காலையில் வெண்டைக்காய் தண்ணீர் குடிப்பதால் கிடைக்கும் ஆரோக்கிய பலன்கள்

நாள் முழுவதும் சுறுசுறுப்பாகவும், ஆரோக்கியமாகவும் உணர காலை உணவுத் தேர்வு மிகவும் அவசியமாகும். உடல் எடை இழப்புக்கும், ஆரோக்கியத்திற்கும் காலை வேளையில் நாம் பழச்சாறு, காயக்றி ஜூஸ்கள் குடிக்கிறோம். ஆனால் உணவுப்பழக்கத்தில் இருக்கும் ஒரு அற்புதமான காய்கறி தண்ணீரின் மகிமையை இன்று வரை அறியாமல் உள்ளோம். வெண்டைக்காயை கழுவிய பிறகு அதை ஒரு தண்ணீர் உள்ள பாத்திரத்தில் போட்டு மிதக்க விடுகிறோம். சமைக்கும் போது நாம் அந்த தண்ணீரை பயன்படுத்துவதில்லை. அந்த வெண்டைக்காய் தண்ணீர் ஏராளமான நன்மைகளை கொண்டது. இதன் தயாரிப்பு முறை மிகவும் எளிதே. வெண்டைக்காயை சிறிது சிறிதாக வெட்டி ஒரு நாள் முழுவதும் தண்ணீரில் ஊறவைத்து அதை காலையில் வெறும் வயிற்றில் குடித்தால் நமக்கு பல நன்மைகள் கிடைக்கும்.

வெண்டைக்காய் தண்ணீரின் நன்மைகள்

அதிக ஊட்டச்சத்து

வெண்டைக்காய் தண்ணீரில் உடலுக்கு தேவையான அத்தியாவசிய வைட்டமின்கள் ஏ, சி மற்றும் கே மற்றும் கால்சியம், மெக்னீசியம் மற்றும் பொட்டாசியம் போன்ற தாதுக்கள் நிரம்பியுள்ளன. இந்த வெண்டைக்காய் தண்ணீரை காலையில் குடிப்பது நமது வயிற்றில் எளிதில் உறிஞ்சப்பட்டு அனைத்து ஊட்டச்சத்துகளும் கிடைக்கும். இது குறைந்த கலோரி கொண்ட பானம் என்றாலும் அத்தியாவசிய வைட்டமின்கள் மற்றும் தாதுக்களை அதிகம் உள்ளடக்கியது.

இரத்த சர்க்கரை அளவு கட்டுப்பாடு

வெண்டைக்காய் தண்ணீரில் உள்ள நார்ச்சத்து செரிமான மண்டலத்தில் சர்க்கரை உறிஞ்சும் தன்மையை மெதுவாக்குகிறது. இதனால் நம் உடலில் இரத்த சர்க்கரை அளவுகள் கட்டுப்பாட்டில் இருக்கும். எனவே நீரிழிவு நோயாளிகளுக்கு இது சிறந்த தேர்வாகும்.

செரிமான மேம்பாடு

வெண்டைக்காய் தண்ணீரில் உள்ள பிசுபிசுப்பு தன்மை உணவுகளின் செரிமானத்திற்கு உதவுகிறது. இதனால் மலச்சிக்கல் மற்றும் அஜீரண கோளாறு ஆகியவற்றிலும் இருந்து நாம் விடுபடலாம்.

மேலும் படிங்கதினமும் புதினா இலை சாப்பிடுங்க! உடலுக்கு ஏராளமான நன்மைகள் கிடைக்கும்

உடல் எடை குறையுமா ?

வெண்டைக்காய் தண்ணீர் அதிக நார்ச்சத்து கொண்டதால் இது நம்மை முழுமையாக உணர வைத்து பசியைக் குறைக்கும். அதிகமாக சாப்பிட வேண்டிய காலை வேளையில் நார்ச்சத்து உள்ள வெண்டைக்காய் தண்ணீர் குடிப்பது முழுமையான உணர்வை தருவதால் எடை இழப்புக்கு பெரிதும் உதவும்.

உடலில் நச்சு நீக்கம்

வெண்டைக்காய் தண்ணீர் ஒரு இயற்கையான நச்சு நீக்கி ஆகும். இது உடலில் உள்ள நச்சுகளை வெளியேற்றி நோய் எதிர்ப்பு சக்தியை அதிகரிக்கிறது. இதன் வைட்டமின் சி உள்ளடக்கம் மற்றும் ஆக்ஸிஜனேற்ற பண்புகளால் நாம் நாள்பட்ட நோய்களின் அபாயத்தில் இருந்து விடுபடலாம்.

தினமும் 100 மில்லி லிட்டர் வரை வெண்டைக்காய் தண்ணீர் குடிக்கலாம். அதற்கு மேல் குடித்தால் செரிமானப் பிரச்சினைகள் ஏற்படலாம்.

மேலும் படிங்கபுரதச்சத்து குறைபாடா ? நீங்கள் சாப்பிட வேண்டிய சைவ, அசைவ உணவுகள்

இது போன்ற கட்டுரைகளுக்கு ஹெர் ஜிந்தகியுடன் இணைந்திருங்கள்.