Butter For skin: முக பொலிவிற்கு எப்படியெல்லாம் வெண்ணெய்யைப் பயன்படுத்தலாம் தெரியுமா?

ஆண்கள் மற்றும் பெண்கள் என யாராக இருந்தாலும் அழகான முகம் வேண்டும் என்று தான் அதிகம் ஆசைப்படுவார்கள். சீரற்ற உணவு பழக்கங்கள், முறையற்ற தூக்கம், நீர்ச்சத்து குறைபாடு போன்ற பல்வேறு காரணங்களால் சருமம் வறண்டு போய்விடக்கூடும். இதற்காக அழகு நிலையங்களுக்குச் சென்று முகத்தைப் பொலிவாக்கினாலும், அனைத்து வேளைகளிலும் அங்கு செல்ல முடியுமா? என்றால் முடியாத காரியம். இதற்கு சிறந்த மாற்றாக உள்ளது வெண்ணெய். ஆம் வெண்ணெயில் அதிகளவு கொழுப்பு அமிலங்கள் மற்றும் வைட்டமின் ஏ போன்ற சத்துக்கள் அதிகளவில் உள்ளதால் சருமத்தினை மென்மையாகவும், ஈரப்பதத்துடனும் வைத்திருக்க உதவுகிறது. எப்படியெல்லாம் முகத்தைப் பொலிவாக்க வெண்ணெய்யைப் பயன்படுத்தலாம்? என்பது குறித்த டிப்ஸ்கள் இங்கே.

முக பொலிவிற்கு வெண்ணெய் பயன்படுத்தும் முறை:

• வெண்ணெய்யுடன் வாழைப்பழம்: ஒரு வாழைப்பழத்தை நன்கு மசித்துக் கொள்ளவும். இதனுடன் சிறிதளவு உப்பு மற்றும் வெண்ணெய்யை சேர்த்து மிக்ஸியில் நன்கு அரைத்துக் கொள்ளவும். பின்னர் முகத்தில் அப்ளை செய்து அரை மணி நேரத்திற்குப் பின்னதாக குளிர்ந்த நீரால் முகத்தைக் கழுவிக் கொள்ளவும். இதில் உள்ள ஊட்டச்சத்துக்கள் சருமத்தைப் பொலிவாக வைத்திருக்க உதவுகிறது.

மேலும் படிக்க: கண்ணாடி போன்ற பளபளப்பான சருமம் வேண்டுமா? வீட்டிலேயே கொரியன் ஃபேஸ் மாஸ்க் தயாரித்து பயன்படுத்தும் எளிய குறிப்பு

• ரோஸ் வாட்டர் மற்றும் வெண்ணெய்: சருமம் எப்போதும் நீரேற்றத்துடன் இருந்தால் மட்டுமே முகம் பொலிவாக தெரியும். எனவே ரோஸ் வாட்டருடன் சிறிதளவு வெண்ணெய் கலந்து காட்டனைக் கொண்டு முகத்தில் அப்ளை செய்யவும். இதில் உள்ள ஊட்டச்சத்துக்கள் சருமத்தினை நீரேற்றமாகவும், ஈரப்பதத்துடனும் வைத்திருக்க உதவுகிறது.
• வெள்ளரிக்காய் மற்றும் வெண்ணெய்: வறண்ட சருமம் அதிகம் உள்ளவர்கள் வெள்ளரிக்காயுடன் வெண்ணெய் சேர்த்து பேஸ்ட் போன்று தயார் செய்துக் கொள்ளவும். பின்னர் முகத்தில் ஸ்கரப் செய்யும் போது இதில் உள்ள ஊட்டச்சத்துக்கள் சருமத்தில் உள்ள வறட்சியை நீக்கி முகத்தை எப்போதும் பொலிவுடன் வைத்திருக்க உதவுகிறது.

மேலும் படிக்க: Dark Lips Home Remedies: உதடுகளில் இருக்கும் கருமையை போக்க உதவும் 5 வீட்டு வைத்தியங்கள் இதோ

• வெண்ணெய்யை கொஞ்சமாக கையில் எடுத்து முகத்தில் அப்ளை செய்து மசாஜ் செய்யவும். இது சருமத்திற்கு உள்ளார்ந்த ஈரப்பதத்தை வழங்குகிறது.
• சிறிதளவு வெண்ணெய்யுடன் சர்க்கரை கலந்து ஸ்கர்ப்பாக பயன்படுத்தலாம். தேன் கலந்து அப்ளை செய்யும் போது இதில் உள்ள ஊட்டச்சத்துக்கள் சருமத்தைப் பாதுகாப்புடன் வைத்திருக்க உதவுகிறது.
• ஒருவேளை மேற்கூறிய முறையில் செய்ய முடியவில்லையென்றாலும் இரவு தூங்குவதற்கு முன்னதாக வெண்ணெய்யை முகத்தில் தடவிக் கொள்ளவும். இதில் உள்ள ஊட்டச்சத்துக்கள் சருமத்திற்கு நன்மை அளிக்கிறது. சருமத்தை மென்மையாக்கி இயற்கையான பொலிவைத் தருகிறது.

 Image source - Freepik