நவராத்திரி நாட்களில் செய்ய வேண்டியவை; செய்யக் கூடாதவை

நெய், எண்ணெய் பயன்பாடு

நவராத்திரி கொண்டாட்டத்தில் விரதம் கடைபிடிக்கும் பக்தர்கள் நெய் பயன்படுத்துவது நல்லது. நெய் இல்லாத பட்சத்தில் கடுகு எண்ணெய் பயன்படுத்தி சமையல் செய்யலாம்.

அசைவம் தவிர்க்கவும்

நவராத்திரி மிகவும் புனிதமான கொண்டாட்டம் என்பதால் அசைவ உணவுகளை முற்றிலும் தவிர்க்க வேண்டும். சமையலுக்கு பூண்டு மற்றும் வெங்காயம் பயன்படுத்தக் கூடாது. இவை உங்களுடைய ஆன்மிக வழிபாட்டில் தடையை ஏற்படுத்தும்.

விரத நேரம்

சூரியன் மறைந்த பிறகு விரதத்தை நிறைவு செய்வது சரி. ஜீரணத்தில் பிரச்னையை ஏற்படுத்தும் உணவுகளை கட்டாயம் தவிர்க்க வேண்டும். குறைவான உணவு சாப்பிட்டாலும் நீங்கள் ஆற்றலோடு இருக்கலாம்.

பாலியல் விஷயத்தில் கட்டுப்பாடு

காதல் உறவு அல்லது குடும்ப உறவு எதுவாக இருந்தாலும் பாலியல் விஷயத்தில் கட்டுப்பாடு தேவை. பாலியல் உணர்வை தூண்டும் எந்தவொரு செயலிலும் ஈடுபடக் கூடாது.

நகம் வெட்டக்கூடாது

விரத நாட்களின் போது நகம் வெட்டக்கூடாது மற்றும் சவரம் செய்யக்கூடாது. இவை இரண்டும் எதிர்மறை ஆற்றலை ஈர்க்க கூடியவை. நகம் அதிகமாக வளர்ந்தாலும் வெட்டாதீர்கள். அதே போல முகத்தில் முடி வளர்ந்தாலும் சவரம் செய்யக்கூடாது.

மந்திரம் உச்சரித்து வழிபாடு

நவராத்திரியின் ஒன்பது நாட்களிலும் மந்திரம் உச்சரித்து துர்க்கையிடம் இருந்து நேர்மறையான ஆற்றலை பெற வேண்டும். தீய சக்திகளை அழிக்க கூடிய துர்க்கை மந்திரங்களை படிக்கவும்.

சுத்த பத்தமாக இருங்கள்

ஒன்பது நாட்களும் வீட்டையும், பூஜை அறையையும் தூய்மையாக வைப்பது அவசியம். தூய்மை எப்போதுமே வீட்டிற்குள் நேர்மறை ஆற்றலை அதிகரிக்கும். காலையில் எழுந்தவுடன் குளித்து உடைமைகள் அடிக்கடி மாற்றி சுற்றுப்புறத்தை தூய்மையாக வைக்கவும்.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.