Irregular Periods Reason : ஒழுங்கற்ற மாதவிடாயா? அலட்சியம் வேண்டாம். இந்த ஹார்மோன் அதிகரிப்பதற்கான அறிகுறியாக இருக்கலாம்

ஈஸ்ட்ரோஜன் ஹார்மோன் பெண்களின் இனப்பெருக்க ஆரோக்கியத்தை பாதிக்கிறது. இதன் அதிகரிப்பு அல்லது குறைவால், பெண்களின் உடலில் பல மாற்றங்கள் ஏற்படலாம். அதனால்தான் இதனை எப்போதும் அலட்சியமாக எடுத்துக்கொள்ளக்கூடாது.ஹார்மோன் சமநிலையின்மை: நம் உடலில் உள்ள ஹார்மோன்கள், உடல் சரியாக செயல்பட உதவுகிறது. ஹார்மோன் சமநிலையின்மை காணப்பட்டால், அறிகுறிகள் பல உடலில் தோன்ற ஆரம்பிக்கும். ஹார்மோன்கள் குறிப்பாக பெண்களின் ஆரோக்கியத்தில் தாக்கத்தை ஏற்படுத்துகின்றன. பெண்களின் மாதவிடாய், உடலுறவு மற்றும் கருவுறுதல் போன்றவை நேரடியாக ஹார்மோன்களுடன் தொடர்புடையவை.

ஈஸ்ட்ரோஜன் என்பதொரு பாலியல் ஹார்மோன் ஆகும், இது பெண் கருவுறுதலை பாதிக்கிறது. மாதவிடாய் காலத்தில், மாதவிடாய் நிறுத்தத்தின்போது மாற்றங்கள் உண்டாகிறது. அப்போது பெண்களின் உடலில் ஈஸ்ட்ரோஜன் ஹார்மோன் அளவு அதிகரிப்பதற்கான அறிகுறிகள் தெளிவாகத் தெரியும். ஈஸ்ட்ரோஜன் ஹார்மோன் என்றால் என்ன, அது அதிகரிக்கும் போது பெண்களின் உடலில் காணப்படும் அறிகுறிகள் என்ன என்பதை நிபுணர்களிடம் இருந்து தெரிந்து கொள்ளலாம் வாருங்கள். இது குறித்து உணவியல் நிபுணர் ரித்திமா பத்ரா தகவலை பகிர்ந்துள்ளார். ரித்திமா பத்ரா என்பவர் சான்றளிக்கப்பட்ட நீரிழிவு கல்வியாளர், விளையாட்டு ஊட்டச்சத்து நிபுணர் மற்றும் Nutrition Defined இன் நிறுவனர் ஆவார்.

ஈஸ்ட்ரோஜன் ஹார்மோன் என்றால் என்ன?

ஈஸ்ட்ரோஜன் என்பது பெண் உடலில் காணப்படும் ஒரு பாலியல் ஹார்மோன் ஆகும். இருப்பினும், இந்த ஹார்மோன் ஆண்களிடமும் காணப்படும். இந்த ஹார்மோன் பல செயல்பாடுகளைக் கொண்டுள்ளது. ஈஸ்ட்ரோஜன் ஒரு செக்ஸ் ஹார்மோன் என்று பெரும்பாலான பெண்கள் நினைக்கிறார்கள், எனவே அதன் தாக்கம் கருவுறுதலுக்கு மட்டுமே உரியது என்றும் நினைக்கிறார்கள். ஆனால் அது அப்படி இல்லை. மாதவிடாய் தவிர, இனப்பெருக்க ஆரோக்கியம், ஹார்மோன் ஏற்ற தாழ்வு நிலைகள் போன்றவை எலும்புகள், இதயம், இடுப்பு தசைகள், மார்பகம், சிறுநீர் பாதை மற்றும் மூளை ஆகியவற்றையும்  பாதிக்கலாம் என்பதை நினைவில் கொள்ளவும். ஈஸ்ட்ரோஜன் அளவு மாறும்போது, அது உடலின் பல செயல்பாடுகளை பாதிக்கிறது. பெரும்பாலான ஈஸ்ட்ரோஜன் ஹார்மோன்கள் பெண்களின் கருப்பையில் உற்பத்தி ஆகின்றன. இருப்பினும், அட்ரீனல் சுரப்பிகள் மற்றும் கொழுப்பு செல்கள் இந்த ஹார்மோனை சிறிய அளவில் உருவாக்குகின்றன.

 அறிகுறிகள்

• ஒழுங்கற்ற மாதவிடாய்
• மனநிலை மாற்றங்கள்
• எடை அதிகரிப்பு
• உடலுறவில் நாட்டம் குறைவு
• தலைவலி
• சோர்வு
• முகப்பரு
• தூங்குவதில் சிக்கல்
• கவனக்குறைவு
• எரிச்சல்
• பிறப்புறுப்பின் வறட்சி 

ஈஸ்ட்ரோஜன் சமநிலையின்மைக்கான காரணங்கள்

பெண்களின் உடலில் ஈஸ்ட்ரோஜன் ஹார்மோன் சரியான அளவில் இருக்க வேண்டியது அவசியம். அது வளரும் போது பல சிரமங்கள் இருக்கலாம். அதே சமயம், இது தேவையான அளவு இல்லாதபோது பெண்களின் ஆரோக்கியத்தை பாதிக்கிறது. அண்டவிடுப்பின் தொடக்கத்தில், மாதவிடாய் சமயத்தில், மாதவிடாய் நிறுத்தம் போன்ற காலகட்டங்களில் இதன் அளவில் வேறுபாடு உள்ளது. இதன் காரணமாக, பெண்களின் மார்பகத்திலும் கருப்பையிலும் நீர்க்கட்டிகள் உருவாகின்றன. முறையற்ற உணவு, எடை மாற்றம், காஃபின் பானங்கள் குடித்தல், மன அழுத்தம், தூக்கமின்மை அல்லது பலவீனமான வாழ்க்கை முறை போன்றவை ஈஸ்ட்ரோஜன் ஹார்மோனின் அளவை பாதிக்கலாம்.

உங்களுக்கு ஏதேனும் உடல்நலம் தொடர்பான பிரச்சனைகள் இருந்தால், பதிவின் கீழே கொடுக்கப்பட்டுள்ள கமெண்ட் செக்சனில் எங்களுக்குத் தெரியப்படுத்துங்கள். எங்கள் பதிவுகள் மூலம் உங்களுக்கு உதவ முயற்சிக்கிறோம்.இந்த பதிவு உங்களுக்குப் பிடித்திருந்தால், பகிரவும். மேலும் இதுபோன்ற பதிவுகளைப் படிக்க, Herzindagi உடன் இணைந்திருங்கள்.

Images Credit: freepik