் இருந்தால் அதனுடன் எலுமிச்சை சாறு கலந்து நன்கு அப்ளை செய்யவும். இவ்வாறு வாரத்திற்கு இருமுறை செய்யும் போது, சிட்ரிக் அமிலம் மற்றும் பாக்டீரிய எதிர்ப்புப் பண்புகள் சருமத்தை எப்போதும் புத்துணர்ச்சியுடன் வைத்திருப்பதோடு முகப்பருக்களை நீக்கவும் உதவுகிறது.

வேப்பிலையுடன் தயிர் மற்றும் கடலை மாவு:

பெண்கள் அனைவருக்கும் ஒரே மாதிரியான சருமம் இருக்காது. குறிப்பாக வறட்சியான சருமம் கொண்டவர்கள் என்ன பேஸ் பேக் உபயோகித்தாலும் முகம் மிகவும் வறண்டு போய்விடும். இவற்றிற்கு சிறந்த தீர்வு வேப்பிலை தயிர் மற்றும் கடலை மாவு பேஸ் பேக். வேப்பிலை பவுடருடன் சிறிதளவு தயிர் மற்றும் கடலை மாவு கலந்து பேஸ் பேக் தயார் செய்துக் கொள்ளவும். இவை முகத்தில் அப்ளை செய்து குளிர்ந்த நீரால் கழுவினால் போதும். இவை சருமத்தை பொலிவாக்கவும், சருமம் வறண்டு விடாமலும் பாதுகாக்கிறது.

மேலும் படிக்க:சருமத்தை பொலிவாகவும், ஆரோக்கியமாகவும் வைத்திருக்க இந்த ஆயுர்வேத ஃபேஸ்பேக்கை ட்ரை பண்ணுங்க

இதுபோன்ற பேஸ் பேக்குகளை வாரத்திற்கு ஒருமுறையாவது கட்டாயம் பயன்படுத்த வேண்டும். மஞ்சள் மற்றும் வேப்பிலை போன்றவற்றையும் முகத்தைப் பொலிவாக்கப் பயன்படுத்தலாம். ஆரம்பத்தில் மேற்கூறியபடி செய்து உபயோகிப்பது என்பது சிரமமாக இருக்கும். ஆனால் ஆரோக்கியமான முறையில் முகத்தைப் பொலிவாக்க வேண்டும் என்று நினைப்பவர்கள் கட்டாயம் ஒருமுறையாக பின்பற்ற முயற்சி செய்யுங்கள்.