Remove White Water Stains: சமையலறை ஸ்லாப்பில் ஏற்படும் உப்பு நீர் கறைகளை அகற்ற எளிய வழிகள்

பெரும்பாலான மக்கள் தங்கள் சமையலறைகளில் கிரானைட் கற்களால் அமைத்திருப்பார்கள். கிரானைட் கல் மிகவும் வலுவானது மற்றும் சமையலறைக்கு பிரகாசம் சேர்க்கிறது. ஒரு சிறிய சுத்தம் அதை மிகவும் பிரகாசிக்க செய்யும், இதில் கீறல் பட்டாலும் தெரிவதில்லை. இந்த கிரானைட் கற்கலில் சூடான பாத்திரங்களைக் கூட வைத்துக் கொள்ளலாம். இருப்பினும் கிரானைட் ஒரு நுண்ணிய பொருள் இது தண்ணீரை விரைவாக உறிஞ்சும். எனவே தண்ணீர் அல்லது வேறு ஏதேனும் திரவம் அதன் மீது விழும்போது எளிதில் கறையாகிவிடும்.

சமையலறை ஸ்லாப்பின் பளபளப்பை அப்படியே வைத்திருக்க எப்போதும் சுத்தம் செய்வது அவசியம். அதில் தண்ணீர் தேங்காமல் பார்த்துக்கொள்ள வேண்டும். அதேபோல் எந்த வகையான திரவம் அதன் மீது விழுந்தாலும் உடனடியாக சுத்தம் செய்ய வேண்டும். இப்போது உங்கள் ஸ்லாப்பில் கடினமான நீர் கறைகள் அல்லது வெள்ளை கறைகளை கண்டால் அவற்றை சுத்தம் செய்ய இந்த எளிய முறைகளை முயற்சிக்கலாம்.

ஸ்லாப்பை தவறாமல் சுத்தம் செய்யுங்கள்

சமையலறை ஸ்லாப்பை அடிக்கடி சுத்தம் செய்வது மிகவும் முக்கியம். சமைத்த பிறகு தினமும் கிரானைட் கவுண்டர் டாப்பை மைக்ரோஃபைபர் துணியால் சுத்தம் செய்ய வேண்டும். எந்தவொரு கடுமையான ஸ்க்ரப் கொண்டும் ஸ்லாப்பை சுத்தம் செய்யாதீர்கள். இது எப்போதும் உலர்ந்த மைக்ரோஃபைபர் துணியால் சுத்தம் செய்வது நல்லது.

கறைகளை உடனடியாக சுத்தம் செய்யவும்

ஸ்லாப்பில் விழுந்த எண்ணெய், காய்கறிகள், தண்ணீர் அல்லது வேறு ஏதேனும் உணவுப் பொருட்களை உடனடியாக சுத்தம் செய்ய வேண்டும். சிறிய துகள்கள் ஸ்லாப்பில் சிக்கிக்கொள்ளலாம் அதன்பின்னர் அதை அகற்றுவது கடினம். இந்த விஷயங்கள் பளபளப்பை அகற்றும். நீங்கள் குளிர் அல்லது சூடான பானத்தை ஸ்லாப்பில் வைத்திருக்கும் போதெல்லாம் அடியில் ஒரு கோஸ்டர் அல்லது டிரிவெட் வைக்கவும்.

இந்த பொருட்களை கொண்டு கிரானைட் அடுக்குகளை சுத்தம் செய்யாதீர்கள்

ஸ்லாபின் பிரகாசத்தை பராமரிக்க எந்த வகையான சிராய்ப்பு பொருட்களையும் பயன்படுத்த வேண்டாம். அதேபோல ஸ்லாப்பை ஒருபோதும் வினிகரால் சுத்தம் செய்யக்கூடாது. வினிகருடன் சுத்தம் செய்வது கற்களை சேதப்படுத்தும். சிராய்ப்பு துப்புரவு பட்டைகள் மற்றும் கடுமையான இரசாயனங்கள் பயன்படுத்துவதை தவிர்க்கவும். ஏனெனில் அவை மேற்பரப்பை சேதப்படுத்தும்.

இந்த பொருட்களைக் கொண்டு கிரானைட் ஸ்லாப்பை சுத்தம் செய்யலாம்

• வெதுவெதுப்பான நீர் மற்றும் சில துளிகள் டிஷ் சோப்பு கொண்டு சுத்தம் செய்வது நல்லது.
• பேக்கிங் சோடா மற்றும் தண்ணீரை கொண்டு பேஸ்ட் செய்து. அதன்பின் மென்மையான கடற்பாசி உதவியுடன் இந்த பேஸ்ட்டை கறையின் மீது தடவி இரவு முழுவதும் விடவும்.
• காலையில் ஈரமான துணியால் ஸ்லாப்பை சுத்தம் செய்த பிறகு, அதன்பின் உலர்ந்த மைக்ரோஃபைபர் துணியால் துடைக்கவும்.

எந்தவொரு தயாரிப்பையும் முழு மேற்பரப்பிலும் பயன்படுத்துவதற்கு முன் அதை ஒரு சிறிய மற்றும் கவனிக்கப்படாத பகுதியில் சோதிக்கவும். தயாரிப்பு ஸ்லாப்பை சேதப்படுத்துமா இல்லையா என்பதை உறுதிப்படுத்திக்கொள்ள வேண்டும்.

இந்தக் கட்டுரை உங்களுக்குப் பிடித்திருந்தால் பகிரவும். மேலும் இதுபோன்ற கட்டுரைகளைப் படிக்க Herzindagi உடன் இணைந்திருக்கவும்.

Image Credit: Freepik