பிறப்புறுப்பில் அரிப்பு, எரிச்சல் பிரச்சனையா? இந்த வீட்டு வைத்தியங்களை செய்து பாருங்க

தேங்காய் எண்ணெய்:

தேங்காய் எண்ணெய் நம் சருமத்திற்கு இயற்கையான ஈரப்பதமூட்டியாக செயல்படுகிறது. இது அலர்ஜி மற்றும் அரிப்பை குறைக்க உதவும். சுத்தமான தூய தேங்காய் எண்ணெயை பாதிக்கப்பட்ட பகுதியில் பூசி 15-20 நிமிடங்கள் விட்டுவிட்டு வெந்நீரால் கழுவவும். இது உங்களுக்கு தோல் எரிச்சலைக் குறைத்து, நோய்த்தொற்றைத் தடுக்கும்.

வெங்காயம் மற்றும் தேன் கலவை:

வெங்காயம் மற்றும் தேன் இரண்டும் நோய் நுண்மங்களைக் கொல்லும் பண்புகளைக் கொண்டவை. ஒரு சிறிய வெங்காயத்தை அரைத்து, அதில் ஒரு தேக்கரண்டி தேன் சேர்து கலக்கவும். இந்த கலவையை பாதிக்கப்பட்ட பகுதியில் 10 நிமிடம் பூசி, பின்னர் சாதாரண நீரால் கழுவவும். இது தொற்று மற்றும் அரிப்பை குறைக்க உதவும்.

சந்தனம் மற்றும் மஞ்சள் பேஸ்ட்:

சந்தனம் மற்றும் மஞ்சள் இரண்டும் தோல் பிரச்சனைகளுக்கு சிறந்த தீர்வாகும். சந்தனப் பொடி மற்றும் மஞ்சள் பொடியை சம அளவு கலந்து, சிறிது தண்ணீர் சேர்த்து பேஸ்ட் தயாரிக்கவும். இதை பிறப்புறுப்பு பகுதியில் பூசி 15 நிமிடம் விட்டுவிட்டு கழுவவும். இது எரிச்சல் மற்றும் வீக்கத்தை குறைக்கும்.

தயிர்:

தயிரில் உள்ள புரோபயாடிக் பாக்டீரியாக்கள் ஈஸ்ட் தொற்றை கட்டுப்படுத்த உதவுகின்றன. ஒரு துணியை தயிரில் நனைத்து பாதிக்கப்பட்ட பகுதியில் 10-15 நிமிடம் வைத்திருந்து கழுவவும். இது ஈரப்பதத்தை சமநிலைப்படுத்தி, அரிப்பை குறைக்கும்.

கற்றாழை ஜெல்:

கற்றாழை ஜெல் இயற்கையான குளிர்ச்சியூட்டும் பண்புகளைக் கொண்டது. புதிதாக எடுக்கப்பட்ட கற்றாழை ஜெல்லை அரிப்பு பகுதியில் பூசி 20 நிமிடம் விட்டுவிட்டு கழுவவும். இது எரிச்சல் மற்றும் வலியை விரைவாக குறைக்கும்.

வேப்பிலை கஷாயம்:

வேப்பிலைகள் நுண்ணுயிர்க்கொல்லி பண்புகளைக் கொண்டவை. ஒரு கைப்பிடி வேப்பிலைகளை கொதிக்கும் நீரில் போட்டு 10 நிமிடம் காய்ச்சவும். இந்த கஷாயத்தை வடிகட்டி, குளிர வைத்து, அந்த நீரால் பாதிக்கப்பட்ட பகுதியை கழுவவும். இது தொற்று மற்றும் அரிப்பை கட்டுப்படுத்தும்.

மேலும் படிக்க: கர்ப்ப காலத்தில் அடிக்கடி வயிற்றில் அரிப்பு இருக்கா? உடனடி நிவாரணம் பெற இதை ட்ரை பண்ணுங்க

காற்றோட்டமான உடை மற்றும் துணிகள்:

யோனிப் பகுதியில் ஈரப்பதம் சேராமல் இருக்க பருத்தி துணிகளால் செய்யப்பட்ட உள்ளாடைகளை அணியவும். இது போன்ற இயற்கையான துணிகள் தோல் எரிச்சலை தடுக்கும். மேலும் ஈரமான உடைகளை நீண்ட நேரம் அணியாமல் கவனமாக இருக்கவும்.

குறிப்பு:

மேலே குறிப்பிட்டுள்ள வீட்டு மருத்துவ முறைகளை பயன்படுத்தி 2 அல்லது 3 நாட்களுக்குள் முன்னேற்றம் தெரியவில்லை என்றால், உடனடியாக மருத்துவரை அணுகவும். இரசாயனம் கலந்த சோப்புகள், பெர்ஃப்யூம் உள்ள துணிகளை தவிர்க்கவும். அதிக அளவு தண்ணீர் குடித்து, உடல் ஈரப்பதத்தை பராமரிக்கவும்.

Image source: google