கர்ப்பகாலத்தில் உறவினர்கள், நண்பர்கள் மற்றும் நமக்கு தெரிந்த பலரிடமிருந்து பல்வேறு ஆலோசனைகள் வரலாம். அவற்றில் சில உங்களுக்கு ஏற்றதாகத் தோன்றாமல் இருக்கலாம். பெரும்பாலான மக்கள் கர்ப்பிணிகள் சில உணவுகளைத் தவிர்க்க வேண்டும் என்று கூறுவார்கள். ஆனால் இது எவ்வளவு உண்மை? அன்னாசி, பப்பாளி போன்ற பழங்கள் கருச்சிதைவை ஏற்படுத்தும் என்று சொல்வார்கள். இவை உடலுக்கு "சூடு" தரும் பழங்கள் என்பதால் இப்படிக் கூறப்படுகிறது. மேலும், கர்ப்பகாலத்தில் பால் குடித்தால் குழந்தை சிவப்பாகப் பிறக்கும், காபி அல்லது தேநீர் குடிப்பது குழந்தைக்கு தீங்கு விளைவிக்கும் போன்ற சில நம்பிக்கைகளும் உள்ளன. அந்த வரிசையில் இந்தப் பதிவில், கர்ப்பகாலத்தில் அன்னாசிப்பழம் சாப்பிடுவது ஆபத்தா என்பதை குறித்து பார்க்கலாம்.
கர்ப்பிணிகள் அன்னாசிப்பழம் சாப்பிடுவது பாதுகாப்பானதா?
கர்ப்பகாலத்தில் அன்னாசிப்பழம் சாப்பிடுவது பாதுகாப்பானது மற்றும் ஆரோக்கியமானது. சிலர் இது ஆரம்ப கருச்சிதைவை ஏற்படுத்தலாம் அல்லது பிரசவத்தைத் தூண்டலாம் என்று கூறலாம். ஆனால் இது ஒரு கட்டுக்கதை மட்டுமே. இதை ஆதரிக்கும் எந்த அறிவியல் ஆதாரமும் இல்லை. எதுவும் அளவாக சாப்பிடும் போது பக்க விளைவுகள் எதுவும் இருக்காது.
அன்னாசிப்பழத்தின் ஊட்டச்சத்துக்கள்:
ஒரு கப் அன்னாசிப்பழம் கர்ப்பிணிகளின் தினசரி வைட்டமின் C தேவையை 100% நிறைவு செய்யும். இது பின்வரும் ஊட்டச்சத்துக்களைக் கொண்டுள்ளது:
- ஃபோலேட் - குழந்தையின் வளர்ச்சிக்கு அவசியம்.
- இரும்பு சத்து - இரத்த சோகையைத் தடுக்கிறது.
- மாங்கனீசு - எலும்புகளை வலுப்படுத்துகிறது.
- செம்பு - முடி மற்றும் கண்களின் ஆரோக்கியத்திற்கு உதவுகிறது.
- வைட்டமின் B6 - இரத்த சோகை மற்றும் காலை சோர்வைக் குறைக்கிறது.
- வைட்டமின் C - நோயெதிர்ப்பு சக்தியை அதிகரிக்கிறது.
அன்னாசிப்பழம் ஏன் தவிர்க்கப்படுகிறது?
அன்னாசிப்பழத்தில் புரதங்கள் மற்றும் தாதுச்சத்துக்கள் அதிகம் உள்ளன. இது தொண்டைப் புண்களைக் குணப்படுத்தும், ஆனால் அதிக அசிடிக் அமிலம் கருவை பாதிக்கலாம் என்று சிலர் நம்புகிறார்கள். சில கர்ப்பிணிகளுக்கு இதனால் பிரச்சினை இல்லை என்றாலும், மருத்துவர்கள் சிலரது கருத்துப்படி, இது பிரசவ வலியைத் தூண்டலாம். எனவே, கர்ப்பிணிகள் இதை மிதமாகவோ அல்லது மருத்துவரின் ஆலோசனைப்படியோ உட்கொள்ளலாம்.
கர்ப்பகாலத்தில் அன்னாசிப்பழத்தின் அபாயங்கள் என்ன?
அதிக அளவில் அன்னாசிப்பழம் சாப்பிடுவது கர்ப்பத்தை பாதிக்கக்கூடிய சில அபாயங்களைக் கொண்டுள்ளது.
- அமில ரிஃப்ளக்ஸ் - அன்னாசியில் உள்ள அமிலங்கள் நெஞ்செரிச்சலை ஏற்படுத்தலாம்.
- கருச்சிதைவு அபாயம் - புரோமிலைன் எனும் நொதி கருப்பைச் சுருக்கங்களைத் தூண்டலாம்.
- சர்க்கரை அதிகரிப்பு - கர்ப்பகால நீரிழிவு உள்ளவர்கள் தவிர்க்க வேண்டும்.
- உடல் எடை அதிகரிப்பு - அதிக கலோரி உள்ளதால் உடல் எடை கூடலாம்.
- வயிற்றுப்போக்கு - அதிகம் சாப்பிடுவதால் செரிமானப் பிரச்சனைகள் ஏற்படலாம்.
அந்த வரிசையில் கர்ப்பகாலத்தில் அன்னாசிப்பழத்தை மிதமாகச் சாப்பிட்டால் பெரும்பாலும் பாதிப்பு இல்லை. ஆனால் அதிகப்படியான உட்கொள்ளல் சிலருக்கு பிரச்சினைகளை ஏற்படுத்தலாம். எனவே, கர்ப்ப காலத்தில் பெண்கள் மருத்துவரின் ஆலோசனையுடன் இதை சாப்பிடுவது நல்லது.
Image source: google
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation