உங்கள் சருமத்தை ஆரோக்கியமாகவும், பளபளப்பாகவும் பராமரிக்க வேண்டுமா? இந்த 7 டிப்ஸை ஃபாலோ பண்ணுங்க

பளபளப்பான மற்றும் ஆரோக்கியமான சருமத்தை பெறுவது என்பது விலை உயர்ந்த க்ரீம்கள் மற்றும் லோஷன்களை பயன்படுத்துவது மட்டும் அல்ல. நம் அன்றாட பழக்க வழக்கங்களில் சில எளிய மாற்றங்களை செய்வதன் மூலமும் அதை அடையலாம். இயற்கையான வழிகளில் உங்கள் சருமத்தின் ஆரோக்கியத்தை எவ்வாறு மேம்படுத்துவது என்பதை பற்றி இந்த கட்டுரையில் காண்போம்.

மேலும் படிக்க: பளபளப்பான சருமத்திற்கு பெரிதும் உதவும் பால்; இந்த டிப்ஸை நோட் பண்ணுங்க மக்களே

நீர்ச்சத்தின் அவசியம்:

சருமத்தின் பளபளப்பிற்கும், மென்மைக்கும் நீர்ச்சத்து மிக அவசியம். தினமும் குறைந்தது 8 கிளாஸ் தண்ணீர் குடிப்பதை வழக்கமாக்கி கொள்ளுங்கள். அதிக புத்துணர்ச்சிக்கு, தண்ணீரில் சிறிது எலுமிச்சை சாறு சேர்த்து பருகலாம். இது சருமத்தை உள்ளிருந்தே ஹைட்ரேட் செய்து பொலிவான தோற்றத்தை தரும்.

சருமத்திற்கு உகந்த உணவுகள்:

சரும ஆரோக்கியத்திற்கு ஊட்டச்சத்துகள் மிகவும் முக்கியம். பெர்ரி பழங்கள், நட்ஸ் வகைகள் மற்றும் கீரை வகைகள் போன்ற ஆன்டிஆக்ஸிடன்ட்கள் நிறைந்த உணவுகளை சேர்த்துக் கொள்ளுங்கள். மீன் மற்றும் ஆளி விதைகளில் உள்ள ஒமேகா-3 கொழுப்பு அமிலங்கள், சருமத்தில் ஏற்படும் அழற்சியை குறைத்து, சருமத்தின் நெகிழ்வுத்தன்மையை (elasticity) மேம்படுத்த உதவுகின்றன.

போதுமான தூக்கம் அவசியம்:

சருமத்தை பாதுகாக்க தூக்கம் மிகவும் அவசியம். ஒவ்வொரு இரவும் 7-9 மணி நேரம் தூங்குவதை இலக்காக கொள்ளுங்கள். நாம் தூங்கும் போது தான் சருமம் தன்னைத்தானே சரிசெய்து கொள்கிறது. எனவே, சரியான ஓய்வு மிகவும் அவசியம்.

இயற்கையான மாய்ஸ்சரைசர்களை பயன்படுத்தலாம்:

சருமத்தின் ஈரப்பதத்தை பாதுகாக்க இயற்கையான மாய்ஸ்சரைசர்கள் சிறந்தவை. தேங்காய் எண்ணெய், கற்றாழை ஜெல் மற்றும் தேன் ஆகியவை சருமத்தை நீரேற்றத்துடன் வைத்திருக்கவும், மென்மையாக்கவும் உதவுகின்றன. குளித்த பிறகு இவற்றை சருமத்தில் தடவுவதன் மூலம் அதிகபட்ச பலனை பெறலாம்.

மேலும் படிக்க: Pimple home remedy: முகப்பருக்களால் அவதிப்படுபவரா நீங்கள்? இந்த 5 வீட்டு வைத்திய முறையை பின்பற்றவும்

தொடர்ந்து முகத்தை சுத்தம் செய்யவும்:

முகத்தில் உள்ள அழுக்கு, எண்ணெய் மற்றும் மேக்கப்பை நீக்க, மென்மையான க்ளென்சரை பயன்படுத்துங்கள். இது சருமத்தை வறண்டு போகாமல் பாதுகாக்கும். இயற்கையான, சல்ஃபேட் இல்லாத க்ளென்சர்களை தேர்ந்தெடுப்பது நல்லது.

சூரியனிடமிருந்து சருமத்தை பாதுகாக்கவும்:

சூரியனின் புற ஊதாக்கதிர்கள் (UV rays) சரும செல்களை பாதிக்கும். எனவே, தினமும் உங்கள் சருமத்தை பாதுகாத்துக் கொள்வது அவசியம். SPF 30 அல்லது அதற்கு மேற்பட்ட சன்ஸ்கிரீனைப் பயன்படுத்துங்கள்.

உடற்பயிற்சி அவசியம்:

உடற்பயிற்சி, இரத்த ஓட்டத்தை மேம்படுத்துகிறது. இதனால் சருமத்திற்கு அதிக ஊட்டச்சத்துகள் கிடைக்கின்றன. வியர்ப்பதன் மூலம் சருமத்தில் உள்ள துளைகள் சுத்தமாகி, முகம் பளபளப்பாக மாறும்.

இந்த எளிய பழக்க வழக்கங்களை பின்பற்றுவதன் மூலம் உங்கள் சருமத்தை ஆரோக்கியமாகவும், பொலிவுடனும் வைத்துக்கொள்ளலாம்.

இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

Image Credit: Freepik